يعني إية كولا زيرو !!!!

الموضوع منقول بس عجبني جدا وقولت لازم اجيبه

يعني إية كولا زيرو !!!!

بكل تأكيد عارفين كلنا الاعلان ده

مفهوم ومش محتاج شرح

لكن انا واثقه ان اللى عمل الاعلان ده

مكنش عارف ان كل حاجه بقت زيرو زيرو

محتاجه اعرف رايكم فى الكلام دا

يعني إية كولا زيرو !!!!

يعنى يقولك ان من اهم انجازات عصر ما بعد الثورة هى مجانية
التعليم.....و اى اسرة فى مصر بتبيع اللى وراها و اللى قدامها علشان
الدروس الخصوصية!!!!

يعنى يعملوا مؤتمر سنوى لأنجازات الحزب الوطنى ......و الناس كلها
عارفة ان مؤسسة رسالة هى اللى فاتحة بيت ناس كتييير قوى فى البلد!!!!

يعنى ابويا يسافر و يتغرب و يوفر شقة لولاده من فلوسه محدش دفعله فيها حاجة و يجى بطرس غالى يفرض عليها ضريبة عقارية.!!!!!!!!

يعنى وزير مالية عمل قانون الضرائب العقارية وقال هيدفع عن القصور بتاعته ويطلع يتعالج على نفقة الدولة

يعنى وزير صحة شريك فى كبرى مستشفيات البلد)دار الفؤاد) و مراته تتعالج على نفقة الدولة

يعنى ناس غلابة و مش لاقين الزلط حتى وعضو مجاس الشعب يطلب منهم ثلث
قيمة قرار العلاج على نفقة الدولة رشوة عشان يتعالجوا على نفقة الدولة

يعني وزير الإسكان يبقي سمسار اراضي !

ووزير التعليم يبقي بلطجي قديم !

ووزير الصحه بيتعالج علي نفقة الدوله !

و ييجى واحد يقولك اللى تعرفو احسن من اللى ما تعرفوش

يعنى كولا زيرو

و غاز زيرو

و مرتبات زيرو

و ضمير زيرو

تنمية زيرو

و انتخابات زيرو

و صحة زيرو

و دقيق زيرو

يعنى تبقى واثق أيام اختيار الدولة المضيفة لكأس العالم 2010 ان مصر
هاتخدها هاتخدها لأنعدام الامن فى جنوب أفريقيا و عدم و جود بنية تحتية فى
المغرب و فجاة تاخد صفر كبييير من لجنة الفيفا

يعنى يبقى عندك ثلث أثار العالم فى مدينة واحدة بالأقصر و تلاقى دولة زى تونس عدد السائحين فيها اكتر من عندك

يعني تترشح في الانتخابات عن فئة (العمال) وتنجح فتعيش عيشة (الملوك).

. إنك تمنع التدخين جوه القطر علشان تحافظ علي أرواح الناس ويروح القطر بكل اللي فيه مخيش في قطر تاني.

يعني تبقة نسبة التحرش الجنسي بالفتيات في الشارع المصري والمواصلات العامة 80% .....والحكومة تطالب بخلع النقاب !!!!

يعني لما الشعب ما يلاقاش سكن ويروح يسكن في الجبل ويقع عليه يقولوا عشوائيات

يعني لما الناس تتغرب ولما تيجي ترجع تركب عبارة تعدي بيها البحر
والعبارة تغرق وحوالي 1500 واحد يموتوا .... يطلع التحقيق انهم ماتوا
بنزلة برد عشان لما غرقوا ماكنوش عاملين حسابهم وماتقلوش هدومهم

يعنى قناة ال BBC فيها مذيعات محجبات و تلفزيون بلد الأزهر بيمنع ظهور المذيعات المحجبات!!!!!!!!!!!

يعني مصانع الحديد كانت بتبيع الطن ب2000 جنية ويجي بقدرة قادر احمد
عز محتكر الحديد يبيعه ب8000 جنية ........ تيجي الحكومة تعمله قانون
تفصيل مخصوص لية عشان تحمية من بطش الناس

يعني يبقي اليهود نهبوا فلوس العالم عشان الهولوكوست الوهمي ويتباهو بقتل اسرانا في تليفزيونهم ومحدش يقولهم حاجه !

يعني يعملوا قانون ضرائب جديد على العقارات ....... والشعب الي مش
ناوي يدفع يموت نفسة عشان يجيب الاقرار ويتباع في السوق السودا كمان

لما وزير التربية والتعليم المسئول عن تخريب الثانوية العامة وتعديلها
اكتر من مرة خلال 4 سنوات والغاء سنة 6 من الابتدائي ..... يكون رئيس مجلس
الشعب وممكن رئيس جمهورية كمان في حالة وفاة الرئيس

يعني قطرين بخيشو في بعض والي يتحاسب الكومسري وفي مقولة اخرى البقرة الي كانت واقفة على القضبان

يعنى تروح مستشفى حكومى وتجيب كل حاجة على حسابك(قطن وشاش وأدوية )
ناقص كمان دكاترة وممرضين ووزير المالية وزوجة وزير الصحة بيتعالجوا
بالملايين على نفقة الدولة

يعني تبقي عندك بحرين و نيل وقناة السويس و11 بحيره وبتستورد السمك من بره !

يعني ربنا يكرمك وتكون رجل اعمال ولا سيدة اعمال وتاخد 2.800 مليار
جنية مصري من 10 سنين وترد نصهم بالتقسيط بعد 10 سنين يعني المبلغ بيكون
اضاعف معاك تلات اربع مرات وتكون برئ قدام الحكومة وكمان تنزل انتخابات
مجلس الشعب وتنجح!!!!

يعني يتحرق مجلس الشورى والشعب وندعي ربنا ان النواب يكونوا جواه[ندعوك للتسجيل في المنتدى أو التعريف بنفسك لمعاينة هذه الصورة]

لما إعلام الحكومة والخاص مش همة الشعب الي مش لاقي ياكل ولا يلبس ولا
يسكن وطبعا بدون عمل ...... وهمة كلة يعرف مين قتل سوزان تميم والمحكمة
هتحكم باية في قضية مرتضى منصور وشوبير !!!

لما الدايرة الي فيها 2500 صوت مرشح الحزب الوطني ياخد لواحدة 13000 صوت

لما يمنعونا من زراعة القطن الي بنتميز بية وبعد كده يروحو يبيعوا
مصانع الغزل والنسيج لمستثمرين يهود يسرحوا العمالة ويقطعو الشركات
ويبعوها اراضي على النيل

يعني الحكومة عليها ديون داخلية وخارجية تبلغ 991 مليار جنية يعني
نصيب كل فرد في مصر سواء طفل او بالغ او رجل او امراءة 13 الف جنية

يعني من الاخر كده الواد ادهم ابني مديون ب 13 الف جنية

ما تيجوا نلم ديون مصر

يعني كلنا خايفين علي مستقبل مصر

واللي ماسكينها خايفين علي مستقبلهم هما

لما يكون الملاك فى الرحاب بتدفع 12 جنيه على المتر مسطح بدل فرق
الصيانه ---------- يقوم الباشا هشام طلعت يدى سوزان 50 مليون من جيب امه

يعنى لما تكون اقصى سرعه للسيارة 20 كيلو فى الساعه علشان الطرق
متنيله بستين نيله والبلاعات طالعه فى وسط الشوارع واحيانا مفتوحه
-------- يطلعوا لنا بقانون حزام الامان وصندوق الطبى علشان ابو مراة
الننوس يبيع ويغتنى من دمنا

لما الموظف فى الحكومة بياخد 500 ج مرتب و يقولك مش عارف يعيش علشان الزيادة السكانية!!!!

لما يكون عندنا مجلس قومى للمرأة و اعلى معدلات طلاق فى الوطن العربى!!!!

لما يكون عندنا مجلس قومى لحقوق الانسان و اعلى معدلات اعتقالات و تعذيب فى اقسام الشرطة.....

لما وزير الاسكان الحرامى يبيع ملايين الامتار ببلاش للمستثمرين
مخالفة لقوانين الدوله ------------ ويبيعوا لنا المتر ب 3000 جنيه فى
القاهره الجديده

و لما وزير الاسكان يقول لو مخصصتش الآراضى للعائلة أمال هخصص لمين ,,,يبقى اللى اختشوا ماتوا!!!!

و لما بيصرفوا ملايين الجنيهات على المهرجانات و المؤتمرات كل سنة و
اول ما يحصل كارثة - كالزلزال او السيول - يقولك اتبرع للضحايا!!!!!

لما طلعت السادات قال بقين على الهوا تترفع عنه الحصانة و يتسجن فى
اقل من شهر... و ممدوح اسماعيل صاحب العبارة يسافر من صالة كبار
الزوار!!!!!

يعنى تجى تشترى شقه فى اسكان مبارك لمحدودى الدخل تحسبها تلائها وائفه عليك بسعر السوبر لوكس

لما الرئيس يحتفل بليلة القدر و يوزع جوائز على حفظة القرآن
الكريم.... و لما الاخوان يجيوا يعملوا حاجة ايجابية - زى مشاريع خيرية او
حتى يوزعوا شنط رمضان - يعتقلوهم و يقولوا لا للدولة الدينية!!!!!!

و لما تتهد على اهلها يطلعوا يقولوا هم اللى غلط دول عشوائيات.... و كنتى فين يا حكومة على رأى معتز الدمرداش؟؟؟؟!!!!!!

و لما يعملوا قانون مرور جديد..... و ضحايا حوادث الطرق سنويا اعلى من نسبة اللى ماتوا فى حرب اكتوبر!!!!

يعني تبقي جماعة محظورة بس ليها 80 نائبًا في البرلمان.

يعني الفرق بين الزمالك والأهلي يوصل لـ 7 نقط وتسخن المنافسة بينهما والإسماعيلي يفوز بالدوري.

إنك تجيب جون في نفسك والحكم يحسبه أوفسايد.

يعني يبقي عندك شركة روتانا وتشتري مطربين مصريين وتجمدهم، ولما
الحكومة تسألك عن الأرض اللي اشتريتها في توشكي وجمدتها، تقول لهم هازرعها
أمال أنا كنت باشتري المطربين ليه؟

يعني تقعد ليلة الامتحان في أي كافيه تلعب بلاي ستيشن والامتحان يتلغي علشان الأسئلة اتسربت.

يعني الريس يسافر برة علشان يعمل عملية في المرارة والسولار يختفي من البلد في نفس اللحظة علشان ماحدش يستغل الفرصة ويولع فيها

تفتكروا مش معاه حق لما عمل كولا زيرو

ما هى كل حاجه فى مصر بقت زيرو

موضوع رائع كالعادة

يعنى ايه كوكاكولا زيرو يعنى

يعنى أنك تدخل علوم بنها ويقولولك الكتب والمصاريف مجانا

يعنى ايه كوكاكولا زيرو يعنى
أنك تشترى مذكرا ت الكميا والشيتات وفى الأخر تجيب امتياز من غير حتى ما تروح الأمتحان

عبقرينو VIP كتب:: موضوع رائع كالعادة

يعنى ايه كوكاكولا زيرو يعنى

يعنى أنك تدخل علوم بنها ويقولولك الكتب والمصاريف مجانا

يعنى ايه كوكاكولا زيرو يعنى
أنك تشترى مذكرا ت الكميا والشيتات وفى الأخر تجيب امتياز من غير حتى ما تروح الأمتحان

هههههههههههههههه

منور التوبيك بمرورك

موضوع فكاهى وجميل جدا
وشكرا على الموضوع الرائع

يعني إية كولا زيرو !!!!

يعني إية كولا زيرو !!!!

مواضيع مماثلة

مواضيع مماثلة