طرق الزواج على مر العصور

طرق الزواج على مر التاريخ

مصر الفرعونية

بابا انا عايز اتجوز اختى حت حور
خلاص يا ابنى خليها تنقل حاجتها فى اوضتك.. وابقى هاتلها حجرين صوان هدية..
مبروك يا تاح

مصر فى عصر الرومان

تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك يللا

مصر بعد الفتح الاسلامى

ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة.. ويقدم مهر بعير
والله خالد ولدك زين الرجال .. وايش اتمنى غير رجل صالح يكون زوج لبنتى .. وكما قال رسول الله صلى الله عليه وسلم ' ان جاءكم من ترضون دينه وخلقه فزوجوه ' .... قيموا الافراح

مصر 1919

انت ح تتجوز بنت الحاج عبد الجليل .. انا كلمته خلاص ووافق .. وضب اوضتك وهات خلخال .. فرحك يوم الخميس اللى جاى
طب مش اشوفها الاول يابا
انت اتجننت يا ولد تشوفها ده ايه .. انت ح تتجوز والا تخبص
حاضر يابا

مصر 1960

بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر .. تدبل الوردة وريحتها فيها يا نرجوستى

مصر فى عصر الانفتاح

اخرسى يا بنت... انا اللى يتجوز بنتى لازم يكون عنده شقة تمليك وعربية وسوبر ماركت
بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام ما بنلاقيش ناكل.. انا يا بنتى مش عايزاكى تتعذبى زى ما احنا اتعذبنا.. انتى ح تتجوزى فتحى ابن خالتك
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما

مصر 1990

البنت: بابا ريكو حييجى يقابلك بكره وهو راجع من المول مع ديدى
متتكلمش معاه فى اى ماديات من فضلك انا بشترى راجل واحنا معانا كتير
وبعدين الكلام فى المهر والعفش والقايمه والفرح ده موضه قديمه وحاجات بلدى ياى
انا اتفقت معاه على كل حاجه والفرح فى كافيه ماريانو فى المعادى على الضيق كده
وانا جيت اعزمك انت ومامى
الاب: مبروك يا حبيبتى

مصر 2008

بابى دودى على اللى اتعرفت عليه من الشات مشغل الويب كام و عايز يكلمك علشان يقراء معاك الفاتحه
اصله ملتزم اوى و مصمم يدخل البيت من ماسنجره اقصدى من بابه
الاب: على خيرة الله يا بنتى ده شكله فعلا ملتزم روحى شغلى الكاميرا و الميك
واناهلبس انا و مامتك ونجى نقراء الفاتحه
مش انتوا اتفقت على كل شى يا روحى يلا ربنا يتمملكم بخير

يا تري ف 2009 هتكون شكلها ايه
يالا قولولى رايكو

مفيش احسن من الاول وضب اضوتك
تسلم ايدك

ههههههههههههههه موضوع جاااااااااامد وفى 2009
مش هيبقى فى جواز وهنعنز هههههههههههههه

ميرسي للمرور
وشكرا ليكم

ههههههههههههههههه
موضوع جميل تسلم ايدك
وعلى 2009
البنت هتروح تقول لمامتها انا اتجوزت وادى حفيدكوا لو عايزيين تشفوه

تسلم ايدك ياانوش

تسلمين

هههههههههههههههههههههههههههههههههههه جامده اخر حاجه تسلم ايديكى

شكرا ليكم
نورتو التوبيك

البنات في 2009 هتاخد اهلها من ايديهم وتروح لحد باب العريس
وتقولة بحبة يابابا بحبة وتجيب شبكة ومهر وشقة
دا طبعا اذا لاقت عريس فعلا
ههههههههههههههههههههههه
جميل يا انوش

طرق الزواج على مر العصور

طرق الزواج على مر العصور

مواضيع مماثلة

مواضيع مماثلة