ليه الصعيدي بيحط جنبه منبهين ؟؟
عشان واحد يضرب والتاني يحوش


طب ليه الصعيدي بيحط جمبه كوباية شاي؟
عشان منبه



طب ليه بيحط كوباية قهوه؟
عشان لو الشاي مرنش



طب ليه الصعيدي وهو بيتغدى بيحط جمبه كوباية ميه فاضية وكوباية ميه مليانه؟
عشان ممكن يشرب وممكن ميشربش



و ليه بيحط ملح على راسه ؟
علشان يبقى حدق



و ليه بيحط سكر على الكرسى قبل ما يقعد ؟
علشان تبقى قعدته حلوة



ليه الصعيدى لما بيشوف البرق بيضحك؟
عشان الصوره تطلع حلوه



ليه الصعيدى بيلبس شرابات خضراء ؟
عشان خضرا لابسة شراباته



طب ليه بيلبس شرابات زرقاء؟
عشان شربات خضرا مغسوله



صعيدى واقف فى الشمس و معاه دودة ليه؟
عشان الدكتور قالله اقف فى الشمس دقائق معدودة



طب ليه الصعايده بيصنعوا الاتوبيسات بالعرض؟
عشان يركبوا كلهم قدام



خمس صعايدة فى غواصة غرقوا ليه؟
سمكة خبطت عليهم



ليه الصعيدى الصغير اذكى من الصعيدى الكبير؟
عشان ما بقالوش كتير صعيدى



ازاى تعرف البواب الصعيدى ؟
بينضف الاسانسير كل دور



صعيدى لغى معاده مع الدكتور ليه ؟
عشان عيان



حاجتين سود بينهم حاجة بيضة ايه ؟
عثمان احمد عثمان



ليه الست الصعيدية مابتشربش ميه طول فترة الحمل؟
عشان القفل اللى فى بطنها ما يصديش



ليه الصعيدى بيشرب الدوا قبل معاده؟
عشان يفاجىء الجراثيم



ليه الصعيدي بيلبس عمه؟
عشان يعرف راسه من رجليه



ليه بياخد معاه شومه و هو طالع الجبل؟
عشان لو الشمس ضربته يضربها



ليه بيلبس نضارة و هو نايم؟
عشان يشوف مين اللي بيحطله العماص في عنيه



ليه بياخد معاه شمسيه و هو بيعوم؟
عشان لو الدنيا مطرت



طيب ليه بقي بيقعد في حفرة؟
عشان يفكر بعمق



طب ليه بيدرس فوق السطح؟
عشان يعمل دراسات عليا



طيب ليه بيذاكر مع الشيطان؟
عشان الشيطان شاطر



واحد بلديتنا واقف قدام المرايا و مغمض عنيه ليه ؟؟
بيشوف شكله و هو نايم



ليه الصعيدي لما يتعور يطلع فوق السطوح؟
عشان الجرح يكون سطحي

ههههههههههههههههههههههههههههههههه

هما اصلا منايفة بس انا كتبت صعايدة عشان المنايفة اللى معانا مش يزعلوا

هههههههههههههههههههههههههههههههههههههههه

منور يا ماو

حلوة اوى يا مودى
ربنا يخلى لنا الصاعيدة اللى بياخدو حسانات على حسابنا
دى مش رخامة بس

Dr DoDy كتب:

ههههههههههههههههههههههههههههههههه
جامد يا مودى
بس انا هدعى عليك بقى علشان انا عمرى ما شوفت رخامه كدة

هههههههههههههههههههههههههههههههههههههههههه

منورة

جوجو كتب:

حلوة اوى يا مودى
ربنا يخلى لنا الصاعيدة اللى بياخدو حسانات على حسابنا
دى مش رخامة بس

ههههههههههههههههههههههههههههههههههه

اه والله

منورة