@ * * @ ســـاعـــه الــقــلـب كــــام؟ @ * * @

ساعه القلب كام؟

************

هى الشمس بتطلع امتى
علشان اظبط ساعه قلبى
على فيض النور ؟

هو الورد بيدبل امتى
علشان افدى اللون البمبى
وياسمين السور ؟

وانا ...وانتم...ح نسافر امتى
فى البحرالحلو المتخبى
من تحت بحور ؟

والأزرق...ح يحارب امتى
ضد الغيم الاسود , ويعبى
جيشه المنصور ؟

أنا مش فاكر...فاكرانت ؟
كان فيه ضد البرد جاكته
كان فيه ضد دبول الورده
ياما زهور ؟

أنا مش فاكر...لكن شايف
ورد طشاش...وعيون... وشفايف
ورموش تحمى الننى الخايف
من رمل البور

ياللا ندافع عن حبايبنا
ونؤلف أهازيج تعجبنا
ونقول لعذاب بيعذبنا
بس يامسعور

بـــــهـــــاء جـــــاهـــــيـــــن

جميل اوى

تسلمى يا وردة

تسلميلى يا قمر للمرور

منورنى

أنا مش فاكر...فاكرانت ؟
كان فيه ضد البرد جاكته
كان فيه ضد دبول الورده
ياما زهور ؟

ملهوش حل

تسلمى يا وردة

تسلملى يا ميدو للمرور الجميل

منورنى

رائع

تسلمى

تسلملى لمرورك

منورنى