طابت أوقاتكم جميعا

في ظاهرة غريبة كده بتظهر في المنتدي وبعدين تختفي وترجع تظهر تاني

أعضاء جدد من أول لحظة لاشتراكهم في المنتدي بينزلوا مواضيع عن شركات مربحة

ولو عاوز تكسب فلوس من غير أدني تعب تعالي معايا

وربما يكون نفس العضو ومسجل ب 2 أكونت

أنا بصراحة غير راضية عن تلك المواضيع مطلقا وبطلب حذفها وتنبيه أصحابها

لأن بصراحة من غير تعب مش هتحس بمتعة الفلوس

واللي بييجي بالساهل بيروح بالساهل

هكذا علمتني الحياة

ياريت اشوف رأيكم في الموضوع ده انتوا كمان

دمتم سالمين

شكرا لطرح الموضوع ياسولو
بس دى مش ظاهره غريبه ولا حاجه دى ظاهره فعلا حقيقيه وفى ناس بتكسب عن طريقها كتير
وانا من الناس الى دخلت فى الموضوع ده
بس سبته
ليه عشان حسيت انى بتعب جدا فيه والى بحصله مش كتير
يعنى مش من غير ادنى تعب بصراحه فى تعب كبير جدا لانه بيبقى عن طريق الضغط على اعلانات لمدة كبيره ممكن توصل ل 24 ساعه وده طبعا له تاثير على عينك
يعنى فعلا فى تعب

وحكاية ان 2 عضو يسجلو ب 2اكونت ده مبيحصلش لان كل واحد وله اى بى مختلف بس فعلا الموضوع ده شاغل ناس كتير جدا

عشان كده لا فائده من حذفها بالعكس هنخسر زوار وناس مشاركه فى الموضوع ده
لذلك ومع احترامى ليكى انا رافض الحذف

علي فكرة أنا قلت ان ممكن يكون نفس العضو ب 2 أكونت

علشان من خلال متابعتي تلاقي عضوين منزلين نفس فكرة الموضوع في نفس اليوم

بتوبيكين بيتكلموا عن الربح والشركات المربحة دي

بالنسبة للمشاركين في المواضيع دي

تقدر تشوف كل المواضيع اللي بالنظام ده مش هتلاقي ولا رد في ولا موضوع فيها

هتلاقي موضوع او اتنين انا وميدو ردينا فيها ومعترضين وبنتساءل ولا يوجد اجابة لتساؤلاتنا

وعلي فكرة العضو اللي بيعمل الموضوع ده بيدخل ينزله ومش بيدخل تاني ولا بيتابعه

المهم انه ينزله ويعمل برباجاندا وخلاص

حكاية نخسر زوار مش معقولة الزوار داخلة منتدي علمي هتدور علي المواضيع دي بالزات تقراها

احنا منتديات طلبة كلية علوم يعني كلية علمية في جزء ترفيهي

لكن مش اساسي الموضوعات دي فيه لدرجة اننا نخسر زوار بسببها

عموما انا قلت غير راضية عن فكرة الموضوعات دي

بالنسبة لحذف التوبيكات اعتقد حذفها زي عدمه بالنسبة لنا

يعني أنا مش متعصبة لحذفها

وانا قلت رأيي وانت قلت رأيك

وياريت نسمع باقي الاراء

تمام بس مواضيعنا دى موجوده فى جوجل وفى ناس كتير فى الوطن العربى كله بتبحث عن شركات الربح دى
وخدى بالك ان الناس الىبتضيف المواضيع دى المواضيع مش متشابهه خالص
لانه توجد الكثير جدا من الشركات الربحيه ولو لحظتى هتلاقى كل عضو داخل بضايف اسماء شركات مختلفه

بالنسبة ليا سواء اذا اتحذفوا او فضلوا

مش مهتمية بالمواضيع دى

AyaMY Ma3aK كتب:

تمام بس مواضيعنا دى موجوده فى جوجل وفى ناس كتير فى الوطن العربى كله بتبحث عن شركات الربح دى
وخدى بالك ان الناس الىبتضيف المواضيع دى المواضيع مش متشابهه خالص
لانه توجد الكثير جدا من الشركات الربحيه ولو لحظتى هتلاقى كل عضو داخل بضايف اسماء شركات مختلفه

تمام
بس كان قصدي فكرة المواضيع واحدة مش قصدي ان الشركات هي اللي واحدة
خلاص اوك وجودها من عدمه مش هيفرق معايا ولا هيأثر
بس فكرتها زي ما قلت من البداية مش عجباني

Dr DoDy كتب:

أنا شايفة ان زى ما محمود بيقول ان الموضوع دة شاغل ناس كتير
ولو كان مش بيعجبك يا اسراء
فى ناس كتير بتدور عليه
ومهتمه بية
لازم ادام عملتى جزء ترفيهى يبقى ترضى اذواق الناس كلها

وشكرا للمتابعه الجيدة يا سولو
ربنا يوفقك يا قمر

تعرفوا انا شايفاها ظاهرة غريبة ليه
لأنها بجد بتعلم الناس الكسل وعدم السعي لكسب الرزق
يعني انا شايفة انك لما تشتغ ل وتتعب وتاخد فلوس مقابل شغلك ده بيبقي احساس تاني خالص
مشكورة علي ردك وعلي رأيك يا جميلة

شمس الاسلام كتب:

بالنسبة ليا سواء اذا اتحذفوا او فضلوا

مش مهتمية بالمواضيع دى

تمام جدا وجوده امن عدمه مش فارق
مشكورة ع الاهتمام والرد يا شموسة

راىى ان فى ناس مهتميين بده وفى ربح فعلا من النت
بس المواضيع الى تنزل عاوزين نتأكد من صحة الكلام

ازاى؟؟


ده الى عاوز اعرفه بس

والباقى مفيش مشكلة فيه بالنسبة ليا

مادام محمود جرب حكاية الربح دى يبثى يتأكدلنا من صحة المواضيع


منتظر باقى النقاش

SOLO كتب:

Dr DoDy كتب:

أنا شايفة ان زى ما محمود بيقول ان الموضوع دة شاغل ناس كتير
ولو كان مش بيعجبك يا اسراء
فى ناس كتير بتدور عليه
ومهتمه بية
لازم ادام عملتى جزء ترفيهى يبقى ترضى اذواق الناس كلها

وشكرا للمتابعه الجيدة يا سولو
ربنا يوفقك يا قمر

تعرفوا انا شايفاها ظاهرة غريبة ليه
لأنها بجد بتعلم الناس الكسل وعدم السعي لكسب الرزق
يعني انا شايفة انك لما تشتغ ل وتتعب وتاخد فلوس مقابل شغلك ده بيبقي احساس تاني خالص
مشكورة علي ردك وعلي رأيك يا جميلة

على فكره ياسولو
الموضوع متعب برده مش زى ما انتى متخيله خالص الموضوع زى شغل بس وانا قاعد ادام الكبيوتر بتاعى وده طبعا بيسحب من نظرى مع الوق وبيتعبى برده مش زى ما انتى متخيله خالص

كسل يا محمود
ودينا عمره ما دعي للكسل
دينا بيدعوا للعمل
وقل اعملوا ,,,,,, ان الله لا يضيع أجر من أحسن عملا
برررررررررده غير مقتنعة خالص خالص بفكرة الربح من ع النت دي
لو انتشرت الحكاية دي في مصر هنلاقي كل المصالح تاني يوم قافلة
ههههههههههههههههههههههههههههههههههههه
ده الشعب المصري ده يعشق الكسل وبالزات في المصالح الحكومية
لو مرحتش علشان تعمل طلبك بدل المرة مليون مرة يبقي انت اكيد اكيد مش في مصر

حكاية الاقتناع دى انا معاكى فيها يا سولو
انا برده مش مقتنع
بس دى ميول ناس
لازما نحترمها

بس سؤالى
ازاى ربح من على النت؟؟؟؟
ازاى اقعد اوكسب؟؟؟؟؟؟؟؟
غيربة اوى

على رايك على كدة كل الناس تقعد ومتشتغلش

ياشباب فى ناس بتكسب من شركات عن طريق الضغط على الاعلانات الى موجوده فى مواقعها
بيبقى الضغط على الاعلان بسعر معين
لما بيوصل رصيدك لحد معين بتتحول على احد البنوك الالكترونيه على النت
لما رصيدك بيوصل لحد معين فى البنوك دى الفلوس بتتبعتلك بشيك عن طريق البريد
او بتتبعتلك عن طريق التحويل لحسابك لو عندك فيزا كارت


وفى برده طريقه تانيه من الشركات الى هى الدعاوى مثلا تخلى حد يسجل فى موقع الشركه عن طريقك وبرده يضغط على الاعلانات وبيبقى ليك حاجه اسمها عموله

ياريت تكونو قربتو تفهمو النظام

الصراحة مش داخلة دماغى برده يا حودة
هههههههههههههههههههههههههههههههههه
مش مستوعبها خااااااااااااالص

أنا فهمت تمام جدا
والله كويس اني فتحت النقاش في الموضوع ده
لأني مش كان عندي ادني خلفية عنه
بس برده مش مقتنعة بكونه شغل زي الشغل اللي متعودين عليه
كل واحد وليه رأيه وميوله
وانا مش مرتاحة

هههههههههههههههههههههههههه
لا تبقى عاوزه قاعده بقه ونقعد نحكى اكتر واكتر

على العموم ياشباب الموضوع متعب مش سهل وهيضيع كتير من وقتكو لو دخلتو فيه وبصراحه مش مستاهل عب باذن الله نخلص كليتنا ونشتغل بشهادتنا
.............

وعلى فكره فى ناس فاتحه بيوت من ع النت وبتكسب كتير جدا من ع النت

لان المكاسب بتبقى صغيره فى الاول وبتكبر مع مجهودك والوقت

وبلاش اقولكو فى ناس بتكسب اد ايه شهريه لحسن تتخضو يجرلكو حاجه

والصغيرين هم الى بيجرالهم اليومين دول [ندعوك للتسجيل في المنتدى أو التعريف بنفسك لمعاينة هذه الصورة]

والضغط بيلف فى البلد
اوكى يا حودة تبقى قعدة ونفهم بقى
هههههههههههههههههههههههههههههههه

احبك

شوف هو كل اللي مقتنعة بيه
انه بياخد من وقتك واكيد بيأثر علي صحتك
لأن القاعدة قدام الكمبيوتر ان ما كانتش صح بتجيب مشاكل
يعني تعب العيون والعمود الفقري وحاجات كده
بلاش بلاش تخضنا احنا داخلين علي امتحانات
كفاية علينا اللي شايفينه ده
خضتين في الراس يوجعوا برده وما بالك بقي كل مادة بخضة
ههههههههههههههههههههههههههههههههه
اه لايجيلنا شوجر ولا حاجة خلينا كده متلصمين حلوين اوي
هههههههههههههههههههههههههههههههههههه