انا كنت فاكر نفسى عارف معنى كلمة صداقة بس بعد الى شوفته مبقتش عارف انا اعتقادى عن الصداقة صح ولا غلط باختصار وعلشان مطولش انا ليا 3 اصحاب بعتبرهم اخواتى 2 منهم زعلانين مع بعض لاسباب تافهة المهم انهم ال2 كانوا توام دى الكلمة الى اقدر اقولها عليهم فجاة زعلوا مع بعض ولقيت واحد بيقلى اصله اتغير ومبقاش زى الاول ومش مرتاح معاه نفسيا وبفكر انهى صداقتنا ومنخرجش تانى مع بعض مع العلم ان كلنا اصحاب من ابتدائى يعنى بقالنا اصحاب حوالى 13 سنة واحنا عندنا اساسا 19 سنة وموقف التانى كان انه بيقلى والله ما فيه اى حاجة انا بس كنت متضايق شوية وخلاص موقف وعدى ومفيش مشكلة ولا حاجة فانا سالت نفسى اسالة كتير
ياترى هوا بعد 13 سنة جه اكتشف فجاة انه مبيرتحش نفسيا معاه!!!
طب لو لقاه اتغير ليه محاولش يواجهه!!!
فين حق (بلاش الصداقة) نقول العشرة!!!
ياترى سبب تافه ممكن يضيع الروابط الى اتنبنت فى سنين!!!

الحقيقة انا بقيت تايه ومش عارف اعمل ايه اسيبهم ولا اواجههم ببعض ولا اعمل ايه؟؟؟؟؟؟؟؟ وياريت الى يعرف المعنى الحقيقى للصداقة يقلى عليه لانى بقيت شايف الاصحاب دلوقتى كله بيدور على مصلحة معينة الى مصاحب واحد علشان ياخد منه ورق وهكذا يعنى اكيد انتوا عارفين احسن منى. وانا اسف انى صدعتكوا

بص يا عم زورو سيبك من التنين دول والمهم خليك في صحبك التالت
وصحابك التنيين دول ربنا يسهلهم زي التعابين قصدي البناادمين

شكرا فارس رومانس على الفكره.
أرجو الرد من قبل ايامى معاك لأنى بثق فى رأيه كتييييير.

انا من راي ان المشكله مش كبيره
كتير من الاصحاب بيحصصل كده معاهم ولانهم اصحاب فده بياثر اكتر فيهم
هما اصحاب من 13سنه زي ما بتقول
يعني فاهمين بعض اكتر من نفسهم
يعني احيانا ظروف المكان والاشخاص الي عرفوهم يمكن ان يغير فيهم شئ
من طبعهم وتفكيرهم بس هما لسه بيحبو بعض وفاهمين كمان بعض
انا اعتقد بما انك صديقهم اوي انك تحل المشكله دي بنهم وتخليهم يواجهو بعض وكل واحد يقول الي جواه
ده ليه اتغير وده زعلان منه ليه
صدقني المواجهه كتير صح حتي لو منفعتش بس اكيد بحكم العشره هيفكرو الاتنين في الكلام الي كل واحد قاله
انا اعتقد ان صحبك متغيرش اوي من ناحيه صحبه بس اكيد في حاجه شاغله باله وحاجه داخلت جديد علي حياته علشان كده ممكن يكون اتغير في طبعه شويه انا شايفه ان مفيش حد يقدر يصلحهم غيرك انت
لازم تحاول اكتر من مره ويكون موقفك ايجابي مع الاتنين حتي لو هتكدب علشان تصلحهم
صدقني انا صديقه لتلاته وحصل بنا اكتر من كده لكن لاننا اصحاب قدرنا نسامح
لازم صحبك قرب اكتر من صحبه ويفهم هو شاغل باله ايه ساعتها هيحس انه بيتاقلم مع التفكير الجديد وهو الشخص المناسب علشان يفهمه
..................................................
اكيد عايز راي ايامي معاك بس حبيت اقول راي
واكيد ايامي معاك هيرد
اتمني ان المشكله تتصلح وترجعو اصحاب

عذرا للتاخير اصلى مكنتش متابع
بص ياباشا
هو ممكن يكون صحبك الاولانى
كان فعلا هو والتانى اصحاب اوى
بس يمكن صاحبك التانى اتغير او فى حاجات مكنتش فيه او غلط فيه او او اى شئ من هذه القبيل
ففكرته اتغيرت عنه واتغير من الراحه النفسيه الى عدمها
بس
هى دى كل المسئوله
وانت برده حاول تدخل بينهم وتهدى النفوس
وممكن توصل لحل وممكن لا
لان المشكله ان كل من الطرفين
بيبقى الى فى دماغه فى دماغه
ويمكن انت كمان متعرفش اى من الطرفين جواه ايه مش مصرحين بيه ناحية التانى
والله اعلم

بص يا عم زورو ومش هقولك تاني مش معنا ايامي معاك هيه المشكله تخصه ولا ايه وانا عارف لو المشكله تخصه هو مش بيتحرج وهيرد عليك رد جامح وخلي بالك من حته جامح ديت اصل انا واد بحب اللغه العربيه الفصيحه وخلي بالك من الفصيحه ويا ريت لو المشكله من قبل ايامي معاك عاوزين نعرف الراجل التاني واوعى يكون رشدي اباظه ماشي وقلتلك مره خليك في صحبك التالت هو بيحبك زي التنيين وكده يعني
ويرجى الافاده وبسرعه يا عم زورو

شكرا meme99 وشكرا لايامى معاك وواضح ان موضوعى نفع وصحبى خلى عنده دم وكلم التانى ويا فارس رومانس مش هتوصينى على صحبى التالت ده فى قلبى