اسئله ملهاش لازمه

في اسئله بديهيه مالهاش اي لازمه في الدنيا
بنتعرض ليها كل يوم من كل الناس

خلـونـــا نشــوف أمثلة

أنت في أوضتك .. على السرير وطافي النور ومتغطي .....
يجي أخوك الظريف ويفتح الباب عليك ويقول : ايه ياده انت هتنام ولا ايه ؟
(( أظن انا مش رايح اذاكر!!! واضح ان انا هنام))

*******************

أنتم معزومين عند ناس ورحتو لبيتهم وأول ما فتحولكوا الباب يقول ابنهم الصغير " انتوا جيتــواااااااااااااااا

(( لا لسه ))

********************

والعكس : أنت لابس هدومك و متأنتك و على سنجه عشره وريحة البارفان واصله لاخر الشارع .. وخلاص بتفتح باب الشقه,, يجي حد من أهلك وينادي بصوت عالي : انت خااااارج ولا اييييييييييه

(( !!! لاء دانا لسه راجع ))

*********************

أو مثلا راكب العربيه ودورتها وخلاص هتطلع ... يجيلك لك البواب ويخبطلك على الزجاج,, أنت بكل ذوق تفتح الزجاج وتقوله : خير في حاجه؟
يقولك : انت رايح الشغل يابيه ؟

(( لا العربيه واحشاني ))

******************

مثلا ماسك سماعه التلفون وقاعد تضغط الارقام يجي حد من أهلك ويقولك : انت هتتكلم في التليفون ؟

(( لا أبتفرج عليه ,, أكيد بتكلم ))

******************

مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك :هاه قاعد تذاكر ؟
(( تقوم رامي الكتاب و تقوله لااااااااء ))

*****************

ربنا هاديك كده ... ماسك سبحه و عمال تسبح ، يجي حد من البيت يعدي عليك ويقول :هوه انت بتسبح
(( لاء هفرطها و أسلقها ))

*****************

ولا تعالــو شوفو قنواتنا واسئلتهم البديهيه البايخه

برنامج اهداءات يتصل واحد يطلب أغنيه
ترد عليه ست الكوتكوته (المذيعه) بكل خفه ورشاقه : أنتا بتحب الاغنيّة ديه ولا ايه ؟

(( لاء طالبها اخنق على نفسي))

*****************

أو مثلا في العيد

المذيع : هههههه هههههههه هههههه نتعرف بيك
االمواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه و قرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير ....

(( أكيد يعني مش هيقولهم البقاء لله ))

*****************

,,,المذيعه الرخمه : وياترى بقى هتعملوا ايه العيد ده هتقضوه ازاي ؟ اكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيد عليهم و نقولهم كل سنه و انتوا طيبين

(( سبتيله ايه يقوله يارخمه ))

****************

والأسخف بقى ... الشلل الكبير.. لما المذيعين يكلموا الاطفال
يقول المذيع للطفل : أنت تحب ماما وبابا !!!

(( يعني اساسي الواد لسه ما طلعلوش عرق الخسه علشان يقول لأ ))

*****************

كفايه كده عليكواااااا
اظن انتوا عارفين الباقي

مسنتيه رايكم

thanxxxxxxxxxxxxxxxxxxxxxxx

هههههههههههههههههههههههههه
والله بجد فعلا دى الى بيحصل
تسلم ايدك

شكرا على الموضوع الجميل ده
بس انا ليا راى "على الرغم من ان الاسئله ديه غبيه و متخلفه ولكن لا بد من وجودها . اعتقد ذلك " ولا انتم ليكم راى تانى

زائر

نيسسسسسسسسسسسسسسسسسس

مش ممكن نتخلى عنها لانها اصبحت عاده

so nice
well done

جامد يا يويو توبيك رائع بس الحاجات دي اساسيه معانا

انا معاكي بس دي اساسيات ومن غييييييييرها مانبقاش في مصر اصلا
ههههههههههههههههههههههه

توبيك فوق الروعة يا يويو تسلم ايدك بجد

ميرسي ياجماعه علي مروركم وانا معاكم والله دي حاجات اساسيه في حياتنا

ههههههههههههههههههههه
بجد موضوع اكثر من رائع
تسلميلى

توبيك جاااااااامد

هههههههههههههههههههه
شكرا ليكى
موضوع جامد

اسئله ملهاش لازمه

اسئله ملهاش لازمه

مواضيع مماثلة

مواضيع مماثلة