الراجل بين زمن دبح القطه وبين الراجل القطه

السلام عليكم ورحمة الله

"العيب عليه أصله مدبحلهاش القطة"

كلمه بنسمعها كتير خاصة من العجائز من النساء
حينما تري زوجه متسلطة تكاد تكون مسيطرة علي زوجها

والغلبان يا عيني لا حول له ولا قوة !!!!!!!!

أصل المقوله ديه يرجع الي عادة كانت منتشرة

قديما بين رجال مصر هي أن يحضر الرجل قطة

ويجهزها ويضعها في غرفة النوم,, وفي ليلة الدخله

يدبح القطة المسكينة قدام عين مراته قال يعني عشان يبرهنلها علي

مدي شجاعته التي ليس لها حدود ..(بيتشطر ع القطة يعني)...

بس صراحة كانت بتجيب نتيجة وأدينا كلنا شوفنا

بين القصرين (الفيلم اللي بسببه لسه الرجاله رافعة راسهه لغاية دلوقت ههههههههههه)

"ايه اللي حصلك يا أمينهههه"

"السوارس خبطتني يا سي السيد"

لكن دلوقتي الراجل بقي هوه القطه (الا ما رحم ربي !!!!!!!!!!)

"أحمد, الساعة بقت سابعة قوم يللا حضر الفطارعلي ما آخد الشاور"

"حاضر يا حبيبتي , خلاص بنشر آخر حتة وجاي"

بعد الشاور" أحمد, أنا نازلة الشغل , بليز بلاش آجي من الشغل الاقيك لسه مطبختش,,

وباقي شغلك في البيت بقة انته عارفه,,, باي يا ولاد"

طبعا مقدرش أقوول ان رجالة زمان كلهم كانوا زي سي السيد
ولا أقدر اقول بردو ان رجالة النهارده كلهم زي أحمد
بس احنا بنتكلم علي الغالب......

في النهاية يا ريت كل واحد يخش ويقول مين من الزمنين

كان أحسن,,, وياريت البنات بالذات تقول تحب مين أكتر

سي السيد الراجل المنغلق الرجعي بس (راجل)

وللا أحمد المنفتح التقدمي اللي سبور بس (قطة)

مستني آراءكم!!!!!!!!!!!!!!!!!!!!!

لالالالالالالالالالالالا

طول عمرنا واحنا رافعين راسنا مش فيلم ولا حاجة اللى هيرفع راسنا

وزى ما انت قولتى مش كل الرجالة زى أحمد ولا زى سى السيد

بس انت طبعا عرفه أنا تبع مين
وبرضو لسه رافع الشعار
استفز البنت واحرق دمها تموت البنت ونستريح من شكلها
وبرضو
لولا أمى لقتلت النساء جميعا

وأحب أعرف رأيك برضو ما انت من البنات

أنا شايفة ان مهما الراجل كان شديد وكان صعب بس شر لابد منه
انا شايفة ان لو جوزى واحد زى احمد دة كنت خلعته احسنلى
برضة لسة الراجل لية كرامته وهيبته
صحيح احنا بنادى ان البنت زى الولد مش كماله عدد
بس برضة الراجل راجل والست ست
احنا عاوزين الوسط يعنى راجل يمشى كلمته وكل حاجة
بس يدينا فرصتنا نقول رأينا
موضوع جميل قوى بس بجد القطة بتصعب عليه
دايما كدة حقها رايح فى وسطينا

السلام عليكم

يتلخص الموضوع فى 3 كلمات

الراجل راجل و الست ست مهما كانت علاقتهم ببعض

يعنى مش ينفع كلام الراجل ميمشيش على مراتة دة مش يبقى راجل

ودائما وابدا الرجال قوامون على النساء

ومعلش احمد دة مش راجل

ولو جبناها من ناحية الدين

فالرسول علية افضل الصلاة و السلام قال فيما معناة

لو امرت ان احدا يسجد لغير الله لامرت الزوجة ان تسجد لزوجها

انا مش فاكر الحديث اوى صراحة

و بردة قال علية الصلاة و السلام

فيما معناة

ان المراة اللى تنام وزوجها غاضب عليها تلعنها الملائكة

فمن الاخر هو المفروض زمن راجل سى السيد مع عدم الغاء شخصية المراة بشكل دائم

يعنى مودرن سى السيد

بس مش اكتر

و ارجو الا اكون قد اطلت عليكم

انا سعيده جدا باراء الشباب ومكنتش متوقعة الاراء دى
يعنى الكل اجمع اهو ان لينا وجود وشخصيه
ومينفعش تتلغى
وانا طبعا بقول انا الراجل له طابعه الخاص ولازم يتحافظ عليه
وليه حقوقه
فى القوامه
وده كلام دينا مفيش كلام فيه
منورين يا جماعة وشكرا جدا ليكم

موضوعك رائع يا كايند
بس الراجل مش سي السيد ولا احمد
الراجل هو الي يخاف علي بيته
ويحب زوجته ويقدرها
ويحترمها مش بس يقول كلام ولازم يتنفذ وبس
لازم يكون الزواج مبني علي الاحترام
وانا اعتقد ان الرجل الي بيحب زوجته هو ده الراجل
ومش معني الحب انه ضعيف
فالرسول كان يحب زوجاته ويساعدهم
وكان خير الرجال واكثر المشاكل ان الراجل عليز ينفذ كلامه وبس مش لازم يكون صح اوغلط

[ندعوك للتسجيل في المنتدى أو التعريف بنفسك لمعاينة هذه الصورة]

الراجل بين زمن دبح القطه وبين الراجل القطه

الراجل بين زمن دبح القطه وبين الراجل القطه

مواضيع مماثلة

مواضيع مماثلة