السلام عليكم اولا انا فى الفرقه الاولى وكنت عاوز اشألط السنه دى او بمعنى تانى أأجلها هل هتتحسب عليا رسوب ولا عادى ارجو الرد من اصحاب القلوب الرحيمه

بص انت لو اجلتها مبتبقاش رسوب بس بيبقى فعلا فى اجراءات تاجيل
انما لو مدخلتش الامتحانات ده بيبقى رسوب

السلام عليكم
أنا من رأيي أفضلك تنزل الكلية بنفسك وتسأل في شئون طلبة
أو
تروح ادارة الجامعة وتسأل بنفسك
وتشوف بعينك قرارات وورق يثبت ذلك
يعني انا خلصت كلية والحمد لله ومعرفش حاجة عن استفسارك ده
وممكن اي حد يرد عليك يكون اجتهاد منه او سمع قبل كده وممكن يكون القرار اتغير
الافضلك تستفسر بنفسك لنفسك
والاحسن من ده كله بقي انك تيجي علي نفسك علي قد ما تقدرو تخلص من الكلية بدري بدري
علشان تفضي لحياتك بعد كده انت عمرك مش هيقف عند 20 سنة فجأة عمرك هيجري من غير ما تحس
مش معقولة الواحد يكون عنده مثلا 25 سنة وهو لسة في اولي او 2 كلية
كلامي ده نصيحة ليك أخدت بيها كان بها مش اخدت براحتك
بس بلاش تندم وتقول ياريت بعد فوات الاوان
لان وقتها مش هينفع الندم ولا فائدة من البكاء علي اللبن المسكوب
كل فترة في حياتك اديها حقها
طفولة : تلعب وتتشاقي وتحس بعدم مسئولية
مراهقة (شباب): تعمل اللي نفسك فيه بس تحط ربنا قدامك في تصرفاتك فمش هتعمل حاجة غلط او تغضبه
وتدرس في الكلية اللي ربنا قسمها لك وان لم تكن ترغب الالتحاق بها بس خلاص دي بقة نصيبك
يبقي ترضي بيه وتتوكل علي الله وتنجز فيها وتخلص
بعد كده مرحلة ما بعد الشباب بقي : تخلص كلية وتدور علي شغل و ...... الخ
كل مرحلة في حياتنا ليها حقوق وواجبات علينا
وفي النهاية
ربنا يوفقك وكل شباب وبنات المسلمين الي ما يحبه ويرضاه