اوعى تهيس وتقول دا الريس

أوعى تهيس وتقول ده الريس

وكالعادة تجلس ستوتة مع زوجها حسحس

بلغني أيها الملك حسحس

ذو العقل المفسفس

والمخ المهيس

إن الملك اياه

اجتمع مع ولداه

واحد جميل جمال

ماعندهوش محال

هايورث البلاد

واتمهد له المهاد

والتاني سندباد

أو قول علاء الدين

مالهوش في الحكم لكن

هايورث الملايين

الواد جميل جمال

بدأ الحوار وقال

الواحد فكره تاه

المال وقلبناه

الحكم وكمرناه

الدين وضيعناه

شبابنا وشحورناه

والشعب بتاعنا يغني

يا حلولي واخترناه

رد وقال اخوه

اللي انتوا ما تعرفوه

إن الناس كرهانا

وتاريخنا بيلعنوه

واللي بيهتف لينا

يا إما يا ناس معتوه

يخلي البحر طحينة

والسح ادح امبو

رد وقال باباهم

يا ولادي يا حلوين

أنا نفسي اكون وياهم

ملوخية على ياسمين

وكل ما احاول اصلي

وابطل اسرق فيهم

الاقي المفتي قال لي

سيبك يا كبير وريهم

أنا راح اصلي بدالك

بس انت اكنز لعيالك

ما دام قلبك نضيف

وسيدي احمد نظيف

هاتدخل أحلى جنة

من غير فروض ولا سنة

بس انت بس لاغيني

بأي حاجة في رغيف

نووووووووو كومنت
ناويه باين على الاعتقال يامون ربنا معاكى انا خارج الموضوع
ههههههههههههههههههههههههههههه

هههههههههه
ماتقلقيش يا هدورة مش هاجيب سيرتك فى الموضوع
بس ممكن اعترف على اى حد من اوك كف
هههههههههههه
بس اوعى تزورينى بقى بعيش وحلاوة ابقى اطلبيلى اى حاجة دليفرى
منورة يا قمر

اوعى تهيس وتقول دا الريس

اوعى تهيس وتقول دا الريس

مواضيع مماثلة

مواضيع مماثلة