اضـــحك يــا زمـــن مــهـــو هـــم يـــضـــحـــك

زائر

[ندعوك للتسجيل في المنتدى أو التعريف بنفسك لمعاينة هذه الصورة]

اضـــحك يــا زمـــن مــهـــو هـــم يـــضـــحـــك

التليفزيون المصري اشترى المسلسل التركي مهند ونور بعد ما الدنيا كلها شافته وحفظته

بخمسة مليون جنيه

"مش كان الاحسن يدفعوا المبلغ ده في تطوير البرامج ولا تدريب المذيعين"

" بدل اعلام الريادة اللي كاسفنا في كل حتة ده"

...................................

في نفس اليوم اللي كانت ايران بتحتفل فيه باطلاق اول قمر صناعى تصنيع محلى،

رغم الحصار اللي بتتعرض ليه من الغرب ،

كان دكتور نظيف بيلقي خطابه في مجلس الشورى وسط الظلام بعد الكهرباء ما قطعت 4 مرات..

فعلا بلدنا بتتقدم بيهم [ندعوك للتسجيل في المنتدى أو التعريف بنفسك لمعاينة هذه الصورة]

......................................

وزير التنمية الإدارية بيقول ان تقديم الخدمات الحكومية عن طريق الانترنت هايقلل من الفساد بين الموظفين،

" بس يا خوفي الموضوع يرسى في الآخر على تطوير الفساد نفسه "

" ونشوف طلب الرشوة بالايميل وسدادها بالفيزا كارد .. وعجبي"[ندعوك للتسجيل في المنتدى أو التعريف بنفسك لمعاينة هذه الصورة]

........................................

الدكتور زويل بيقول ان العالم سيشهد ثورة تكنولوجية اسمها كوانتم إنتانجلمنت

هاتخلي الإنترنت حاجة قديمة ..

"يا سلام ، طب وايه يعني ، ما احنا كمان الحكومة بتاعتنا ابتكرت مشروع فصل الانتاج عن التوزيع"

" وقضت على 70% من مشكلة رغيف العيش."[ندعوك للتسجيل في المنتدى أو التعريف بنفسك لمعاينة هذه الصورة]

................................

الجماعة اللي بيقولوا ان الزمالك مستواه سيء،

" بالعكس الفريق مستواه بيتحسن من مباراة للتانية ، "

"بدليل انه في المباريات الأخيرة كل ماتش بيجيب لجمهوره .. نقطة"[ندعوك للتسجيل في المنتدى أو التعريف بنفسك لمعاينة هذه الصورة]

................................

وزارة الخارجية بتقول ان ايران – يا عيني - محبطة من النجاحات المصرية المستمرة ،

" طبعا عندها حق، حتى بأمارة الخمستاشر قمر صناعي اللي اطلقناهم السنة اللي فاتت،"

والتسع مفاعلات نووية اللي عملناهم غصب عن العالم كله[ندعوك للتسجيل في المنتدى أو التعريف بنفسك لمعاينة هذه الصورة]، ده طبعا غير اهم انجاز حققناه "

"خلال العشرين سنه اللى فاتو و هو مشروع .. فصل الانتاج عن التوزيع"[ندعوك للتسجيل في المنتدى أو التعريف بنفسك لمعاينة هذه الصورة]

...................................

أسئلة بريئة .. ليه التلوث محاوطنا في كل حتة رغم ان رئيس الحكومة اسمه نظيف،

وليه الغم راكبنا رغم ان رئيس مجلس الشعب اسمه سرور؟

‎وليه التعليم في الجامعات في الأرض رغم ان وزير التعليم العالي اسمه هلال؟

"لو عرفت الإجابة اتصل بالحزب الوطني لتفوز بجائزة قيمة .. سيخ ماركة حديد عز"[ندعوك للتسجيل في المنتدى أو التعريف بنفسك لمعاينة هذه الصورة]

................................

على من يقود سيارته في شوارع القاهرة ان يتمتع بمكر الثعالب وسرعة الفهود وجرأة الاسود

ولا مبالاة الافيال ووقاحة الضباع .. وصبر ايوب[ندعوك للتسجيل في المنتدى أو التعريف بنفسك لمعاينة هذه الصورة]

...................................

عاوزين تعرفوا قيمة المثقفين في بلدنا، اسمعوا دي .. رقاصة شهيرة - بتمثل دلوقتي -

قابلت الأديب العالمي الراحل نجيب محفوظ وهي سايقة عربيتها الفاخرة وهو راكب عربية متواضعة جدا،

فقالتله: بص الأدب عمل فيك ايه ! فرد عليها بسرعة بديهة: بصي قلة الأدب عملت فيكي ايه

[ندعوك للتسجيل في المنتدى أو التعريف بنفسك لمعاينة هذه الصورة]

..................................

التحرش الجنسى فى حفلات المطربين بقى موضة اليومين دول،

ومابقتش حفلة تعدي من غير حالات تحرش جماعي،

واخرها حفلات التحرش .. قصدي الحفلات الفنية بتاعة مروى وتامر وحكيم،

" وقريب هايبقى اكتر بند بيختلف عليه متعهد الحفلات والفنان .. المتحرشين عليك ولا عليا"[ندعوك للتسجيل في المنتدى أو التعريف بنفسك لمعاينة هذه الصورة]

.........................................

الوزيرة المثيرة للجدل مشيرة خطاب عايزة تنسب الطفل لأمه وتقول ان هذا ليس وصمة عار للطفل،

"ونحن بدورنا نتساءل هل حدث لا قدر الله خلاف مع المطرب الشعبي احمد عدوية"

"الذي أطلق منذ عقود شعاره التاريخي إدى الواد لأبوه"[ندعوك للتسجيل في المنتدى أو التعريف بنفسك لمعاينة هذه الصورة]

........................................

في 2008 قال الكابتن حسن شحاتة ان من اسرار فوز منتخب مصر بكأس الأمم سماع اللاعبين

أغنية مشربتش من نيلها لشيرين،

" انا عرفت دلوقتى ليه الحكومة مش عايزة تعمل حاجة في اللى حصل اكيد بيسمعوا وردة الجزائرية"[ندعوك للتسجيل في المنتدى أو التعريف بنفسك لمعاينة هذه الصورة]

.......................................

ابوتريكة راح الزمالك ..الحكومة رخصت أسعار البنزين وزودت المرتبات بنسبة 20%..

وقررت صرف إعانة بطالة للشباب ؛

وبقي مفيش طوابير في اى حتة؛ والناس هتموت من الانبساط

" ...فوق....... دية عينة من رابع المستحلات اللي انسي انك تشوفها"[ندعوك للتسجيل في المنتدى أو التعريف بنفسك لمعاينة هذه الصورة]

...................................

بعد ما طلعت علينا وزاره الكهرباء والسيد حسن يونس وقالك هنبيع ونخصخص الكهرباء،

" يا ترى المستثمرين الجدد هيوفروا كروت شحن الكهرباء بأسعار مهاودة ولا نقضيها بطاريات"

...............................

وزارة الداخلية مشكورة عاملة على موقعها على النت صفحة لتلقي شكاوى المواطنين والاجانب،

لكن الغريب ان الجزء بتاع الاجانب بس هو اللي شغال والجزء بتاع المواطنين عطلان،

" فهل هما فاكرين ان ماعندناش شكاوي، ولا المقصود اننا ننسى انهم يسمعونا؟"

......................................

التوعية بخطورة انفلونزا الخنازير لازم تتعمل للخنازير نفسها لان الواضح

ان الناس مش قادرة تستوعب الموضوع،

" علشان كده الاعلانات لازم تخاطب الخنازير انها تخلي بالها من الانفلونزا وما تلعبش"

" مع بعضيها ولما تحس انها مريضه تبلغ عن روحها ؛ علشان تبقا شاطرة كدا وامورة"[ندعوك للتسجيل في المنتدى أو التعريف بنفسك لمعاينة هذه الصورة]

...................................

المفروض نحتفل كلنا باليوم القومي لتقديم الساعة في التوقيت الصيفي

"علشان باين كده ان هي دى الحاجة الوحيدة اللي بتتقدم في مصر"

"وتصدق بيرجعوا تانى يأخروها ...دا كيف التأخير ده"[ندعوك للتسجيل في المنتدى أو التعريف بنفسك لمعاينة هذه الصورة]

......................................

اتعودنا كل ما يحصل حريق الحكومة تقول ان السبب ماس كهربائي،

وساعة ما العربية انفجرت قدام الكنيسة قالوا برضه ان السبب ماس كهربائي،

" واضح جدا ان حكومتنا حافظة مش فاهمة"[ندعوك للتسجيل في المنتدى أو التعريف بنفسك لمعاينة هذه الصورة]

...................................

القضاء امر بحجب المواقع الاباحية في مصر،

"بس يا خوفي الحكومة تفهم الحكم دي بطريقتها وتقفل مواقع المعارضة والبلوجز،"

" وأي موقع يوجعلها دماغها تقولك قفلناه لأنه اباحي، انت هاتعرف اكتر من الحكومة."[ندعوك للتسجيل في المنتدى أو التعريف بنفسك لمعاينة هذه الصورة]

والكلمة الشهيرة : نحن نسعى من اجل مصلحة المواطن ؛ وسلملى عالمصلحة"[ندعوك للتسجيل في المنتدى أو التعريف بنفسك لمعاينة هذه الصورة]

.....................................

بعد قرار منع المواقع الإباحية في مصر ..

"كله دلوقتى بيسأل : والنبي محدش يعرف هى نمرة الاستاذ برايز كام؟"

[ندعوك للتسجيل في المنتدى أو التعريف بنفسك لمعاينة هذه الصورة]
.......................................

احد المسئولين حذر من تحويل 93 سجين مصري باسرائيل الى جواسيس ..

" يعني بدل ما نحاول نرجعهم نقول عليهم هايبقوا جواسيس، "

" ولا احنا مستخسرين نرجعهم توفيرا لنقفات نقلهم لمصر، "

"طيب ما للتوفير اكتر نخلي اسرائيل تعدمهم ونخلص"[ندعوك للتسجيل في المنتدى أو التعريف بنفسك لمعاينة هذه الصورة]

.....................................

أخيرا ضمنت وظيفة في أوروبا بعد 41 سنة من دلوقتي بعد تصريحات الوزيرة

أن أوروبا حتحتاج للعمالة العربية سنة 2050

"أهو الواحد يكون لشة في عش شبابه برضو ويبدأ يكون نفشه ويتجوش وهو عنده شبعين شنة"[ندعوك للتسجيل في المنتدى أو التعريف بنفسك لمعاينة هذه الصورة]

.......................................

"في ناس بتطالب بإسقاط الجنسية المصرية عن كل مصري اتجوز اسرائيلية"

" يا ريت اللي بيطالبوا ماينسوش كمان الناس اللي بقالهم سنين طويلة .. متجوزين إسرائيل نفسها"

.....................................

طالما الحكومة مش ناوية تعمل حاجة في المدخنة اللي الناس عايشين فيها باستمرار دي ..

" يا ريت الجماعة اللي بيحرقوا قش الرز يتفقوا على يوم واحد يولعوا فيه في القش كلهم مع بعض"

" وعلى المقيمين خارج القاهرة مراعاة فروق التوقيت"[ندعوك للتسجيل في المنتدى أو التعريف بنفسك لمعاينة هذه الصورة]

....................................

من اشهر كلام الحكومة اللى حفظناه

" نحن نسعى لبناء مستقبل افضل " تعالى قابلنى[ندعوك للتسجيل في المنتدى أو التعريف بنفسك لمعاينة هذه الصورة]

" نحن فى الاول يهمنا مصلحة المواطن المصرى " " مهو باين"[ندعوك للتسجيل في المنتدى أو التعريف بنفسك لمعاينة هذه الصورة]

"اقتصادنا المصرى في تطور مستمر" "هم بيتكلموا عن ناس تانية ولا ايه"[ندعوك للتسجيل في المنتدى أو التعريف بنفسك لمعاينة هذه الصورة]

::::::::::::::::::::::::::::::::::::::

وفي الاخر بشكر كل اللى شاركونى في الموضوع

وبقول كلمة اخيرة

الناس ساكتة ليه؟ ومحدش يقولى يعنى هيعملوا ايه

علشان اللى عايز يعمل كان عمل من زمااااااان

من غير ما حد يقوله.

معلش نسيت اكتب اسم الموضوع

"انتظروابــكــاء شديد؛ وبلد هضيع"

الجماعة اللي بيقولوا ان الزمالك مستواه سيء،

" بالعكس الفريق مستواه بيتحسن من مباراة للتانية ، "

"بدليل انه في المباريات الأخيرة كل ماتش بيجيب لجمهوره .. نقطة"[ندعوك للتسجيل في المنتدى أو التعريف بنفسك لمعاينة هذه الصورة]

حلوه دى تسلم ايدك

زائر

هههههههههههههههههههههههه
ونتيجه الماتش
اللى شغال دلوقتى
مغلوب 1\0مناتحاد الشرطه
فعلا
ونعم الفرق
ههههههههههههههههههههههههههههههههه
لازم يعيد على الجماهير ونعم الفرق

كلام كلة جميل ماعدا حتة الحكومة دى متوديناش ف داهية

زائر

احنا الحكومه يالا
انته نسيت ولا ايه
هههههههههههههههههههههههههه

كلام جميل كلة تمام انا وراك
ههههههههههههههههههههههه
الحكومة دى
امى
ههههههههههه [ندعوك للتسجيل في المنتدى أو التعريف بنفسك لمعاينة هذه الصورة]

زائر

هههههههههههههههههههههههههه
حكومه المنتدى
مش
حكومه تانيه
هههههههههههههههههههه
نورتى

جميل اوى

تسلم ايدك

زائر

شكرا للمرور الكريم

اضـــحك يــا زمـــن مــهـــو هـــم يـــضـــحـــك

اضـــحك يــا زمـــن مــهـــو هـــم يـــضـــحـــك

مواضيع مماثلة

مواضيع مماثلة