الدراســـــــــــــــــــــــــــــــــــــــــــــــــــــــــــــــــــــــه

فلان: الدراسة
:)

فلان: ناس كتيرة بتقول بتفكرنا ليه؟؟
:)

فلان: وناس تانية بتقول كمان جاي تتكلم في الدراسة؟؟
:)

فلان: ايوه الدراسة

سؤال مهم جدااااااااااااااااااااااااااااااااااااااااااااا

نيتك ايه؟؟

علان...: يعني ايه نيتي ايه؟؟

فلان: أيوه نيتك في الدخول على الدراسة إيه؟؟

علان: هو كمان الدراسة فيها نية؟؟

فلان: أيوه طبعا ده انا كنت مع ناس في تدريب كانوا كل اول الكورس يقعدوا يكتبوا يجي 31 نية هما جايين الكورس ليه

علان: 31 نية؟؟ ده فضا بقي

فلان: لا مش فضا ده ناس بتستغل كل حسينة ((تصغير حسنة))

علان: يعني انت بالنسبة ليك ممكن تكون نيتي ايه في الدراسة؟؟

فلان: اولا كل الناس عندها نية في الدراسة

علان :: ازاي يعني؟؟

فلان: يعني في واحد داخل الثانوية العامة علشان ينجح علشان لما ينجح والده يجيبله عربية هدية النجاح

علان: اه انا اعرف ناس كده

فلان: ده مش بياخد ولا حسنة في دراسته

علان: يعني اخد حسنات ازاي في دراستي؟؟

فلان: انا ادلك
بص اولا نيتك في الدراسة
1. طلب العلم فريضة على كل مسلم ومسلمة
2. اني اطلع متفوق علشان الناس تبص وتقول هو ده المسلم دايما ناجح
3. اني بقضي وقتي في شئ هادف مش في كلام فارغ
4. بتعرف على ناس جديدة وبكون صداقات محترمة ممكن الاقي صاحبي مش ملتزم اكلمه عن الصلاة والصوم الوتدين
5. احترام المدرس ده شئ اساسي من ديننا وباخد حسنة لان الرسول قال ليس منا من لم يرحم صغيرنا ويوقر كبيرنا

علان: مدرس مين ياعم هو في حد بيفكر كده اليومين دول؟؟

فلان: اه فيه وحتى لو مش في خليك انت الوحيد اللى تفكر زي ما كان الرسول الوحيد وسط الناس اللى طلع وقال انا مسلم وبياخد كل حسنات المسلمين دلوقتي

اكمل بقي

علان: اه معلش قاطعتك

6. من سلك طريقا يطلب فيه علما ، سلك الله به طريقا من طرق الجنة ، وإن الملائكة لتضع أجنحتها لطالب العلم رضا بما يصنع ، وإن العالم ليستغفر له من في السموات ، ومن في الأرض ، والحيتان في جوف الماء ، وإن فضل العالم على العابد كفضل القمر ليلة البدر على سائر الكواكب ، وإن العلماء ورثة الأنبياء ، وإن الأنبياء ، لم يورثوا دينارا ، ولا درهما ، إنما ورثوا العلم ، فمن أخذه أخذ بحظ وافر
الراوي: أبو الدرداء المحدث: الألباني - المصدر: صحيح الجامع - الصفحة أو الرقم: 6297
خلاصة الدرجة: صحيح
يعني انا وريث الانبياء

7.

علان: كمان سبعة

فلان: اه لسه وانا بفكر وانا بكتب اساسا ايه اللى ممكن يبقي نية ليك وليا ولكل المسلمين

والنوايا دي في ناس كتيرة هتحط عليها نوايا تانية لان الموضوع مش منتهي

7. ان الاسلام محتاج للعلماء اللي يرفعوا بيه رايته في ظل الخمول اللى احنا فيه
8. اول كلمة نزلت على النبي إقرأ وده رسالة قوية وصريحة من ربنا اننا لازم نتعلم
9. التعاون على البر والتقوى

علان: ودي ازاي يعني؟؟

فلان: انت لو روحت بار ولا ديسكو ولا اي مكان وقعدت فيه وعصيت ربنا انت وصحابك مش هتاخد ذنب؟؟

علان: ايوه طبعا هاخد ذنب

فلان: خلاص لما تروح مكان انت وصحابك تطيعوا ربنا فيه اكيد يعني هتاخد حسنة

علان: كلام منطقى والله

فلان: دول النوايا اللى قدرت اجمعها

لو كانوا في نيتك هتاخد على كل نقطة حبر حسنة لانك بتطيع الله في كل لحظة

ياترى غيرت في حد حاجة او حد عدل فكره بالنسبة للدراسة ؟؟
ولا لسه مشاعرنا بالنسبةللمدرسة مش حلوة؟؟

جزاكم الله خيراً

بجد كلام جميل جداااااااا
جزاك الله خيرا
ويارب فعلا يبقى كلنا غرضنا من الكلبه النجاح واثبات النفس
تسلم يامان