الزواج العرفى..............زغرطوا يا جماعة

لأن الزواج حاليا اصبح موضوع في مكانه على رف رابع المستحيلات فى ظل الظروف المنيلة بنيلة اللى بيعشها الشباب
ظهر حل عند بعض الشباب
ومشكلة عند اهاليهم

هى الزواج العرفى اثناء فترة الدراسة فى الجامعة

والتكلفة محدودة جدا..

ورقة صغيرة من كشكول المحاضرات

المليان أصلا بجمل الحب والهيام وليس بالمحاضرات وعلبتين كانز للصديقين اللذين سيكونان الشهود

احنا يا باشا ماشيين قانوني

وكمان كيس شيتوس للصديقة هترقع زغرودة في قلب الجامعة عشان نبقى عملنا الإشهار
هههههه

ولما حد يسألها بتزغرد ليه هتقول له أصل أنا نجحت في امتحانات نص السنة بالرغم إننا لسه في أول نوفمبر

وكمان 30 جنيه ثمن الغرفة الراقية اللي هتأجروها في أنظف فنادق شارع
السيدة زينب عشان يقضوا فيها شهر العسل الذي لن يزيد عن يوم واحد فقط
بعدها ستكتشف البنت أن ما فعلته شيء شنيع جدا

هتصوت وهتلم عليك الناس

وستكون النهاية في القسم إن شاء الله
في السطور القادمة عرض لبعض

الاسباب العبيطة
التى يتخذها البعض كوسيلة للزواج العرفي.. وفى نظرى دى مبررات لجريمة

1/ الاستعجال

مافيش وقت خالص
الحياة قصيرة جدا يا جدعان
وهو أكثر الأسباب العبيطة شيوعا
تجد الولد والبنت عندما تسألهما ليه عملتم كده؟

ترد عليك البنت
بكل بجاحة : احنا عارفين إننا ممكن نتجوز بعد كام سنة
بس أنا مش بقدر أعيش يوم من غير ما أشوفه قدامى

وفي نفس الوقت ستجده يقول لك في تناحة منقطعة النظير: أنا عارف إني ممكن أتجوزها في خلال سنتين
بس مش حرام نضيع السنين دي من عمرنا في الهوا.. يرضيك كده؟

هو طبعا يرضيني

لسبب بسيط جدا هو أن العلاقة بين الولد والبنت إذا لم تنضج على نار هادئة

فإنها ستكون نيئة

قد تجد أول قضمة منها في غاية الطعامة واللذاذة

لكن بعد كده هتحس إنك بتاكل في لحم رخيص بس مش بتاع إيناس الدغيدي
مالهوش أي طعم
بعد وقت قليل جدا هتلاقي نفسك بتدور على نوع تاني.. وطعم تاني
حكمة هذه القصة: الذي يأتي سريعا يضيع سريعا.. هذا عن الفلوس.. فما بالك بالبني آدم؟

2/ الأهل رافضين

بابا حالف يطلق ماما لو اتجوزته
لو كنت إخصائيا اجتماعيا ستجدها تبكي بحرقة وهي تعترف لك قائلة: والله أنا ماكنتش عاوزة أعمل كده

إهئ إهئ

بس هو جه واتقدم ليا
وبابا راسه والف سيف إني ماتجوزوش
ماله ياباب؟
وحش يعنى؟
ده حتى جتة وملو هدومه
ههههههه

بابا طرده من البيت ورفض حتى إنه يكمل كلامه معاه وحلف بالطلاق إنه مايدخلش بيتنا تاني.. ليه كل ده؟
ماله ؟
وحش ؟
ده حتى كسيب وبيتاجر في الـ
في الـبن.. يعني بيتاجر وخلاص

ههههههه

قد يحن قلب الأستاذ حسونة ويرق لـست أبوها ويقتنع بمنطقها

لكن دعونا نسأل ماذا لو كان لدى وال ها أسباب مقنعة حقا؟
ماذا لو كان هو فعلا غير مناسب لها، أو أن الوالد يعرف عنه ما لا تعرفه هي؟

حكمة هذه القصة: رأي الأهل في الأغلب -إن لم يكن دائما- يكون على صواب.. حتى اسألوها

3/ الظروف الاقتصادية
مافيش فلوس..
طبعا كالعادةكان البرنس قاعد على قهوة احلى من الشرف مافيش

وهو يشد نفس من الجوزة ثم قال لصديقه اللدود حنفى شكمان:
تعرف يا عبده ..............الدلع لحنفى ....عادى يعنى
هههههههههههههههه
انا اتجوزت البت دى عرفي ليه؟

ما تقول لي ليه

ما تقول يا جدع ...!

آه نسيت إنك أخرس

أقول لك أنا ليه..

عشان مافيش فلوس..

هو احنا لاقيين نشرب الجوزة..
كح كح

لما نلاقي نجيب شبكة وعفش وشقة وكلام فارغ منه ده
وبعدين مش أنا لوحدي اللي باقول كده..

ده حتى الست المحترمة اللي اسمها نجلا غنت وقالت كده..

مش هي اللي قالت بح..
خلاص.. مافيش.. .شطبنا!.. ههه
أيوه هي كان قصدها على الفلوس.. مش مصدقني.. لأ.. أنا عارف هي قصدها على الفلوس مش أي حاجة تانية
حسنا.. يمكن ان نتعاطف معاه لو حاول أن يعمل وفشل..

لو دققنا النظر..
سنج ه جتة وملو هدومه
وده كلامها مش كلامنا
يعني ممكن لو سند بإيده على جدار يهده
صحة يعني..

طيب ليه يا هو ماحولش يشتغل واكتفى إنه يشتغل نفسه ويشرب الشيشة ويتفرج على نجلا وخلاص
حكمة هذه القصة: شرب الشيشة.. ضار جدا بالصحة

هههههههههههههههههههه

......................................
طبعا انتشر الموضوع ده بشكل كبير فى مصر بين طلاب الجمعة

الزواج العرفى وزواج الدم وغيره وغيره............

مصيبة

ومعظم الشباب بيفكروا فيها
...........................

شكلى كدة وجعت دماغكوا
.................................
انا عارف انك هتضحك من الكلام

بس صدقنى قلبك هيبكى

هنعمل ايه ............هنعيش ازاى ...............هنتجوز منين دى الشقة
بكذا على ما ألم حقها قدامى كمان عشرين سنة وغير المصاريف التانية

بس اقلكوا حاجة.................ربنا كبير
يتولانا برحمته

مش هطول عليكوا

ممكن اعرف وجهة نظرك فى الموضوع ده بكل صراحة

شكرا

gold mask

والله الموضوع مخيف يعني كده يمكن مصيبة لا فعلا مصيبة ربنا يستر
مشكور على مجهودك بالنشر عن الموضوع ده

الزواج العرفى..............زغرطوا يا جماعة

الزواج العرفى..............زغرطوا يا جماعة

مواضيع مماثلة

مواضيع مماثلة