كباب حلة بالبطاطس

[ندعوك للتسجيل في المنتدى أو التعريف بنفسك لمعاينة هذه الصورة]

المقادير:

كيلو لحم بتلو أو كندوز
4 ثمرات بطاطس مقشرة ومقطعة لمكعبات
2 بصلة متوسطة مبشورة
5 فصوص ثوم مفروم
ملعقة صغيرة سكر
2 ملعقة كبيرة سمن
2/1 كوب ماء
حبهان
قرفة
ملح وفلفل

الطريقة:

1- سيّحي السمنة في حلة على النار، وبعد كده ضيفي السكر وقلبيه لغاية لما يحمر ويبقى عامل زي الكراميل.

2- بعد كده ضيفي اللحمة ومعاها الفلفل الأسود والملح والحبهان والقرفة، وغطي الحلة وسيبي اللحمة على نار عالية، لغاية ما اللحمة تنزل ميتها وتشربها.

3- أول ما تلاقي اللحمة لونها احمّر، ضيفي الثوم والبصل المفروم، وبعدين ضيفي المية، وأول لما المية تغلي، وطي النار شوية وسيبيهم على النار.

4- في الوقت ده بتحمري البطاطس في الزيت، وبعد كده بتضيفيها على اللحمة وقلبيهم مع بعض على النار لمدة 10 دقايق علشان البطاطس تشرب من الصوص، ولو حسيتي إن اللحمة محتاجة مية كمان ممكن تزودي عليها مية، وبعد كده حطيها في صينية فخار ودخليها الفرن لمدة 20 دقيقة.. وبعد كده قدميها وبالهنا والشفا.

********************

كباب حلة بالبطاطس

كباب حلة بالبطاطس

مواضيع مماثلة

مواضيع مماثلة