فراخ بالبشاميل

موضوع: فراخ بالبشاميل الأحد يوليو 04, 2010 11:38 pm

[ندعوك للتسجيل في المنتدى أو التعريف بنفسك لمعاينة هذه الصورة]

فراخ بالبشاميل على الطريقة المكسيكية

المقادير:

كيلو صدور فراخ
حبة فلفل أصفر
حبة فلفل أخضر
حبة فلفل أحمر
بصلة متوسطة
2 حبة طماطم مقطّعة قطع صغيرة
2 حبة كوسة
2 معلقة كبيرة زيت ذرة
3 معالق كبيرة زبدة
2 معلقة كبيرة دقيق
3 كوبيات لبن
ملح وفلفل
فلفل أبيض

الطريقة:

1- اغسلي صدور الفراخ كويس، وبعد كده اسلقيها.

2- قطّعي الكوسة والفلفل الملون إلى عيدان، وقطّعي البصل إلى شرائح طولية، وبعد كده قطّعي كل شريحة إلى نصفين.

3- سخّني الزيت في طاسة على نار متوسطة، وبعد كده ضيفي إليه البصل، وقلّبيه لغاية ما لونه يصفر. بعد كده ضيفي إليه الفلفل وقلّبيهم مع بعض لمدة خمس دقائق، بعد كده ضيفي إليهم الكوسة وقلبيهم مع بعض كويس لمدة خمس دقائق كمان بعد كده ضيفي إليهم الطماطم، وقلبيهم مع بعض وسيبيهم على النار لمدة ربع ساعة.

4- بعد كده جهزي البشاميل عن طريق إنك تسخني الزبدة وتضيفي إليها الدقيق مع التقليب لغاية ما لون الدقيق يصفر، بعد كده ضيفي إليه اللبن تدريجيا مع التقليب المستمر لغاية ما يبقى قوامه سميك بعد كده ضيفي إليه الملح والفلفل الأسود، بعد كده شيليه من على النار وبعد ما يبرد هاتي بيضة وحطيها في طبق واضربيها بالمضرب مع الملح والفلفل وبعد كده ضيفيها إلى البشاميل وقلبيهم مع بعض.

5- شغلي فرن البوتاجاز على درجة حرارة متوسطة وهاتي صينية وادهنيها بالزيت وبعد كده حطي فيها صدور الفراخ وفوقها الخضراوات ورشي عليها شوية ملح وفلفل بعد كده هاتي البشاميل وحطيه فوق الفراخ و الخضراوات ودخلي الصينية في الفرن وسبيها لمدة نص ساعة أو لغاية لونها ما يبقى ذهبي وبعد كده طلّعيها وقدميها.. وبالهنا والشفا.

**********************

تسلم ايدك ياكايند
بس برده مش هنطمن الا لما نشوف عملى
ياجمااااااااااعه كايند عزمانا على الغدا؟؟
مقولتيش ياكايند امتى وفين [ندعوك للتسجيل في المنتدى أو التعريف بنفسك لمعاينة هذه الصورة]

بس كده من عنيا الاتنين تنوروا
هجهز ليكم سد الحنك
وبالهنا الشفا
ههههههههههههههههههههههههه

يعععععععععع
خلاص اصرفى نظر اصرفى نظر

ههههههههههههههههههههههه
ايوة كده لازم نقول سد الحنك
يعنى لازم العين الحمره
هههههههههههههههه

هههههههههههههه
ام البخل الى انتى فيه ده ياكايند

لو مش معاكى تعزمى الناس قولى
وانا اسلفك انا

بس بلاش والنبى سد الحنك ده [ندعوك للتسجيل في المنتدى أو التعريف بنفسك لمعاينة هذه الصورة]

nice food

thnx