مره واحد مسطول ماشي مع حبيبته في نص الليل فاشفت ابوها فقالت يالهوي بابا بابا فقالها ماتخافيش قوليلوا اخوكي

مرة واحد امريكي وواحد اسباني وواحد صعيدي اتفقوا مين
بجيب اكبر تمساح راح الامريكي جاب واحد كبير وراح
الاسباني جاب واحد اكبر وراح الصعيدي و ما رجعش راحوا
يدوروا عليه لقوه شايل تمساح صغير و بيغني له بابا فين ؟؟

إتنين صحاب قاعدين مع بعض في البلكونة
الأول :واحد وقع من الدور التالت لقى إيه؟
التاني : مش عارف.
الأول : لقى حتفه. طب واحدوقع من الدور
الرابع لقى إيه؟
...التاني : مش عارف.
الأول : لقى مصرعه. طب واحد وقع من الدور الخامس لقى إيه؟
التاني : مش عارف.
الأول : لقى ربه. طب واحد وقع من الدور السادس لقى إيه؟
التاني :مش عارف.
الأول:لقى اللي وقعوا قبله.
التاني راح سايبه ونط من البلكونة
واحدة عجوزة راحت الغابة فصادفت فى طريقها أسد كبير قالتله وهي مرعوبة : أرجوك ماتكلنيش ! فقال لها الاسد : اطمني ياختي .. الدكتور منعنى من النواشف .
صعيدى سالوه ايهم نقدر نستغنى عنه الشمس ولا القمر قالهم القمر منقدرش نستغنى عنه عشا بينورلنا بليل لما تبقى ضلمة انما الشمس عادى نقدر نستغنى عنها عشان بتطلع فى الصبح فى النور

ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه
اتنين مساطيل ركبوا اتوبيس بدورين اللي فوق سأل اللي تحت انت...وا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.
مرة واحد بيروح بيتة كل يوم سكران قام من النوم الصبح وقال لمراتة انتى يا ولية كل يوم تسيبى نور الحمام منور، مراته ردت عليه
اتنيل انت اللي كل يوم بتخش الثلاجة

مره واحد صعيدى سافر مصر إتسرقت المحفظه بتاعته بلغ عنها
فقال له الظابط حاضر حجيبهالك من تحت الأرض طلع الصعيدى
بره لقى الناس بتحفر لخط المترو فقال لهم الهمه يارجاله هى
سوده وفيها سوسته

ممكن تضيف ل التلت اربع حاجات دول الحاجة الخامسة اللي عملتها في توبيك لوحدها
لأنه مينفعش
[ندعوك للتسجيل في المنتدى أو التعريف بنفسك لمعاينة هذا الرابط]

كده تمام

هههههههههههههههههههههه
حلوة بس حاول تنساها


جامد يا معلم

تم ضمها لموضوع نكت أخر لنفس العضو

مش هنعمل كل توبيك بنكتة فكرتنا بعضو ربنا يمسيه بالخير كان كده برضه

الحكاية مش كتر مواضيع وخلاص مش هنكتب في كل موضوع حرف وننزله

وأخيرا منور المنتدي وفي انتظار المزيد

المشرفة العامة

انا عارف ان انا دايما منور المنتدي مش جديده يعني

Abo Alafkar كتب:

انا عارف ان انا دايما منور المنتدي مش جديده يعني

ههههههههههههههههههههههههه
طبعــــــــــــــــــــــــــــــــــــــــــــــــا
بس بص ياريت يعني لو سمحت
تجمع النكت بتاعتك وتكتبها مرة واااااااااحدة
في توبيك وااااااااااااحد هي جميلة والله
بس مش كل نكتة بتوبيك بقي
واكيد منور المنتدي ودي بقة قديمة

هي ايه اللي قديمه والعموم ايه الجديد بقي