تخاريف خاريف. احمد فؤاد نجم

[size=21]تخاريف خريف

الصدق منجى و الكدب سنجه

تقطع ما توصل تغرق ما تنجى

ماتنجا افندى كان عبده عندى

ضارب كاساتا بالتمر هندى

اما هندى قال له لازم يا لولو

مادام حبيبك تروح تقول له

بطل معانده و شيل ده عن ده

يرتاح ده من ده ده مين ده مين

قالك امين دامندا صاحبى و من سنين

سنين طويله فاتت لا حيله

بس الاكاده كانت جميله

و جميله راحت و الذبده ساحت

ميت الف بانى ولا شخص فاحت

فاحت روايح سمن الصفايح

فا يا اللى ماشى قول للى رايح

رايح زمانك و هايلمانك

و بكره يا ابنى يكتر سبانك

سبان ما بانشى قالك دافنشى

موناليزا ساكته ما تنضمنشى

دى عيونها ساهيه و خدودها زاهيه

ممكن فى لحظه ترميك فى داهيه

داهيه و شماته سته فى تلاته

من عند باتا

باتا البتوتى صاحبك ياتوتى

لو بات جمالك ممكن تموتى

اصل الزمن ده مالوش كومانده

فا شيل ده عن ده يرتاح ده من ده

....... و لو تحب نقول من تانى

ده مين ده مين قالك امين

دامندا صاحبى و من سنين

سنين طويله فاتت لاحيله

بس الاكاده كانت جميله

و جميله راحت ..............

_________________

[/size]

يارب يعجبكم

زائر

[ندعوك للتسجيل في المنتدى أو التعريف بنفسك لمعاينة هذه الصورة]

الرجل ده من احسن الناس
اللى تضحك
بالكلام فى السياسه

حلوه

بجد الرجل ده
مابيتعبش من السجن

تسلم الايادى

بس كلامه بيكون جميل قوي
ياله ربنا يقويه
ميرسي للمرور

زائر

هى الحقيقه مره
واللى بجد يركز فى كلامه
هيلاقيه
كله صحيح
بس
القول ولا فعل

ده اكيد الراجل ده خريج كليه العلوم
ههههههههههههههههههههههههههههه
تسلم ايدك يايويو

تسلم ايدك يايويو

مرسي يا يويو
بس احسن قصدتين له عريس الدوله وكلب الست

اه عريس الدوله دي مصيبه ياعادل
وكلب الست برده ملهاش حل

الراجل ده بيقول كلام في الجون علشان كده انا بحبه جدا
هو ده الي ينفع والله كلام بجد بس بتريقة

تخاريف خاريف. احمد فؤاد نجم

تخاريف خاريف. احمد فؤاد نجم

مواضيع مماثلة

مواضيع مماثلة