ميت ألف فرصه عشان أسيب مصر
ولا عمري سبتها
علشان هى بلادي اللي بجد بحبها
بحبها بكدبها وصدقها
بحب فيها أصالة وندالة أهلها
بحب فيها السهر بحب
زيفها وأصلها
بحب فيها طلعة الشمس
تنور وشها
بحب فيها القمر طالع
يغازل حسنها
بحب فيها المشي علي شط
نيلها وبحرها
بحب فيها بناتها
راسمين ملامح شعبها
دي بنت مايصه وحاطه
ورده فـ شعرها
ودي بنت جد ونازله
جري لشغلها
هتلاقي فين بلد
فيها الكنايس والجوامع
بتحضن بعضها
مسلم مسيحي إخوات
عايشن علي ارضها
هتلاقي فين تاني بلد
كل حاجه فيها
تخليك تحبها
هتقولي ظالمه هقولك
برضو بحبها
هتقولي ضالمه
مهو ده سواد شعرها
هتقولي زحمه هقولك
علشان بنعشق أرضها
هتقولي فيها فساد
هقولك ده من طيبة شعبها
جرب كده تسهر ولو وحدك
علي ضف نيلها وحبها
جرب تشوف بنت حلوه
مع شاب واقف جمبها
بيحبها شايل في قلبه
هموم الدنيا كلها
وبرضو بيحبها
جرب كده تاكل دره وترمس
علي شطها
وتشوف وشوش الناس
واضحك زيها
طب وانت ماشي لوحدك
ووقعت في مشكله
مش بتلاقي ألف واحد
جمبك بيحلها
لا تعرفهم ولا يعرفوك
بس جمعكم حبها
أهي هي دي مصر
زاحمه ظالمه
فاسده ضالمه مش مهم
ده كفايه خفت دمها
هافضل لمصر أقول وأعيد
أنا أصلي عاشق أرضها

&&&&&&&&&&&&&&&&&&
مما أعجبني فقررت ان أنقله لكم
دمتم سالمين

سلمت يداكى رائع

ايه الجمال ده


روووووووووووووووعة

MODY كتب:

سلمت يداكى رائع

هذا مما اعجبني لاقيته كلام صريح وواضح مش فيه تزييف او تلوين وبعدين واقع وعيشينه
منوووووور يا مودي

موضوع مش بطال ههههههههههههه
لألألألألألألألألألألألأ رائع كالعادة

أصل بحب مصر برذالت شعبها
ومنتدى علوم بنها برخامة أعضائها اللى ما بيردوش على الموضيع الرائعة دى

تقبلى مرورى

medo star كتب:

ايه الجمال ده


روووووووووووووووعة

مرورك أروووووووووووووووووع
منووووور يا ميدووووووو

عبقرينو VIP كتب:

موضوع مش بطال ههههههههههههه
لألألألألألألألألألألألأ رائع كالعادة

أصل بحب مصر برذالت شعبها
ومنتدى علوم بنها برخامة أعضائها اللى ما بيردوش على الموضيع الرائعة دى

تقبلى مرورى

ههههههههههههههههههههههههههه منور يا عبقر