السلام عليكم ورحمه الله وبركاته

اصحابى وصحباتى
عاملين ايه ؟؟
احساس بيجى لكتييييييير مننا اوى
بتبقى مش عارف ايه السبب او تعمل ايه علشان كل
الاعراض دى تروح

لكن سبحان الله ربنا ده اد ايه جميل
اد ايه كل مايكون الانسان فى شده و ضيق او حزن
او هم يلاقى العلاج سهل وبسيط
جدا وفى متناول ايديه
فعلا الحل فى ايديك وبين ايديك
وهو
الاســـتـــغـــفــــار
ايوه ياجماعه بجد

والله انا كنت قعدت فتره عندى اكتئات وكنت بعمل حاجات غير مفهومه
بس الحمد لله
دايما ردد
استغفر الله واتوب اليه
استغفر الله من كل ذنب
استغفرك ربى واتوب اليك
بأى طريقه وباى صيغه تحبها المهم تستغفر ربنا
طول ماانت قاعد
وان شاء الله هايزول كربك وحزنك وضيقك

لا وفيه كمان حاجه على دول

يعنى هديه مجانيه كده

تصور
وهى ان ربنا هايلبى لك اى دعاء

هاحكيلكم قصه صغيره كده تأكد لكم كلامى

مره كان فيه شاب كان بيمر بضائقه ماليه وشغله كان
بيخسر وكان نفسه فى اولاد لان
زوجته كانت عاقر ومكنش عارف يعمل ايه
راح لشيخ وحكاله كل اللى مضايقه وقاله اعمل ايه
الشيخ قاله استغفر ربنا قاله انا بقولك عاوز حل عملى
لكل مشاكلى دى قاله الشيخ استغفر ربنا
المهم قعد برضه مستغرب ومش مقتنع اوى لكن قال
اجرب
جه الشاب للشيخ بعد اسبوعين وقاله انا بقالى
اسبوعين بستغفر ربنا ومفيش اى حاجه حصلت
قاله بتستغفر ربنا فى كل وقت
قاله انا كل كلامى بقى استغفار ربنا
المهم الشاب قبل مايقوم من عند الشيخ جاله تليفون ان
فيه ناس هتشتغل معاه وهتاخد بضاعه من عنده
وان زوجته حامل

والشحض دا انا اعرفه وقريب منى اوى

تخيلوا ياجماعه فى لحظه كل حاجه كان بيتمناها
اتحققت
كل ضيقه وحزنه زال
سبحانك ياربى
مااجمل اللجوء اليك وقت الشده
وصدق رسولنا الحبيب صلوات الله عليه وسلامه
حينما قال اذا سالت فسال الله واذا استعنت فاستعن بالله
يبقى اتفقنا ياجماعه عاوزين بقى نستغفر ربنا فى كل
دقيقه من وقتنا
وكفايه اننا نعرف ان سيد البشر اجمعين محمد صلى
الله عليه وسلم
المنزه عن الاخطاء كان يستغفر كل يوم سبعين مره
فما بالك بينا احنا اللى بنرتكب ذنوب مالهاش اخر
اسف انى طولت عليكم
وجزاكم الله خيرا جميعا
والسلام عليكم ورحمه الله وبركاته

أستغفر الله العظيم وأتوب اليه
أستغفر الله العظيم وأتوب اليه
أستغفر الله العظيم وأتوب اليه
شكرا يا ساد على الموضوع الجااااااااامد