11 خطوة لكى تعترف البنت بحبها

أصعب خطوة ف الحب أن تعترف لمن تحب أنك تحبه
واللي أصعب من الموقف دة
نفسه
ان اللي بيحب دة يكون هي ..البنت
مهما اتغيرنا ومهما ظهرت فينا
عادات مش جوانا ومش بتاعتنا
ومهما بقت البنات غير البنات
بنيجي
ونقف عند النقطة دي
نقطة ان بنت قلبها يدق لحد وهو يأما مش حاسس
أو
مش شايف أو مش عارف بحبها دة أو يجوز يكون مرتبط بحد تاني
وهي مش
عارفه تعمل ايه ؟
قد ينفطر قلبها من البكاء ومن الحزن ومن الألم لكونها
تحب واحد وهو لا يعلم بحبها له, ربما نجد هذه الخطوة سهله بعض الشيء لأي
ولد إن أراد ان يعترف بحبه لحبيبته ولكنه ليس سهلا للفتاة لأن عاداتنا
وتربيتنا وتقاليدنا تجعل هذا الأمر صعبا ..بل مستحيلا لأي فتاة أن تفعله
..نعم قد نجد لكل قاعدة شواذ ونجد بنت من البنات تعترف بإرادتها لمن تحب
بأنها تحبه بل وتموت ف حبه ولكن انا بتكلم عن أغلب البنات هنا التي تجد
استحالة ان تفعل ماقد تفعله بنتا أخري ..
ازاي ممكن بنت تقول لمن تحب انها
تحبه ؟ دون أن يجرح مشاعرها او يصدمها .
أولا انا مش مع ان البنت هي اللي
تعترف بحبها لحد , قد تشير وقد تلمح من بعيد لبعيد وقد تهتم وتظهر اهتمامها
ولكن بحياء وخجل البنت ولكن لست مع ان تذهب هكذا مباشرة وتقول له ف وسط
كلامهم مع بعض –اني بحبك .
مش عشان أنه مينفعش لأ بالعكس دة حقها بس
حقها أيضا انها تسمعها لا ان تقولها أولاًُ
لكن عشان أنه حبيببها لو لم
يكن يحبها قد يتأثر بأعترافها هذا ويتوهم انه هو أيضا يبادلها نفس الحب أو
يشعر بأحراج أن يرفضها ف يقبل بحبها علي أمل انه ممكن يحبها يوم من الأيام
ولكن قد يحدث هذا الحب وقد لا يحدث وإذا لم يحدث سوف تكون الصدمة الكبري
علي قلب البنت حينما تدرك انه لم يكن يحبها ولكنه توهم بذلك الحب . وهناك
أيضا من قد يستغل هذا الاعتراف منها وهو لم يحبها ويجعلها أسيرة له وذليلة
له لأنه قد أدرك نقطة ضعفها وهي حبها له وقد يجبرها بأسم الحب علي أشياء
تفعلها من أجله وكثير مانجد ذلك الأن بين الولاد والبنات ..خصوصا ف الجامعه
,ان تنخدع بنت ف احساسها بالحرية وزمن الانترنت والموبايل وننا في عصر
السرعة ف تذهب هي بكامل أرادتها وتقول للولد اللي بتحبه دون أن تسأل نفسها
هو هو يبادلها نفس الحب ولأ لأ؟ ؟؟
ف اللي بيحصل ان الولد يستغل دة
ويوهمها بالحب والارتباط وتصبح لعبة في يديه فيخليها للأسف تصرف عليه
وتشحنله كارت الموبايل وتجبله هدايا وهي تبقا مبسوطة بكدة لأن فاكرة ان
الزمان مبقاش فيه فرق بين الولد والبنت وعادي جدا انها تصرف عليه ودة مينقص
من رجولته دة اذا كانت عنده رجولة فعلا انه يقبل علي نفسه حاجة زي دي
..وطبعا النتيجة انها مع الوقت تحس انها مستغلة وانضحك عليها وكل دة عشان
هي اتخمت ف الحب وف الزمن دة وافتكرت ان من حقها ان تعترف بحبها ليه لأ ف
عادي وأصبحت كلمة عادي هي الكلمة العادي ف العصر اللي احنا فيه ..
معلش
خرجت عن موضوع الحلقة ف انا حبيت بس اقول اسباب ليه البنت متعترفش بحبها
أولا للي بتحبه وتتركه هو يعترف بدة ويبادر باعترافه بحبها , لأن دة بيحافظ
علي كيان البنت وشكلها وصورتها قدام اللي بتبحبه ولازم نفهم دة ونحترمه
ونقدر لأننا بنتعامل علي اساس عاداتنا احنا وتربيتنا احنا مش بنتعامل علي
اساس عادات وتربية حد تاني
نيجي بقا لأهم نقطة وهي اللي متستنياها كل
بنت دلوقتي وعمالة بتقول ف سرها –متقول بقا يا عم تاكى متعزبناش نعمل ايه
عشان نقول للي بنحبه اننا بنحبه من غير مانقول !!؟
ههههههههههه ,
أول
حاجة وأهم حاجة.. أنها تحافظ دايما علي صورتها قدامه بحيث متسمحش لنفسها
لحد يقول عليها أي كلام ف كلام دة يوصله ف تخليه يفهم عنها حاجات مش فيها.
الحاجة
التانية ..تخلي ليها شخصية مختلفة عن اللي حواليها , ف لو هما زمايل ف
كلية مثلا تحاول علي قد ماتقدر تبقا مختلفة عن زميلتها البنات عشان يحس
بالفرق مابينهم وبينها .
الحاجة التالتة ..انتي بتحبيه أو حبتيه من
مواقف بيعملها قدامك او حسيتي ناحيته بمشاعر وهو لسه محسهاش لأنه جايز اوي
يكون هو واحد ف حياتك وانتي واحدة من ضمن كتير حواليه ف دة بيخلي مشاعرك
ناحيته بتبقا الاول وبتكون اسرع لأنك شيفاه اكتر مما هو شيفك ف دورك انتي
أنك تخليه يشوفك زي م انتي شيفاه ..بوضوح أقصد لان لما بيبقا فيه بنات
كتيرة اوي حوالين الولد بيبقا مش واخد باله من البنات ودة طبيعي لأن دايما
عدد البنات بيبقا غالبا اكتر من الولاد ف أي مكان ..ف الجامعة او المعهد أو
داخل الشغل . ف زي مابقولك خليه يشوفك صح , خليه يشوفك بوضوح يتعرف عليكي
وعلي صفاتك ومميزاتك من خلال انك تعرفي ايه اللي بيعجبه وايه اللي بيحبه
وتحاولي علي قد ماتقدري تظهري دة قدامه ف يحس ويشوفك زي م انتي شيفاه
ويبتدي هو ينتبه ليكي .
الحاجة الرابعة ..حسسيه بأن اهتمامك بيه مختلف
عن اهتمامك باللي حواليكي ودة مش معناه انك تبيني لكل الناس انك بتحبيه أو
بتهتمي بيه لأن دة لو حصل ف دة ممكن يبقا نقطة ضعف تتاخد عليكي.لأن الولد
مش بيحب دة يبقا كل الناس عارفه وهو يطلع نايم علي ودانه .وكمان عشان محدش
يقول عليكي كلمة مش كدة .
الحاجة الخامسة ..الاهتمام دة ييجي ازاي ؟
ييجي من مجرد كلمة –صباح الخير اللي بتتقال ليه هو وبس , ان كلامك بيبقا
اكتر شوية عن الكلام مع غيره , ممكن بمجرد ابتسامة تحسسه بالاهتمام دة ,أن
هو بس اللي يبقا معاه رقم موبايلك ويتأكد من دة لما ترفضي تدي رقمك لأي حد ف
المواقف دي بتخليه يفكر ويقول الله هي بتعمل معايا كدة ليه ؟ ثقتك فيه هو
وبس ف بالتالي بيخليه يديلك انتي كمان الثقة دي , وقيسي علي دة بقا حاجات
كتيرة أوي زي انك تبقا فاكرة تاريخ ميلاده وتهتمي بيه لو كان عيان أو مجاش
ليه نهاردة , تحاولي تقوليله الاخبار اللي فاتته ,وزي مابقول الواحد مش
محتاج يدلوق نفسه عشان يأكد انه بيهتم بيه او بيحبه لأ حاجات كل ماكان
الاهتمام بسيط ومش أوفر كل ماكان وصل اسرع وكان رد فعله احسن وأجمل ومنها
يحافظ علي شكلك قدامه دة لاقدر الله لو مكانش بيبادلك نفس المشاعر ..فهماني
؟
الحاجة السادسة ..متحسسهوش أنك بتعملي كل الحاجات دي عشان انتي
بتحبيه وعاوزاه يحبك هو كمان لأ بالعكس حسسيه ان دي طبيعتك وانك كدة مع أي
شخص تثقي ف شخصيته وانه يكون فاهم وعارف شخصيتك كويس أوي ومقدرها ..احيانا
كتير لما الحبيب يحس بالمصلحة ف الحب ونك بتعملي دة عشان تأثري عليه وتخليه
يحبك دة ممكن يبعده أكتر ويخليه يشك ف نيتك من الارتباط بيه , هي مش هتوصل
لمرحلة الشك بس أحيانا ذهن الولد بيروح لحاجة زي كدة .
الحاجة السابعة
..لما تسألي عن مامته وأخواته وباباه ..عاملين ايه ؟ ازيهم ؟ سلملي عليهم
واحيانا لما تبقا فيه علاقة مباشرة مابينك ومابين حد من أهله دة ممكن يكون ف
صالحك انتي لأن هتكسبي بالطريقة دي حاجتين مهمين جدا ..أول حاجة أنه يشوف
معامتلك لأهله ازاي ورد فعله أهله ناحيتك سواء كاانت مامته او اخواته
..وعلي فكرة كتير بيفتكر ان قربك من مامته دة ونك تلمحلها انك بتحبي ابنها
دة هيخليها تقف جنبك وتساعدك علي انك ترتبطي بأبنها بالعكس , لو انتي بنت
قربي من باباه أو من أخته أكتر , يعني ولو كنت ولد قرب من مامتها أكتر من
باباها وخصوصا ف فترة الارتباط بس اللي موصلش للارتباط الرسمي. وليه الأم
متقربلهاش لأن الأم هتبصلك علي انك بترمي الشبك علي ابنها وهتبص لدة علي
انه حاجة عيب منك انك تعملي كدة يمكن بعد الخطوبة لو تمت ان شاء الله يبقي
قلب مامته قلب قلب حبيبك. فهماني؟
الحاجة التامنة ..بكلامك معاه حاولي
تعرفي لو فيه حد ف حياته ولأ لا؟ وهو بيحب ايه ومبيحبش ايه ؟ وسأليه عن
البنت اللي يحب يرتبط بيها تكون عامله ازاي ؟ والحاجات دي وليه تقوليله كدة
لأن دة ممكن يشجعه يسألك هو كمان عن الاجابة علي الأسئلة دي ..انتي جاوبي
رد واحد وبس ..لو سألك لو فيه حد ف حياتك ولأ لأ .بصيله وحطي عينك ف عنيه
للحظة وابتسمي وسبيه وامشي ..وممكن تقوليله أنك مينفعش يبقا ف حياتك حد
وواقفة تكلمي مع حد تاني ومينفعش تقفي مع حد ونتي مفيش جواكي أي مشاعر
ناحيته ..والكلمتبن دول ممكن تقولهم بنت اكبر شوية يعني من سن 23 ف فوق
يعني دة بيبقا مناسب اكتر لشخصيتها ..وعلي فكرة دة ممكن يختلف من شخص
للتاني ومن بنت لبنت ومن ولد لولد يعني دي مش قاعدة لكل الناس تقولها بس ع
الأقل تكون حاجة من الروح دي ..وعلي حسب شخصيتك وعلي حسب الموقف اللي فيه
..
الحاجة التاسعة ..عشان تعرفي معزتك عندك قد ايه ,وهل هو بيحبك ولأ لا
.تعالي ف يوم كدة واختفي من قدامه يعني لو ف كلية خدي كام يوم أو اسبوع
بعيد عنه متروحيش الجامعه ولو ف شغل غيبي يومين مثلا رغم ان دي مش عوايدك
,هيحس انو مفتقدك وهيتصل بيكي وهيحس بأهميتك ف حياته ودة مش بيبان إلا لما
يحس انك بعيدة عنه لانك طول م انتي قدامه جايز اوي ميحسش بالأهمية دي ونو
اتعود عليكي واتعودتي عليه وكمان هتعرفي اذا كان بيحبك ولأ لأ لأن لو اهتم
هتبقي عرفتي ويمكن سؤاله عليكي ع موبايل يشجعه يعترف بحبه لو كان بيحب ولو
مش فارق معاه هتبقي بردو عرفتي ان مفيش حاجة من ناحيته ليكي .
الحاجة
العاشرة ... فيه مواقف بنتحط فيها أو بنحط فيها الطرف اللي بنحبه عشان نشوف
رد فعله ايه ناحيتنا ف حاولي علي قد ماتقدري تتحطي ف المواقف دي او تحطي
حبيبك فيها , يعني تشوفي رد فعله ناحية البنات زمايلك او زمايله , بيتصرف
ازاي قدامك زي م انتي بتتصرفي ازاي قدامه , هل مثلا لما بتيجي تكلمي معاه
ويجيلك موبايل ياتري بتردي وتقطعي كلامكوا ولأ بتنكسلي وتعملي احترام ليه
وهو بيعمل كدة ولأ لأ واكيد لو بيحبك ولو انتي بتحبيه هتقوليه ان دة فلان
..مامتك مثلا باباكي ومتحاوليش ابدا تكدبي قدامه ونتي بترد ع الموبايل
وتقولي انك ف حتة ونتي ف حتة تانية لأن دة هيخليه ياخد عنك انطباع مش كويس ,
ومواقف تانية كتيرة ممكن تحصل ف بتعتمد علي رد فعلك لأن من خلالها هيكون
صورة عنك وشخصية عنك . ونتي بردوا لما تشوفيه بيتصرف ازاي ف المواقف دي
هتعرفي اذا كان بيحبك ولأ لأ ولأ فيه حد تاني ولأ لأ وبكدة ممكن تستمري ف
حبك ليه أو تنسحبي بهدوء .
الحاجة الأخيرة ..حطي ف اعتبارك انه لا قدر
الله ميكونش شيفك حبيبته ون يكون فيه حد ف حياته ف انصحك ساعتها تبعدي
وتبعدي عنه ويبقا زيه زي أي حد ف حياتك لان دة مش هيفيد بحاجة وجودك جنبه
لا بالعكس ممكن يضرك ويضر علاقته بالانسانة التانية اللي ف حياته . أم يضرك
انتي لانه هيعزبك ,طول م انتي شيفاه قدامك وهو مش ليكي هيعزبك ونصيحة مني
مفيش حاجة اسمها عشان انا بحبه لأ الحب لو مكانش من طرفين مبيبقاش حب

منقووووووووووووووول

ودة هدية منى لكل بنات المنتدى
ويارب يعجبكم
وصدقونى اهم حاجة كرامتك

فعلا انتي عسل والله
تسلنى ع الموضوع الجامد دة

11 خطوة لكى تعترف البنت بحبها

11 خطوة لكى تعترف البنت بحبها

مواضيع مماثلة

مواضيع مماثلة