ع الشط

موضوع: ع الشط الجمعة نوفمبر 06, 2009 12:36 pm

ع الشط ناديت عليكى
ولا شفتش غير نجوم
وانتى بتضحك عنيكى

بين القمر والموج
طار قلبى منى لفوق
ولقيته ما بين ايديكى

مشتاقلك تحضنيه
بس اوعى تحيريه
او يرجع مش لاقيكى

قلبى اللى حبك داب
وفى حبك يوم ما تاب
ولا عمرك حبتينى

وبعت كتير رسايل
وياما غلبت احايل
باتمنى فى يوم تجينى

وفى ليلة صيف قابلتك
ع الشط وجيت سألتك
عن اخره حبى ليكى

رديتى وبابتسامة
حسيت فيها بملامة
ولقيت قلبك معايا

بوست الرملة اللى بينا
واللى عليها اتقابلنا
وبدأناها الحكاية

خلينى شراع فى بحرك
اتهجى بقلبى سحرك
واكتب ع الموج شاريكى

موضوع: رد: ع الشط الجمعة نوفمبر 06, 2009 12:52 pm

كلام فى غاية الروعة والجمال
مشكوووووووووووور

موضوع: رد: ع الشط الجمعة نوفمبر 06, 2009 1:09 pm

موضوع جميل
سلمت يداك