*صدقني أنا عارف إن الصلاة فرض

وإني لازم أصلّي في المسجد بس بكسل شوية

**صدقني انا عارف إن السجاير حرام
وإنها بتضيع فلوسي وصحتي
بس مش قادر ابعد
عنها

**صدقني أنا عارف ان القهاوي حرام
بس بقابل اصحابى عليها
أعمل مقدرش أغيرهم
دول عشرة عمرى

**صدقني انا عارف إن المفروض
ما اتسلاش ببنات الناس..
وإن اللي هعمله معاهم
هيتردلي في عيلتي
بس اعمل ايه مش بقدر اسيب بنت فى حالها

**صدقني انا عارف إن أنا على غلط
وإن أنا كده قريب من النار
بس مش عارف
اغير
**صدقني أنا عارف أن الحشيش والمخدرات حرام
وبتضيعلي عقلي بس مش عارف ابطلها

**صدقني أنا مش وحش وأنا بحب ربنا
وبحب النبي صلي الله عليه وسلم
بس مش عارف
ابقى مطيع ليهم

صدقني.. وصدقني.. وصدقني


**صدقني أنا عارفة إن شعري
لازم أغطيه وإني بآخد سيئة
بكل شعرة بتبان
منه..
بس لازم أعيش حياتى واتمتع بيها
ولازم كمان أحس بأنوثتى


**صدقني أنا عارفة إني لازم أصلي..
وإني أحافظ على نفسي لحد ما أتجوّز وبعد
الجواز
بس أوقات مش بقدر أحافظ على الصلاة

**صدقني انا عارفة إن المفروض ما أقعدش
على قهاوي وأشرب شيشة
بس اتعودت على
كده


**صدقني انا عارفة إن المفروض
محدش يلمسني غير اللي يحلّ ليّا
بس الشيطان
أقوى منى

**صدقني أنا عارفة إني المفروض
ما أنزلش من بيتنا باللبس الضيق ده
بس انا لسه
صغيرة مش هحبس نفسى من دلوقتى

صدقني.. وصدقني.. وصدقني

وفي الآخر إدعيلي ربنا يهديني

المعرفة غير الإيمان



إنك عارف ان الصلاة فرض, مش كفاية


كلنا عارفين ان اللي بيسمع الأذان
بيوطّي صوت الأغانى وقت الأذان أو
بيقفلها..
إنما لو كان مؤمن وعارف ان الصلاة دى مفروضة عليه
وانه لازم يحافظ
عليها كان نزل صلّى فى المسجد


انا عارفة إنك عارفة إن الحجاب فرض..
بس فين حجابك؟ فين إيمانك؟ إنك لازم تكوني
عفيفة..
إنك أغلى من الجواهر.. متقوليش القماشة اللي
على راسك دي
حجاب>>> مش هنضحك على بعض


إنتوا فين؟.. ورايحين فين؟
انتوا مستنيين إيه؟

**مستنيين إن أخوك أوأختك أو بنتك
تموت قدامك وهي بتعمل المعصية؟

**مستني إن ربنا يبتليك بسرطان ولاّ شلل
علشان تتوب وتفوق من اللي انت فيه؟

**مستنية إن ربنا يبتليكي بمرض جلدي
عشان تخبّي جسمك اللي مفرّجة الناس
عليه؟
ولاّ يوقع لك شعرك اللي مطيّراه على الناس؟

**ولا مستني ربنا يعميك بعينك اللي ما بتسيبش
بنت معدية إلا وفحصت بيها كل حتّه
فيها؟

**مستني إنك تدخل القبر ويسألك الملكين:
من ربك؟ ومن نبيك؟ وما دينك؟

هترد بإيه؟

هترد باللي كنت عايش عليه في الدنيا؟

**كنت بتبكى عشان حبيبتك سابتك..
وما بكيتش من خشية الله ؟

**كنت بتبص للبنات ومبصّتش في
كتابه تقرأ قرآنه؟

هتقول إيه لنبيك على الحوض؟ هتقولّه
انا بحبك بس مابسمعش كلامك؟

فوق بقى!!!!!!!

فوق بقى قبل ما تموت........





صدقونى انا عارف انكم بتحبوا
دينكم


بس لازم نثبت ده لنفسنا
بالفعل مش بالكلام


**نعمل
حاجة للنبى اللى تعب علشان يوصلنا دعوته


**نعمل حاجة لنفسنا
اللى
هتقف بين يدى الله
ولا تعرف بم ستجيبه


**نحاول نعمل حاجة
لاسلامنا
اللى عاد غريبا كما بدأ غريبا
وصدقت يا رسول الله

**************
مش انت مسلم
**************
مش انتى
مسلمة
**************


((ان تَنصروا الله يَنْصُركم))


يلا
ننصر اسلامنا ورسولنا
يلا نتغير بجد ونحاول نعيش صح
اعقد العزم على
التوبة
وخلى ايمانك بالله قوى


(( إن الله لا يغيّر مابقومٍ حتى
يُغيِّروا ما بأنفسهم))


يلا نبدأ حياة جديدة ونستعد لرمضان
بتوبة
نصوح لا نعود بعدها إلى الذنب أبدا

اللهم يا مقلب القلوب ثبت قلوبنا على طاعتك

جزاكى الله خيرا