سخافات معاكسة الشباب للبنات



في الحي الشعبي ..بسبس

في الحي الراقي . . توت..تيت..تات

[b] طبعا مافيش بنت فيكي يا مصر إلا وتعاني من المعاكسات المستفزة والسخيفة اللي بجد
تحرق الدم ومافيش حاجة اسمها معاكسة لطيفة ومعاكسة سخيفة المعاكسة معاكسة
وهي بكل أنواعها وصورها اعتداء على استقلالية وخصوصية الآخر . . طبعا في أولاد
دلوقتي هيقولوا ما هو فيه برضه بنات بتعاكس الشباب . . حنقول . . حتى لو فيه ماهي
برضه من ضمن قلة الأدب .
المعاكسة ظاهرة قديمة لكن تطورت بتطور العمر اللي إحنا عايشينه . . ده طبعا بسبب
الهاي تك ، اللي بتحاصرنا في كل ناحية يعني ممكن تلاقي رسائل على الموبايل أو رنات
أو حتى مكالمات وكمان ممكن تلاقي شباب يعمل إنه بيلعب في الموبايل لكن بقصد
[ندعوك للتسجيل في المنتدى أو التعريف بنفسك لمعاينة هذه الصورة]تصوير البنات .. وطبعا فيه معاكسات بكلكسات السيارات والمساحة والنور .. فعلا حاجة
غريبة وسخيفة وساقطه في مجتمعنا اللي عاش ينادي بالعادات والتقاليد اللي غابت عن
عقول شبابنا .. طبعا لازم نقول إن فيه قانون بيجرم المعاكسات يعني على حسب طبيعة
المعاكسة .


[/b]ا[b]لمعاكسات كمان بتفرق حسب طبيعة المكان بحكم البيئة والتركيبة الاجتماعية يعني
ممكن تلاحظ أنه في الأماكن الشعبية يعاكس الشباب البنات ب " بس بس انت يا " أو "
بصراحة أحلى واحدة اللي لابسه جزمة حمرا" وهكذا .
وممكن نلاقي في الأماكن الهاي شوية من ناحية الفلوس يعني مش من ناحية السلوك ..
البنت بتتعاكس بكلام مباشر أو يتريقوا على ملبسها وممكن كمان ينزل الشاب من عربيته
ويمشي بجانب البنت ويفتح أي حوار وكأنه فعلا عارف البنت حقارة طبعا .
[b][b]أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان
معين وكلها حجج مصطنعة لمحاولة مضايقة البنات وخلاص .. طبعا دلوقتي كمان ممكن
تلاقي رسالة إعجاب على الموبايل أو رسالة تهديد وطبعا مرسلة من على النت علشان ما
نعرفش مين اللي باعت . . أو تصور البنات وهما قاعدين في كافيه من الموبايلات وطبعا
يتباهى البيه إنهن صحباته والأنتيم كمان .


* رأي البنات
تقول شريهان محمود بكالوريوس رياض أطفال أكره المعاكسات موت وبكره أكتر الرأي
اللي بيقول البنات تحب تتعاكس يعني هي البنت هتعرف قيمة نفسها من كلام واحد
فاضي واقف على ناصية أو بيلف شوية بعربيته ، كلام صعب طبعا وبعدين اشمعنى
ارتبطت ظاهرة المعاكسات بشباب مصر . . يمكن لأنه محبط أو معندوش وقت يشغله
وكمان يمكن لأنه مش عارف يرتبط ويستقر .
أما سامية فؤاد محاسبة فتقول : والله معظم مرتبي بصرفه في تاكسيات المخصوص
علشان أرحم نفسي من شباب النواصي وبعدين أنا مش عارفة البوليس فين منهم وفين
سيارات الدورية الراكبة ماهو كل ده برضه ممكن يضمن سلامة البنات في الشارع .
وتقول شذا متولي : بصراحة أنا ما بحبش المعاكسة لكني فاكرة ان شاب عاكسني
فضحكت وكان طبعا غصب عني لاقيته خارج من زجاج عربيته وبيقولي . . أكيد ماما كانت
نحلة علشان تخلف العسل ده . . ومرة تانية كنت لابسة طقم احمر ولاقيت مجموعة شباب
زفوني أهلي . . أهلي .
وتقول إيناس بدري معدة إذاعية
الفراغ يعمل أكتر من كده وبعدين المعاكسات دي نوع من أنواع البجاحة والتعدي على
حرية الآخرين والتطاول عليهم فعلا عايزين قانون يغلظ من عقوبة المعاكسات التي
انتشرت مفزع داخل شوارعنا .
أما كامليا رائد 25 سنة فتقول : كنت مرة مع ماما خارجين وبعدين لفت نظر ماما واحد قد
والدي في السن بيراقبنا في الرايحة والجاية وبدأ في معاكستي واستفزازي فما كان من
ماما إلا أنها خافت جدا وأخدت رقم العربية واتجهت إلى أقرب قسم شرطة وحررت له
محضرا وهنا تم استدعاؤه لكنه طلع راجل مسئول وواصل قوي وطبعا اتقلب المحضر ضدنا
وطلعنا احنا اللي بنعاكسه ودفعنا غرامة مالية بعد أن قرر التنازل ومن ساعتها بتعاكس ولا
بقول كلمة واحدة ياللا خلي الشباب يعيش علشان خاطر مراهقة المسئولين اللي زيه .


* رأي الشباب
طبعا الشباب لازم يبرر المعاكسة ويرمي بالغلط على البنات وملبسهم يعني معنى كده إن
المحجبات معصومات من المعاكسة نشوف .

صدقت والله يا ساسو وانت فاهمنى بقى

لو يمشوا محترمين في كل حاجة مش هيتعكسوا

ونسيتي الصعيد بيقولوا انتي يابنت الدزمة هي تسخسخ علي طول

موضوع جميل وعندك حق فعلا

على العموم دى وجهات نظر مش هنختلف

ميرسى على الصور يا اييرون
بجد تحفة

ميرسى على المروريا طائر

موضوع جميل
انا فراىى السبب فى ده انه مفيش احترام للعادات والتقاليد
من البنات ولا الرجال
فى اسئلة احب اسئلها
الراجل هيستفاد ايه لو عاكس بنت ؟.
والبنت بتتعاكس ليه
نقول ليه علشان مفيش التزام من حيث اللبس ولبا حتى طريقة الكلام
المعاكسة حاجة طارقة على مجتمعنا ولازم تنتهى
تصدقو ان فى بنات هى الى بتعاكس الرجالة
يعنى الحكاية دى اصبحت دلوقتى مش من طرف واحد
شكرا على الموضوع الجامد

بجد حلو كتير الموضوع ده
تسلم ايك يا ساسو يا قمر
نرجو المزيد

اصل الشباب تعبان وعايز يفرج عن نفسه وكمان انتو ال مستفازين ماتمشوا من شارع تانى و كمان فى كتير من البنات ال بتحب تتعاكس
:lol!:

ههههههههههههههههههههههههه
بصراحه ردك مقنع اووووووووووووووووووي

الله عليك يا مصطفي

[color=red]اسلااااااااااااااااااام على كده بقى يبقى منخرجش مين البيت اصلا
اه بس لو انتو تمشى فى حالكو شويه على العموم شكرا على المرور يا فيظا

الموضوع جميل تسلم ايدك
اصلا يارتكو بتعكسو ولا بتقولو كلام عدل دى انتو بتشتمو كمان
وفى بنات منقبات مش باين منها اى حاجة وبتتعاكس
وكمان زمان كانت البنات بتلبس مينى جيب ومكنتش بتتعاكس
والولد الى يعاكسها كل الى فى الشارع بيضربو
اكيد العيب مش فينا العيب فيكو انتو يا ريت تغضو بصركو شويه وترحمونا
وكمان طول النهار والليل وقفين فى الارع يبقى كدى عمرى مهنزل من بتنا

لالالا انا اختلف معاكى
ايه ذنب الشاب الى ماشى فى حاله فغصب عنه لازم يبص قدامه
فيلاقى منظر واحدة يعنى ربنا يهديها فهيعمل ايه
بيستغفر ربنا ويمشى
بس العيب مش فى الشباب
العيب فيكم
عارفين ليه
لو البنت تمشى محترمة
مش هتلاقى حد حتى يبصلها
ده راىى المتواضع
ومش هنقعد نقول العيب فى مين
الكل خلاص قرب ينسى العادات وتقاليد مجتمعه الاسلامى
شكرا ليكى يا ساسو ويا ريت توتا تردد على كلامى

بص يا محمد
والله احلى رد اتكتب ف الموضوع مع احترامى لكل اللى ردوا فية
بجد كلام جميل جدا

انا عارف ان لو احنا قعدنا نتكلم في الموضوع ده هنفضل للسنه الجايه و مش هنخلص بس سواء المعاكسه كانت من بنت او ولد دي اسمها (بواخة وتفاهة)

هى مش بواخة

دى قلة ادب

والموضة النهاردة ومابجبش حاجة من عندى

البنات بيعاكسوا الولاد

ليه وعلشان ايه

الاجابة مش عارف

حد يقول ليه..............

شكرا يا ساسو على الموضوع

تقبلى مرورى

يمكن في فعلا بنات بتعاكس الولاد لاكن قلة منهم واحيانا بتكون حكايات الولاد بيصطنعوها ويصدقوا نفسهم المشكله الي احنا فيها مش مشكلة مدينة واحده ده الشعب كله مخه اتلحس وفوت...... ده حته الراجل القصير اللي علي ميلودي ما سابش القطة في حالها وعاكسها برده مع اني شايف ان لو راجل ارتبط بقطه هتبقي مشكله والجيل الجاي كله هينونو ومش هنعرف هما بيقولوا ايه :lol!: