عفوا القلب الذى طلبته غير متاح حاليا00

عفواً .. القلب الذي طلبته غير متاح مؤقتاً !!
...............
........

قلبك قد يكون مُغلقاً ..
أو خارج نطاق الخدمة !!

[ندعوك للتسجيل في المنتدى أو التعريف بنفسك لمعاينة هذا الرابط]

بتحصل كثير مش كدة ؟!

تكون في موقف محتاج فيه قلبك جداً ..
وتيجي تطلبه متلاقيهوش !!

وانت واقف تصلي ..

لسانك شغال ..
لكن قلبك مش هنا خالص ..

نفسك تجيبه ..

بس مش عارف !

وانت بتدعي ..
لسانك بيقول ويطلب من ربنا ..
وقلبك في وادي تاني خالص !!

لما بتسمع ان فلان مات ..

وتروح معاهم علشان يدفنوه ..
وتشوف المقابر بعينك ..
وتشوف فلان وهو بيتقفل عليه لوحده ..

نفسك تبكي ..

نفسك قلبك يذوق معنى الخوف من ربنا في الموقف ده ..

فتيجي تطلب قلبك ..

متلاقيهوش !!

وانت صايم ..

حاسس انك جعان ، أو عطشان ..
بس مش حاسس بلذة الصيام
، رغم انك ممكن تكون عارف كويس فضل الصيام وثواب الصائمين ..
بس برضو القلب مش هنا ..

في رمضان ..

وانت بتصلي التراويح ..
في عز جو العبادة والخشوع ..
تيجي تطلب قلبك علشان يذوق الحلاوة واللذة .. متلاقيهوش ..

فينك يا قلب ؟!!

............................

للأسف .. القلب غير متاح حالياً !!

أكيد بتحصل معانا كلنا ..
ومحدش فينا معصوم ..

يبقى تعالوا نتعامل معاه على أنه مرض شائع لازم نشوف له علاج بإذن الله !!

في عالم الطب ..
لما يحبوا يعالجوا أي مرض ..
لازم يشخصوه الأول صح ..

علشان يقدروا يوصفوا الدواء الصح ..

طيب لو جينا نشخص حالتنا دي ..
هنلاقي انها عبارة عن غياب مؤقت لحضور القلب

( القلب مشغول مؤقتاً ) ..

ولو تركنا الحالة كدة من غير علاج ..
ممكن تتطور وتتحول إلى انغلاق تام في القلب
( والعياذ بالله)

يعني القلب يتقفل و يخرج تماماً عن نطاق الخدمة !!

" وقالوا قلوبنا غلف "

طيب لو جينا نشخص المرض ده ( انشغال القلب وعدم حضوره ) ..

تفتكروا تكون أسبابه إيه ؟!

1-ممكن يكون قلبك مشغول بحاجة تانية غيرك !!

( فلوس - بنات - عربيات - فسح وخروجات - الشغل ومشاكله - الزوجة والولاد .. وهلمّ جراً )

فتيجي تطلبه في عز ما انت محتاجله ..
تلاقيه هناك عندهم ..
مشغول بيهم ..
ومش فاضيلك !

2-ممكن مثلاً تكون بتعمل ذنب معين ومُصر عليه .. فالذنب ده عامل حاجز بينك وبين قلبك .. وبيقطع أي اتصال ما بينكم ..

*مش قادر تبطل نظر على النساء في الشارع مثلاً ..

*مش قادر تبطل أغاني ..

*مش قادرة تسيب لبسها الضيق اللي اتعودت عليه ..

أي ذنب من الذنوب اللي بنعملها واحنا مش عارفين انها ذنوب ..

أو عارفين ، بس مش قادرين نبطلها !

الذنوب دي للأسف بتقفل القلب وتحجب عنه الرؤية : (

وبالتالي تحجب عننا لذة الطاعة وحلاوة طعمها

وطبعاً احنا محتاجين قلوبنا ..
دائما
محتاجينها في الصلاة
في قراءة القرآن
في الدعاء
في الذكر
يبقى لازم نخلص قلبنا من كل حاجة بتشغله عن ربنا
يلا معا نطهر قلوبنا

اللهم إنا نسألك أن ترزقنا قلوبا خاشعة لك وعينا بكاءة من خشيتك
اللهم يا مقلب القلوب والأبصار ثبت قلوبنا على دينك
اللهم طهر قلوبنا من النفاق وطهر ألسنتنا من الكذب وطهر عملي من الرياء
اللهم لا تعلق قلوبنا بأحد سواك واملأ قلوبنا بحبك وحب نبيك
آمين

اللهم لا تعلق قلوبنا بأحد سواك واملأ قلوبنا بحبك وحب نبيك
يااااااااااااااااااااااارب

اللهم آمين

ربنا يجازيكى خير حبيبتى

اللهم اصلح قلوبنا جميعا

اللهم صرف قلوبنا الى طاعتك واملئها بحبك وحب نبيك عليه الصلاة والسلام

الله يكرمك
يا روح قلبى
وربنا يهدينا جميعا

مين بين علوم الناس انت الوحيد اللى علمك بيوصلنى بيدخلى قلبى بسرعه وعلى طول يخدرنى بالله عليك تزودنى من علمك لعل وعسى ارجو به النجاه من الهلاك

والله بدعيلك بعلو المنزله والسمو وعدم الحرمان وامانه طول ما انت عايش تقولى كلام يزيد من حبى وحبك للرحمن
peto

اللهم امين
مروروك اسعدنى

عفوا القلب الذى طلبته غير متاح حاليا00

عفوا القلب الذى طلبته غير متاح حاليا00

مواضيع مماثلة

مواضيع مماثلة