السلام عليكم ورحمة الله وبركاته

ازيكوا يا طلبة وطالبات كلية العلوم ؟؟؟ تمام

في فكرة عاوزة أوصلهالكوا بطريقة او بأخري

كلنا طلبة علوم جميع الشعب والاقسام

(الكيميا, الفيزيا, النبات , الحيوان , الجيلوجيا...الخ)

درسنا أو بندرس أو هندرس عملية اسمها separation

وتعني " الفصل "

الفصل ده بتقوم بفصل مادة صلبة عن مادة سائلة

يعني بتفصل الراسب عن المحلول وبتسموا الراسب PPt و

المحلول filterate بتسمي العملية دي ترشيح filteration

صــــــــــــــــح الكــــــــــــــــلام ؟؟؟!!!



بتستخدم الppt & filterate كل منهما في تجارب منفصلة

ولا يصح ان يختلطــــــــــــــــــــــــــا



لازم احنا كمان في حياتنا يكون فيه الفصل ده يعني نطبق

اللي بندرسه علي حياتنا اليومية بمعني نستفيد من كليتنا

الموقرة دي بحاجة

بمعني نفصل مشاكلنا في حياتنا عن الكلية ودراستنا

يعني مشاكلنا في البيت ( وربنا مش يجيب مشاكل ) مش

لازم تأثر علي دراستنا و مستقبلنا

نفصل علاقتنا باصحابنا واي مشاكل تحصل من اي نوع

نفصل بين علاقتنا كأصدقاء أوزملاء وشغلنا أو المهام

المطلوبة مننا بلغة البيزينيس بيزينيس از بيزينيس

( علشان نقدر نحقق النجاح )

بتمني تكون الرسالة وصلت بالهدف المرجو من الموضوع

وربنا يهدينا جميعا الي ما يحبه ويرضاه

في رعاية الله

كلام جميل بس اكيد المشاكل بتاعت كل واحد فينا بتخلقله مود معين مش بيعرف يخرج منه بسهوله

ربنا يبارك فيكِ يا سولو

الله المستعان الله المستعان الله المستعان

Dr.Baheg كتب:

كلام جميل بس اكيد المشاكل بتاعت كل واحد فينا بتخلقله مود معين مش بيعرف يخرج منه بسهوله

معروفة بس الصح بقي انك تقاوم نفسك
تحاوول بقدر المستطاع انك تداري اللي جواك ده
يعني مشاكل البيت للبيت والدراسة دراسة
يعني مثلا مش هتكون واخد كلام ع الصبح من بابا وللا ماما كلام بقي من الجميل ده تيجي الكلية عاوز تموت صاحبك لو كلمك وللا تضرب الدكتور وللا معيد
يعني تعمل سيطرة علي اعصابك
ار يو جيت ذا مسج ؟!

lolo كتب:

ربنا يبارك فيكِ يا سولو

الله المستعان الله المستعان الله المستعان

مشكورة يا قمر علي المرور الكريم
بتمني تكون الفكرة المقصودة عرفت اوصلهاليكوا
سلام

كلام جميل جدا ياسولو
وياريت الجميع يعمل بيه
وفعلا لازمل نفصل

صعب اوى يا سولو
بس هنحاول

كلام رائع
وفى ناس مش بتعرف تفصل

AyaMY Ma3aK كتب:

كلام جميل جدا ياسولو
وياريت الجميع يعمل بيه
وفعلا لازمل نفصل

مشكور علي مرورك الكريم
لازم نحااااااول نفصل ده قصدي

Dr DoDy كتب:

دة كلام نظرى حلو قوى
انما نيجى نطبق بقى
مش بنعرف نفصل لان المشاكل كترت
دماغك بتبقى مشغوله بكذا حاجة
فمش بتقدرى تفصلى
بس ربنا يقدرنا كلنا ونقدر نفصل بين تعاملتنا
مشكورة على الطرح الرائع

نحاول بقدر المستطاع يا دودي
بعرف ان النظري سهل والتطبيق اصعب
بس لما نحاول نفصل هنريح اللي حولينا كتير
والمحاولة دي ممكن تنجح وممكن تفشل
بتمني اننا جميعا نقدر نفصل في تعاملاتنا
ومنورة التوبيك يا جميلة

KIND HEART كتب:

صعب اوى يا سولو
بس هنحاول

نفس ردي علي دودي هيتقال ليكي يا قمر
والله صعب وانا عارفة لان الانسان ده بشر يعني وعنده احاسيس ومشاعر ولازم اي حاجة وحشة بتحصل بتأثر عليه وعلي المود بتاعه بس نحاول بقدر المستطاع نفصل وان شاء الله كل حاجة هتبقي تمام
منوووووورة يا كايندتي