صدقينى

موضوع: صدقينى الأحد أغسطس 01, 2010 12:42 am

صدقيني
صدقيني في كل كلمه انا قلتها
صدقيني كل كلمه كنت بحسها
صدقيني عمري ما هنساكي ولا يوم هتخلي عنك
صدقيني كان نفسي اكون نصيبك كان نفسي تحسي بيا
كان نفسي متألمش
وانا معاكي متحرمش
من أي كلمه كنت بحلم بيها
من اي لحظه كنت مستنيها
هتصدقيني لو قلتلك اني خلاص أرتحتلك
والا ما كنتش بوحتلك
بكل كلمه كنت محتار فيها
كنت فاكرك عمري الباقي
كنت فاكر اني عمري ما هلاقي
حد يفهمني الاكي
حد يحس بيا حد يمسح دموع عنيا
صدقيني كل كلمه بكتبهالك دموعي سبقاها
يا ترا هتصدقيني !!!!!!
بس اذاي هتثبتيلي
ممكن اكون كنت واحد مالي وقتك
بس الظاهر اني خدت كتير من وقتك
فاكره لما قولتيلي بحبك
ولا لما قلتهالك
ساعتها كنت شايفك في بالي
واكيد كنتي شايفاني في خيالك
اذاي كلمة الحب دي تكون سهله علي واحده محستهاش
او واحده كل حياتها حبر علي قماش
او واحده متستهلش اني افكر فيها
مش عارف ممكن تقوليلها ايه لو عرفتيها
هي ممكن تكون سراب
او حلم كان اخره التراب
وممكن تكون شخصيه نادره
علي الحب والكره قادره
كل كلمه بقولها ليكي مش معني كده اني مستنيكي
صحيح انا لسه بفكر فيكي وكمان بحلم بيكي
لكن عارفه انا لسه معرفش لون عنيكي
بس كنت بحس بيكي
لكن يا قلبي ارجع والومك
ليه تشكيلي همومك
وتظهر دمعة عنيك
ليه طلعتني في العلالي
خلتني شغلت بالي
وانا اصلا كنت واحد
ماشي علي قد حالي
عرفتني ليه عليها
خلتني ليه احس بيها
انا كل مره بحلم وانا صاحي بلاقيها
وارجع يا قلبي والومك تاني
ليه حسستني بالامان
والحضن بتاع زمان
فكرتني ليه بالحب الاولاني
انا عارف اني كترت الكلام
لكن ده يمكن شوق او غرام

ودلوقتي بقول سلام لحد معرفش فيه غير كلام

موضوع: رد: صدقينى الأحد أغسطس 01, 2010 6:11 am

الله علي الكلام الجميل
بصراحه
مواضيعك ممتازه

موضوع: رد: صدقينى الإثنين أغسطس 02, 2010 11:18 am

يا باشا دانت اللى عسل وربنا

ومروك جميل جدا

موضوع: رد: صدقينى الإثنين أغسطس 02, 2010 2:37 pm

جاااااااامد

موضوع: رد: صدقينى الثلاثاء أغسطس 03, 2010 1:31 am

ربنا يخليك يا مودى

موضوع: رد: صدقينى الثلاثاء أغسطس 03, 2010 1:43 pm

تسلم ايديك
يامان
ديما بتبهرنى بكلامك الجامد دا

عبقرينووووووووو مر من هنا

موضوع: رد: صدقينى الثلاثاء أغسطس 03, 2010 1:47 pm

جميل اوى
تسلم للمنتدى

موضوع: رد: صدقينى الأربعاء أغسطس 04, 2010 12:47 am

ربنا يخليكوا ليا يا رب