مرة واحد كان عنده كتكوت مفترس ، كل ما يدخله قفصالفراخ يقوم الكتكوت ياكلهم ، وفي قفص القرود ياكلهم ، وفي قفص القطط ياكلهم ، راحراميه في الصحرا . صعب عليه الكتكوت وراح يشوفه بعد 3 أيام ، لقى الكتكوت مرميعالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقالله : يخرب بيتك بوظت الكمين شرطي صعيدي في الخدمة لقى قرد في الشارع وداه للضابط المسؤول عنه وقاله : يا باشا انا لقيت قرد أوديه على فين ؟ قال الضابط : على حديقة الحيوانات غاب الشرطي الصعيدي ساعتين ورجع هو والقرد ، الضابط بيسأله ايه الي رجعك ؟ قاله يا باشا وديته على حديقة الحيوانات ، تحب أخده دلوقتي أفسحه في الملاهي؟ مرة واحد اطرش وقف سواق تاكسي اطرش برده وقاله مصر الجديدة ؟ رد السواق وقال لا والله انا رايح مصر الجديدة رد الراجل وقال معلشانا كنت فاكراك رايح مصر الجديدة واحدة ست جالها وجع الولادة اتصلت بامها جت أمها اتصلت بالدكتور ، الدكتور دخل يولّدها جاب العيل ومسكه من رجليه وضربه صرخ الطفل فاطمئن الدكتور ، وبص لقي عيل تاني مسكه من رجليه وضربه فصرخ الطفل فاطمئن الدكتور ، بعد كده الدكتور غسل ايده ومشي .. الست قالت لامها انا حاسه بحاجة بتتحرك! كشفت الأم لقيت عيل بيبص وبيقول هو الراجل الغِتِت اللي بيضرب العيال مشي ولا لسه واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة اخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له اتفضل إنت الأول مرة مدير شركة مارلبورو قابل مدير شركة كليوباترا فقاله أنا مرة لقيت في السجارة بتاعتكم خشبة ! إنتم بتستوردوا التبغ منين؟ فرد عليه مدير شركة كليوباترا : يعني إيه تبغ . مرة واحد بلديتنا راح يشترى قفل فالبيّاع جابلواقفل كبير فقاله بلديتنا يا بووووى !! قاك جايبلوا قفل صغير فقال بلديتنا يا خوووووى مره دكتور عظام مشى بليل الكلاب طلعت تجرى وراه واحد صاحب مزرعة فراخ محمل العربية فراخ و سايقوقفته لجنة و سألوه "محمل إيه؟" قال لهم فراخ، قالوله "بتأكلها إيه؟" قال لهم "بأكلها قمح" قالوله غرامة 100 جنيه "بتأكل الفرخ قمح و البلد مش لاقية تاكل؟؟". و هو مكمل وقفته لجنة و سألوه "محمل إيه؟" قال لهمفراخ، قالوله "بتأكلها إيه؟" قال لهم "بأكلها زبالة" قالوله غرامة 100 جنيه "بتأكلالفراخ زبالة و تسمم الناس؟". الراجل مكمل ع الطريق وقفته لجنة، الظابط سأل له "محمل إيه؟" قال له فراخ، قال له "بتأكلها إيه؟" قال له "و الله يا باشا، أنا باديلكل فرخة مصروف وهي تجيب الأكل اللي عايزاه يقولك فيه حرامي دخل بيت عشان يسرق وهو يفتش فيالبيت طلعت عليه صاحبه البيت وكانت تخينه اوي ومسكته ورمته على الارض وقعدتعليه وراحت تنادي ولدها: محمد انده ابوك من على القهوه الحرامي قاله بسرعهيامحمد وحياة والدك بسرعة]












* محشش سايق سيارة اسعاف في الحرب شال 35 قتيل, سمع في الراديو
سقوط 30 قتيل , وقف و فتح الباب و قال الخمسة اللي بيستهبلوا ينزلوا


*اتنين مساطيل واحد بيسأل الثاني ليه سموا الناموس ناموس
رد التاني : علشان بيخلي الناس مايناموس


* مرة اتنين محششين واحد بيسال التانى التعلب بيبيض ولا بيولد
رد عليه التانى وقاله التعلب دا مكار تتوقع منه اى حاجة



*اتنين مساطيل واحد بيقول للتانى تعرف تمشى فى الشارع من غير ماتلمس الارض التانى قاله اااااااه
الاول قاله ازاى
التانى قاله اركب الهوا



* محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟
قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام



* سألوا واحد سكران: مين أهم الشمس ولا القمر ، رد : القمر طبعا, بيطلع ينور لنا بالليل و الدنيا ضلمة, انما الشمس بتطلع بالنهار و الدنيا نور أصلآ


*محشش بيسوق عربية ومعاه أبوه ، أبوه قاله : لف يمين .. المحشش قاله لف انت انا سايق


* مره اتنين اعدين يحششوا طينه واحد قال للتانى تصدق انا شيفك تلاته والتانى قالو وانا شيفك اربعه واختلفوا مين شايف التانى قالو احنا نروح لكبير المحششين وراحو للكبير وقالولوكذاكذا
قال لهم كل الناس دى علشان المشكله البسيطه دى










ليسا وهيفاء وهبي ونانسي عجرم راكبين قطر وبيكلموا عن فارس أحلامهم
إليسا قالت : نفسي أتجوز ضابط
هيفا قالت : نفسي أتجوز صيني
نانسي قالت : نفسي أتجوز لاعب كرة مشهور
سمعهم واحد متطفل دخل عليهم وقالهم معاكوا العقيد شونج يونج الشهير بأبوتريكة


قرار جمهوري
الى كل المصريين
تم تغيير تحية العيد
من (عيد مبارك ) الى (يا جمال العيد ) وهذا
يسري على جميع الاعياد الرسمية والدينية



بدوي تزوج بدوية كتب الخيمة بإسمها

فرخة اتجوزت فيل .جابوا تـشكـِن فيليه

صاحب شركة كادليز دخل فى قضيه خرجوه بكافوله


مرة فار سكران على الاخر شافة قط جعان قعد يجرى وراة فعدت عربية بسرعة
فرمت القط.. والفار اغمى علية ولما فاق وشاف القط مفروم قال (يووة هو انا كل ما اسكر اعملى مصيبة)


حكم كوره أعد على قهوه ... طلب واحد صفر

واحد سباك نفسه اتسدت غرقت الشقة



واحد غبى راح لواحد بياع تيليفزيونات بيسأله عندك تيليفزيونات ملونة البياع قال له ايوه راح الغبي قايله ادينى واحد أخضر


مرة ضابط مصري وضابط اسرائيلي دار بينهم هذا الحوارالاسرائيلي: الا قوللي يا انتم بتاكلوا ايه ع الفطار؟؟
المصري: فول بالزيت.
الاسرائيلي: طب بتاكلوا ايه ع الغدا؟؟؟
المصري: فول بالطماطم.
الاسرائيلي: أمال بتاكلوا ايه بقى ع العشا؟؟
المصري: فول بالبيض.
الاسرائيلي (بتريقة): أمال ايه الفرق بينكم وبين والبهايم؟؟
المصري: سيناء


تلاته خرجوا فرحلة سفاري..واحد مصري والتاني صومالي والتالت أمريكاني..دخلوا كهف وناموا..وصحيوا بعد 300سنة!..كل واحد فيهم قام رجع بلدة..
الصومالي شغل الراديو سمع:
(الصومال لن تتنازل أبدا عن حقها الشرعي والتاريخي في ولاية نيوجيرسي)
الأمريكي شغل الراديو سمع:
(سيدافع الجيش الأمريكي عن البلاد لآخر جندي!)
المصري شغل الراديو سمع: (إخترناه..وبايعناه...وعشان كده احنا اخترناااااااااااااااااااه!)


مرة واحد دخل على مراته البيت لقى معاها راجل..قالها : و الله عال..النهاردة راجل...بكرة سجاير !!!

بلديات فتح محل انابيب غاز .. فجّر اسطوانتين فى وسط البلد ..دعاية


تلاتة ركبوا طيارة .واحد صعيدي و واحد فرنساوي و واحد امريكاني
جت المضيفة :"تشرب ايه يا فندم" رد الامريكاني قالها اشرب مانجة يا مانجا
و رد الافرنساوي اشرب فراولة يا فراولة
و رد الصعيدي اشرب لبن يا داموسة!!!!!!


مرة ممثل كبير جاله دور برد , رفضه !!

مرة مذيعة عملت عملية في ظهرها...شالولها فقرة ..و حطوا برنامج !!

مرة واحد حشاش بيعلب كورة اخد الكورة على صدرة طلعها من منخيرة


ما الفرق بين المرسيدس والتعويرة؟
المرسيدس .... ألماني
والتعويرة ...... ألماني جداً


واحد حانوتي ربنا فتحها عليه و فتح محل فكهاني .. كل يوم في المحل يقعد ينادي :
المووووووز علينا حق !!!

اثنين بلديتنا قاعدين بيمصوا قصب لما حبو يقوموا ملقيوش الشوم بتاعهم

اسرائيلي حاول يغازل فلسطينية قالته روح بلاش أخليك خبر عاجل


واحد من الشام راح لبنان و دخل علي محل مستحضرات تجميل و سأل البائع
الشامي: بدي ( لبنان بو)
البائع: شو ؟؟؟؟!!
الشامي : بدي لبنان بو
البائع: شو ها اللبنان بو
الشامي : مبتعرف شو اللبنان بو!!!
البائع: لا خيي مبعرف
الشامي : غريبة عندنا بالشام في
( شام بو)!!!!!


سالوا سائق: مين المطربين المفضلين عندك ؟؟؟ قال : مايكل داتسون ، مازدا الرومي ، اسكودا الشمالي.

مره اثنين بلدياتنا راحوا امريكا فلقوا أتوبيس بدورين فقال الاول للثانى .. نركب فوق يا ولد فقال له الثانى يا غبى فوق ما فيش سواق


طلب مدرس من تلميذغني جدا ان يكتب موضوع تعبير عن عيلة فقيرة فقال التلميذ : كان في عيلة فقيرة الأب فقير و الأم فقيرة و الأولاد فقراء و الشغال فقير و السواق فقير و البستاني فقير كلهم فقراء!!!!


مره واحد بلديات أخد 8986 قفا علي سهوه

اية اللى اصغر من الحشرة.................التسحة

مرة واحد حاتط راسة فى بلاعة , صاحبه بيقول له بتعمل اية , فرد عليه : بفكر بعمق

مرة واحد بلديات نام بالمقلوب صحى لقى رجلو معمصة

مسطول بيسأل مسطول الساعه كام؟ قاله معرفش، قاله غريبه أنا عندي معرفش إلا خمسه


بيقولك مره واحده حامل ابنها بيقول لها: ايه اللي في بطنك ده يا ماما ؟
قالتله: ده ابني وبحبه قوي
قالها: لما هو ابنك وبتحبيه اكلتيه ليه ؟


واحد راح يعزى رجع من العزا, مراته بتقوله عزيت؟؟ قالها لأ ع السمنة

واحد كمسري بيقول لابنه تذاااااااكـــــــــــــــــــــــر ............. تنجح

ايه أسرع ثلاث وسائل للاتصالات؟
Telephone
Television
Tell -a- Woman ( i liked this one )



واحد بيقول لخطيبته لما ازمرلك انزلى قالتله هو انت اشتريت عربيه قاللها لأ اشتريت زماره


واحد هو وابنة مش عارفين ايه هو الاسنسير , كل شوية يشوفوا الحيطة بتفتح و بتقفل ,المهم شافوا ست عجوزرة دخلت جواه وداست على الزر وطلعت بعد شوية نزل الاسنسير واتفتح خرجت منة شابة جميلة ..فقال لابنه :روح هات امك هنا


واحد بلدياتنا اتعزم فى حفلة تنكرية قام غسل وشه


ومرة مدرس بيسأل تلميذ
المدرس: الثعلب يا حبيبى بيبض ولا بيولد
التلميذ: أصل التعلب ده يا استاذ مكار وممكن يعمل أي حاجة


واحد بيسأل التاني هو اللي مات الحريري والا رفيقه.


مره اتنيين مساطيل مااشيين على شريط القطر فواحد بيقول للتاني
يآخي السلم ده طويل بشكل....
رد التاني عليه
الي مضايقني ان الدربزيين واطي أوي....


مره واحد صعيدى قابل واحده اجنبيه
سالها : انتى منين
قالتله: وات؟ what?
قالها: اجدع ناس الوتاوته


مرة واحد صعيدى بيدهن الحيطة.... قالوله طب حط جرنال تحتك... قال لهم : لا مش مهم انا كدا طايل

بلدياتنا مراته ولدت بنت الساعه 3 بعد نص الليل .دبحها وجال ماعنديش بنات تيجى آخر الليل

مره واحد سواق قلبه وقف نزل يزقه

واحد بتاع موبيلات نظره ضعف فراح لدكتور العيون ...كشف عليه وقاله :نظرك ضعف بقى ستة ستمية

صعايدة بيكتبوا محاضرة مع الدكتور كل ما يمسح السبورة يقطعوا الورقة

مره واحد بيقول لمراته اعملى حسابك هنتغدى بره جه من الشغل لقاها حطه الاكل فى الشارع


واحد محشش راح يخطب واحده ..
ابوها قاله:" انا عليا الشقة.."
رد عليه وقاله :" وانا عليا البنات والبيره !"


مسطول راح المحكمة
القاضى بيسأله انت متجوز مين؟
قاله:متجوز واحدة ست
القاضى قاله انت هتهرج؟أمال فى حد بيتجوز راجل؟
قاله:اه اختى


واحد باشا دار عليه الزمن وافتقر حب يشتغل
إشتغل بياع فجل وجرجير
طول النهار واقف فى السوق ولابس طربوش وبينادي:
فجل يا حوش .. جرجير يا كلاب


حشاش بيقول لصاحبه:
انا حلمت امبارح أننا بقينا فنانين

أنت فنان تشكيلي , وأنا فنان أشكيلك


( ومن لم يمت بالسيف مات بغيره
تعددت الاسباب والموت واحد
وما طار طير وارتفع الا كما طار وقع )
كابتن طياره مسطول بيعلن عن موعد الاقلاع

اتمنى ان تنول اعجابكم

هههههههههههههههههههههههههههه
ههههههههههههههههههههههه

بجد جامد يامان
كلهم أحسن من بعضهم
تسلم ايدك
وفى انتظار المزيد

عبقرينووووووووووو مر من هنا

شكرا يا حبيبى يا رافع معنواياتى
ههههههههههههههههههه

نكته بجد راااائعه

ههههههههههههههه

رااااااااااااااااااااااااائع

مرة ضابط مصري وضابط اسرائيلي دار بينهم هذا الحوارالاسرائيلي: الا قوللي يا انتم بتاكلوا ايه ع الفطار؟؟المصري: فول بالزيت.الاسرائيلي: طب بتاكلوا ايه ع الغدا؟؟؟المصري: فول بالطماطم.الاسرائيلي: أمال بتاكلوا ايه بقى ع العشا؟؟المصري: فول بالبيض.الاسرائيلي (بتريقة): أمال ايه الفرق بينكم وبين والبهايم؟؟المصري: سيناء
ههههههههههه

جامدين مووووووووت اخر حاجة
تسلم ايدك