فكرة جروب شباب الخير

السلام عليكم ورحمة الله وبركاته
ازيكم جميعا اعضاء وشباب
فكرة جروب شباب الخير فكره جاتلى
بعد ما حسيت ان فى ناس كتير فعلا محتاجه ومش لاقيه حتى الفلوس الى تجيب بيها عيش تاكله
يعنى احنا المفروض نحمد ربنا ع كل شئء
فكرة جروب شباب الخير
هى فكره عباره عن ان كل الى هينضم للجروب ده
هيوفر من مصروفه فى الاسبوع جنيه واحد او اقل الى يقدر عليه
وبعد كده الفلوس هتتلم فى ظرف وطبعا اكيد كل واحد مننا فى بلده يعرف ناس فقيره ومحتاجه
كل اسبوع واحد من اعضاء الجروب هياخد الفلوس ويديها للناس دى
بس طبعا لازم يتاكد فعلا انها محتاجه
وهكذا كل اسبوع واحد مختلف
لعل وعسى يكون ده اول طريقتنا على ابواب دخول الجنه
امين يارب
انا مش هاخد اى فلوس فى ايدى
لو عدد كبير اشترك فى الجروب
انا عاوز بنت وولد بس يمسكو الموضوع
ولد مع الاولاد وبنت مع البنات وفى الاخر تتجمع فى ظرفواحد وتروح لصاحب نصيبها
وباذن الله اكون اول المشاركين فى الموضوع ده
ربنا يجعله فى ميزان حسناتنا باذن الله
امين يارب

تمااااااااام جدااااااااااااا
جزاك الله خيرا
بس هي يعني الافكار الحلوة دي مش تجيك الا
لما أسيب كليتنا الموقرة دي
ماشي يا محمود
لن انسي لك هذا الموقف

بجد فكره جميله بارك الله فيك احنا معاك في الفكره ديه

بجد فكره راااااائعه يا حوده
وبجد أنا معاك أوي في الموضوع ده.........

يا جماعة حراااااااااام كدة انا مش من بنها اصلا وكان نفسى اساعدكوا بس فكرة حلوة وجزاكم الله خيرا

فكرة حلوة اوي
ربنا يكرمنا جميعا

جزاك الله خيرا
وجعل ذلك في ميزان حسناتك
اكيد فكره روعه
تسلم

جزاك الله كل خير
فكره جميله جدا
وانا اكيد معاكوا

بارك الله فيك
فكره رائعة جدا
واكيد ان شاء الله انا معاكوا

بس عايزين نعرف هنبدأمن امتى ومين من البنات الى هتاخد الفلوس

متشكر يجماعه لردودكم
باذن الله ياهدوره هنحدد ده كله بعد ما نشوف الناس كلها
وهنعمل قسم عندنا خاص بالجروب

خلاص واحنا مستنين يارب يوفقنا لفعل الخير دايما

مش تنسوني يا جماعة اكيد معاكوا طبعا
وربنا يقدرنا كلنا علي فعل الخير
باي

تمام يا محمود ونا معاكوا

فكرة اكثر من رائعة بس فيه هيئات زي الجمعية الشراعية وانصار السنة المحمدية
لو عايزين تيدهم الفلوس واجبلكم وصل بكده ماشي
بس انا عندي فكرة احلي ممكن اطرحها عليكوا وتقولوا رأيكو
يعني كلنا من قري وفيه ناس مش لقي حق الجهاز وعلشان الاسعار غليت
ايه يعني لما الفلوس تروح ليهم
والبنات هما الي هيفيدونا اكثر بالحاجة دي
والله المستعان وبالتوفيق ان شاء الله

ياعادل الجمعيات دى بتاخد نسبه من الفلوس وبعدين احنا الى عاوزين ندى الناس المحتاجه فلوسها فى ايديها يعنى ع الاقل نحس اننا بنعمل حاجه
............
بالنسبه لموضوع الجهاز
فالفلوس هتروح للناس المحتاجه
وهما يستخدموها بالطريق الى يحبوها

طب والناس اللى مش من بنها مش لهم نصيب فى الخير دا

عموما جزاك الله كل خير

ربنا يوفقك

AyaMY Ma3aK كتب:: ياعادل الجمعيات دى بتاخد نسبه من الفلوس وبعدين احنا الى عاوزين ندى الناس المحتاجه فلوسها فى ايديها يعنى ع الاقل نحس اننا بنعمل حاجه
............
بالنسبه لموضوع الجهاز
فالفلوس هتروح للناس المحتاجه
وهما يستخدموها بالطريق الى يحبوها

يا محمود مش بيخدوا ولو بياخدوا كان محدش ودا انا جارنا الي ماسك الجمعية الشراعية عندنا
مكنش ده مكنش بابا اخ من اصحابه وودا للجمعية سواء دي او دي
ناس فاهمه وواعية وعارفة بتودي الفلوس اذاي
لان مش كل همهم الايتام بس لاء والدعوة
يعني لو هدا الله بك رجل واحد خير لكم من حمر النعم

من ستر مسلم في الديا ستره الله في الاخرة

ورده الحب كتب:: طب والناس اللى مش من بنها مش لهم نصيب فى الخير دا

عموما جزاك الله كل خير

ربنا يوفقك

ولبنها ليها بس انتي هاتي اسامي الناس
طب والله فكرة يبقي جزء للجهاز وجزء للغلابة

فكرة روعة وانا معاكوا ان شاء الله
مش تنسونى

فكرة جامده جدا
ان شاء الله معاكو

فكرة جميله وبارك الله فيكم جميعا
وانا معاكم ان شاء الله
بس انا عايزه اعرف حاجه هى الفلوس هيتم تجميعها فين بالضبط

حضرتك ممكن تقرى الموضوع ده
https://sciencebenha.alafdal.net/montada-f25/topic-t9507.htm
وتراسلى هدوره المسئوله على البنات
وتتفقو مع بعض

فكرة جروب شباب الخير

فكرة جروب شباب الخير

مواضيع مماثلة

مواضيع مماثلة