Science benha | منتديات كلية علوم بنها|خدمات علوم بنها| اسلاميات| برامج | صور| افلام | mp3
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


Science benha | منتديات كلية علوم بنها|خدمات علوم بنها| اسلاميات| برامج | صور| صوتيات ومرئيات | mp3
 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخولدخول  
المواضيع الأخيرة» معهد تعليم اللغة العربية لغير الناطقين بها بجامعة المدينة العالميةروميووجوليت Empty الثلاثاء يوليو 21, 2015 11:09 pm من طرف ‎أبو أنس الحضرمي» مركز اللغات بجامعة المدينة العالميةروميووجوليت Empty الثلاثاء يوليو 21, 2015 11:07 pm من طرف ‎أبو أنس الحضرمي» وكالة البحوث والتطوير بجامعة المدينة العالميةروميووجوليت Empty الثلاثاء يوليو 21, 2015 11:05 pm من طرف ‎أبو أنس الحضرمي» مجمع مجلة جامعة المدينة العالمية المحكمة بجامعة المدينة العالميةروميووجوليت Empty الثلاثاء يوليو 21, 2015 11:04 pm من طرف ‎أبو أنس الحضرمي» كلية العلوم المالية والإدارية بجامعة المدينة العالميةروميووجوليت Empty الثلاثاء يوليو 21, 2015 11:02 pm من طرف ‎أبو أنس الحضرمي» كلية العلوم الإسلامية بجامعة المدينة العالميةروميووجوليت Empty الثلاثاء يوليو 21, 2015 11:01 pm من طرف ‎أبو أنس الحضرمي» جامعة المدينة العالمية [MEDIU] ماليزياروميووجوليت Empty الثلاثاء يوليو 21, 2015 10:59 pm من طرف ‎أبو أنس الحضرمي» المكتبة الرقمية بجامعة المدينة العالميةروميووجوليت Empty الثلاثاء يوليو 21, 2015 10:57 pm من طرف ‎أبو أنس الحضرمي» عمادة الدراسات العليا بجامعة المدينة العالميةروميووجوليت Empty الثلاثاء يوليو 21, 2015 10:55 pm من طرف ‎أبو أنس الحضرمي» معهد تعليم اللغة العربية لغير الناطقين بها بجامعة المدينة العالميةروميووجوليت Empty الثلاثاء يوليو 21, 2015 10:49 pm من طرف ‎أبو أنس الحضرمي
>

شاطر
 

 روميووجوليت

استعرض الموضوع التالي استعرض الموضوع السابق اذهب الى الأسفل 
كاتب الموضوعرسالة
smile4ever
شاب افضل جديد
شاب افضل جديد
smile4ever

انثى
الْمَشِارَكِات : 33
الْعُمْر : 31
الْنِّقَاط : 66
السٌّمعَة : 0

روميووجوليت Empty
مُساهمةموضوع: روميووجوليت   روميووجوليت Emptyالسبت فبراير 05, 2011 6:55 pm



روميو وجولييت


تتجوزيني ؟ -




ـ أفندم ؟


ـ بقولك تتجوزيني ؟


ـ ؟؟؟


ـ تتجوزيني ؟


ـ لأ


ـ ليه ؟


ـ بصراحة كدة شكلك مش عاجبني



ـ إزاي يعني ؟


ـ يعني .. أصل أنا ليا مواصفات معينة لفارس أحلامي

ـ مواصفات معينة ؟ .. هو انتي هتتجوزي عربية؟


ـ لأ ! .. بصراحة كده .. إنت مش فارس أحلامي اللي باتمناه




***********************************
كمان اسبوعين



ـ تتجوزيني ؟



ـ إيه ده ؟ شكلك اتغير


ـ إيه رأيك ؟


ـ واو .. شعرك بقة ناعم ! .. دي باروكة ؟


ـ أيوة


ـ ودي عدسات خضراء ؟


ـ أيوة


ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج


ـ مين عباس كيج ده ؟


ـ عباس ؟!! ياي .. إيه عباس دي ؟ اسمه نيكولاس



ـ مين نيكولاس ده ؟


ـ بقة مالكشي في السيما وجاي تكلمني ؟ .. ياي



***********************************
كمان شهر

ـ تتجوزيني ؟


ـ انت لسه ليك عين تكلمني ؟


ـ أيوة .. أنا عرفت مين بنكرياس كيج ده



ـ أولاً : اسمه نيكولاس كيج


ـ أيوة أيوة .. كنت هاقول اسمه صح .. بس اختصرته .. ده ممثل



ـ ممثل إيه ؟


ـ ممثل أمريكاوي



ـ أمريكاوي ؟! .. إخّييي ! .. اسمه أميريكان يا بابا .. ما تبقاش دونكي



ـ دونكي دي تبقى شتيمة ؟



ـ أوف كورس





***********************************
بعديها ب كام شهر


ـ تتجوزيني ؟




ـ عندك عربية موديل كام ؟


ـ موديل دي تبقى شتيمة ؟





***********************************
بعدها ب ايام




ـ تتجوزيني ؟



ـ قوللي الأول .. حاطط أنهي نغمة في الموبايل بتاعك ؟


ـ نغمة دي تبقى شتيمة ؟






***********************************
بعدها ب اسبوع

ـ تتجوزيني ؟




ـ ما قلتليش .. إنت بتشتغل إيه ؟


ـ أنا -بلا فخر- عاطل



ـ عاطل ؟ .. ياي


ـ مش أحسن من اللي ما بيشتغلش ؟



ـ لا



ـ يعني مش هتتجوزيني ؟


ـ لا



ـ كدة أنا أزعل



ـ ما تزعلش يا بابا .. خليك فريش



ـ ماشي .. ماشي .. بس قوليلي


ـ إيه ؟


ـ فريش دي تبقى شتيمة ؟






***********************************
كمان اسبوع( اوووووووف دنا زعقت و هو مزهقش )



ـ لقيت شغل ؟


ـ أيوة طبعًا .. سنتين وأنا بادور .. أخيرًا لقيت


ـ وإيه هو ؟


ـ سواق تاكسي


ـ ياي ! .. مش مكسوف وانت بتقولها ؟


ـ فيها إيه ؟ العمل شرف .. وكلها كام سنة وأجمع مبلغ كويس


ـ شرف ؟ جتك القرف




***********************************




ـ تتجوزيني ؟


ـ جمعت مبلغ كويس ؟


ـ طبعًا .. مبلغ كبير جداً


ـ قد إيه يعني ؟


ـ ألف جنيه



ـ نعم ؟!!! .. ألف جنيه دول تروح تسرح بيهم ببطاطا



ـ يعني موافقة ؟


ـ روح اتنيّل




***********************************


بعدها ب ايام معرفش عددها

ـ تتجوزيني ؟



ـ عندك شقة ؟


ـ طبعًا .. أوضة على السطوح


ـ نعم ؟


ـ إيه المشكلة ؟! .. أحسن ما ننام في الشارع


ـ في الشارع ؟! .. إيه الألفاظ السوقية دي ؟ ياي ! .. لازم يا بابا

تجيب شقة



ـ طيب .. كلها كام سنة وأجيبلك أحسن شقة في الدنيا


ـ وهتجيبها في جاردن سيتي ولا في الزمالك ؟


ـ لا .. في الأهلي .. هيهع هيهع هيهع





***********************************

( بعد سنوات)


ـ تتجوزيني ؟



ـ جبت الشقة ؟


ـ أيوة .. الحكومة بتبني شقق للشباب وأنا خدت شقة .. صحيح

إنها اتأخرت لسبع سنوات .. لكن المهم إنها جات



ـ فانتاستيك



ـ بس الشقة ناقصة حاجة



ـ إيه هي ؟


ـ مفيهاش حمام


ـ امشي من قدامي ! .. مش طايقاك





***********************************


ـ تتجوزيني ؟


ـ إنت تاني ؟


ـ جبتلك حمّام إنما إيه



ـ خليه ينفعك



ـ ليه بس ؟ .. ده ينفع لينا احنا الاتنين



ـ وأنا مالي ؟


ـ مش عاجبك .. مش مشكلة .. أكتبه باسمك




***********************************


(بعد سنين)


ـ هتتجوزيني ولا أولع فيكي ؟



ـ ومالك محروق كدة ؟


ـ حكايتنا طولت قوي .. طولت أكتر من اللازم



ـ أوكي .. بس ممكن أعرف حاجة ؟


ـ إيه ؟


ـ إنت ليه متمسك بيا أوي كدة ؟


ـ أصل .. أصل



ـ أصل إيه ؟


ـ أصل أنا بحُبك

(بضم الحاء)



ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) بعدين



خليك روش وقول


I love you



ـ ماشي .. بس قوليلي


ـ نعم ؟


ـ روش دي تبقى شتيمة ؟




***********************************





ـ تتجوزيني ؟




ـ بصراحة .. في حاجة كنت عاوزة أقولهالك من زمااااااان



ـ إيه ؟



ـ يا سلام ! .. ليه ؟


ـ عشان أنا جميلة .. خفيفة الدم .. رشيقة .. رقيقة



ـ رقيقة ؟! .. ده انت بدأتي تقشفي



ـ فشر



ـ فوقي لنفسك .. العمر بيجري



ـ أنا مصرة على رأيي



ـ يعني إيه ؟


ـ يعني اقطع معايا



ـ بعد كل السنين دي ؟! .. بعد كل الحب ده ؟


بلاش تراجيديا من فضلك -



ـ ماشي .. بس قبل ما أمشي عاوز أسألك سؤال واحد بس


ـ إيه هو ؟


ـ تراجيديا دي تبقى شتيمة ؟






***********************************


( بعد سنوات )




ـ تتجوشيني ؟


ـ إيه ؟


ـ تتجوشييينييييييي ؟


ـ إنت مين ؟


ـ أنا حبيبك يا هبلة .. البشي النضارة عشان تشوفيني



ـ طيب شاعدني عشان ألاقي النضارة



ـ آهي على الترابيزة قدامك



ـ فين ؟


ـ لا دي نظارتي أنا



ـ أيوة لقيتها



ـ البشيها بقة



ـ ططييبب



ـ عينيكي فوق شوية .. ده بقك



ـ طيب لبشهالي إنت



ـ عقبال ما البشك الدبلة



ـ ما تكشفنيش .. كنت بتقول إيه بقى ؟


ـ كنت بقول تتجوشششيييينيييييي ؟


ـ أكوشك ؟ .. إزاي ؟


ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي؟


ـ دي شتيمة ؟


ـ لاااااء .. بقولك تتجوشيني ؟


ـ آه !! .. أجوشك



ـ بالضااااابط .. هاه ؟


ـ شيبني أفكر



ـ أشيبك تفكري ؟! .. ده انت هتموتي خلاش


ـ لا .. شيبني أفكر بش



ـ ربنا يوفقك



ـ إيه ؟


ـ ربنا يوفقك



ـ بتقول إيه ؟


ـ ربنا ياخدك






***********************************


(على فراش الموت)




ـ تـ … كوح .. كوح .. تتـ .. كوح كاح كيح .. تتكو .. كوح .. كوح

تتكوشـ .. كوح كوح .. يني ؟


ـ مش شامعة



ـ بـ .. قوللـ .. كوح .. كوح .. بقولك .. تـ .. تـ .. كوح .. كوح

تتجوشيـ .. ؟ كوح .. كوح



ـ أجوش مين ؟


ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ

ش .. كوح كوح كيح .. ميـ .. كوح .. مين ؟


ـ إيه ؟



ـ لا .. كوح .. أبدًا .. كوح .. كنت … كح كح .. بأكح



ـ كنت بتكح ؟!!!! .. شلامتك .. ما قلتليش ليه ؟


ـ هو .. كوح .. إنتي .. لشة .. عارفـ .. ـة .. كوح كوح



ـ بتقول إيه ؟


ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو

شيـ .. كوح كوح كوح كوح .. نـي ؟


ـ أجوشك ؟!! .. طب بش خد الدوا الأول



ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح

كوح كوح .. ـني ؟


ـ أيوة يا حاج .. موافقة


موافقة إنك تتكوشني ..أخيـ….كوح كوح ..راااااً !! .. كوح كوح -

كدة أموت .. كوح كوح .. وأنا .. كوح .. مطمئن ومرتاح .. الودااا ..

كوح ..ع ع ع ع

الرجوع الى أعلى الصفحة اذهب الى الأسفل
MaHmOuD SaLaH
Web Master
Web Master
MaHmOuD SaLaH

ذكر
الْمَشِارَكِات : 10554
الْعُمْر : 32
الْنِّقَاط : 19224
السٌّمعَة : 243

روميووجوليت Empty
مُساهمةموضوع: رد: روميووجوليت   روميووجوليت Emptyالسبت فبراير 05, 2011 10:12 pm

ههههههههه
دى قصة حب معقده اوى
الرجوع الى أعلى الصفحة اذهب الى الأسفل
https://sciencebenha.alafdal.net
مريم البتول
Supervisors
Supervisors
مريم البتول

انثى
الْمَشِارَكِات : 2507
الْعُمْر : 32
الْنِّقَاط : 3489
السٌّمعَة : 12

روميووجوليت Empty
مُساهمةموضوع: رد: روميووجوليت   روميووجوليت Emptyالسبت فبراير 05, 2011 11:38 pm

يالهوي ده كله علشان تتجوزه
يا صبره ده صبر ايوب والله
هو ده الحب الي مودي في داهيه
هههههههههههههههههههههههههههههههه
بس هو روميو ماشي بس هي نو نو نو جوليت
بس روميو جاهل اوي انا عارفه استحملته السنين دي ازاي
هههههههههههههههههههههههههههههههههههههههههههههههههههههههههههههه
الرجوع الى أعلى الصفحة اذهب الى الأسفل
smile4ever
شاب افضل جديد
شاب افضل جديد
smile4ever

انثى
الْمَشِارَكِات : 33
الْعُمْر : 31
الْنِّقَاط : 66
السٌّمعَة : 0

روميووجوليت Empty
مُساهمةموضوع: رد: روميووجوليت   روميووجوليت Emptyالأحد فبراير 06, 2011 1:00 am

هههههههههههههههه
طبعا هوانتوفاكرين الحب ده حاجه سهله كده لازم حد فيهم يعانى هههههه
وع فكره هي شكلها استحملتوا علشان ماكنتش لاقيه غيره اهو ظل روميوجاهل ولاظل ماعرفش ايه
ولاايه
ههههههههههههه
الرجوع الى أعلى الصفحة اذهب الى الأسفل
 

روميووجوليت

استعرض الموضوع التالي استعرض الموضوع السابق الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Science benha | منتديات كلية علوم بنها|خدمات علوم بنها| اسلاميات| برامج | صور| افلام | mp3 :: منتديات شويه فرفشه :: المنتدى الترفيهى-