السلام عليكم ورحمة الله وبركاته اولا

بص يا سيدي بباسطه الفكره بتتلخص في الاتي الفكره دى مجرد نواة لفكرة عمل حملة لمحاولة تغيير فكر ووعي الشعب المصري عشان نقدر نحافظ علي كل المكتسبات اللي قدرنا نحصل عليها من خلال ثورتنا العظيمه
كلام نظري صح ؟
انا شايف كده فعلا
طيب اوضح بمثال مثلا الشعب لحد دلوقتي مش مستوعب ايه ميدان التحرير و ايه اللي بيحصل و كان اللي حصل ده حاجه عاديه و ملهاش لازمة و الناس مبداتش تتغير فعليا مفيش غير اللي بيروح التحرير و قدهم مثلا في البيوت اللي فاهمين اللي بيدور في مصر حاليا و بيحاول يصلحوا اكتر والباقي ولا كان حاجه تهم في اللي بيحصل يا بيتفرج يا بيهدم اللي الناس بتبنيه

طيب سؤال و ياريت تجاوب عليه
دلوقتي ليه السواقين مثلا بيطنطوا علي الشعب و بيغلوا الاجره و زاحمين المواقف

مجرد جواب من وجهت نظري لان شعبنا سلبي لو السواق قله ادفع خمسه جنيه و الاجره جنيه يدفع عشان يخلص و السواق يسعر بمزاجه

وطبق ده بقي في كل مجالات حايتنا هيا مجتش علي السواقين بس يعني غيره كتير جدا

نيجي بقي للجزاء الاهم
مستقبل مصر
الفكر و الوعي السياسي اللي يعتبر زيرو في المجتمع المصري حتي بعد الثورة كل الناس بتتكلم في السياسه لكن بدون فهم و لا وعي مجرد تكرير للكلام
ازاي بقي نخلي الشعب يفكر بدماغه هوا مش بدماغ اي حد تاني ؟؟؟؟
ازاي نقدر نخليه يختار الصح من غير ضغوط و كلنا شوفنا اللي حصل في معركة نعم و لا وكل جماعه و لا حزب عاوز يفرض رايه علي باقي الشعب وطبعا شعبنا بيكبر دماغه فالنص مرحش تكبيرا للدماغ و النص التاني راح و يقولك بالبركه بقي زي ما تيجي

طيب ليه كل الناس مترحش و تدي صوتها بحريه و يكون هوا اللي قارن وجهات النظر كلها من رايه و يشوف هوا الصح من الغلط و يحكم بدون فرض وجهات نظر


وحاليا اللي جاي انتخابات مجلس الشعب و بعدين الرئاسة يعني مستقبل مصر جاي دلوقتي ليه لو احنا خايفين علي مصر بدل ما نطلع حملة دعم المرشح كذا و كذا منخليهاش حملة تغيير الفكر و بعدين كل المرشحين ينزلوا ببرامجهم و نختار علي اساس برنامجه و الية التنفيذ انما مش عشان شخص او جماعه او حزب

ويكون المرشحين مش اعداء كالعادة و بيحربوا يكون فكرهم الاول و الاخير مصلحة مصر بلدنا

لو الفكرة عجبتكم ده بيدج على الفيس الى يحب يتواصل معانا برده ويشارك برايه ومقترحاته
https://www.facebook.com/be.possitive?sk=wall#!/be.possitive?sk=app_106878476015645

ملحوظة:ده مش اعلان للبيدج الى هيتحط فى البيدج هيتحط فى المنتدى يعنى هنوسع قاعدة انتشارنا وجزاكم الله خيرا

ربنا يكرمك والتوعية مش هتكون سياسية بس هتكون توعية اجتماعية شاملة وربنا هيوفقنا باذن الله بمشاركتكم يا شباب وافكاركم معانا

اكيد لازم نكون اجابين ونكون علي درايه اكتر بالي بيدور حولينا ولازم نفهم بلدنا مشيه ازاي
واكيد التغير لازم يبدا بينا