[ندعوك للتسجيل في المنتدى أو التعريف بنفسك لمعاينة هذه الصورة]

أكيد كل بنت عايزة تكون جميلة وعلى آخر موضة في لبسها وشكلها وماكياجها وبالذات البنت المحجبة..

وطبعا زهقتِ من ربطة الطرحة التقليدية وعايزة تعرفي طرق جديدة لربط الطرح بألوانها الجميلة...

ويا سلام لو شوية إكسسوار هتكوني قمر 14 بصحيح..



للطرح السواريه مثلا مختلفة تماما عن لفات الطرح العادية وطبعا اللبس الكاجوال والكلاسيك لهم لفات خاصة في الطرح
[ندعوك للتسجيل في المنتدى أو التعريف بنفسك لمعاينة هذه الصورة]
إيه هي أحدث خامات الطرح؟
كل فصل من فصول السنة له خامة، يعني في فصل الصيف ممكن نلبس الطرح الأقطان الخفيفة والشيفون.. وفي فصل الشتاء نلبس الطرح القطن الثقيلة شوية وهي موضة جدا السنة دي، أما الأورجانزا والتول والشيفون فممكن نلبسهم في أي وقت وبيناسبوا أكثر السهرات والسواريه.
أحدث أشكال ونقشات الطرح إيه؟
الألوان المتداخلة مازالت موضة والطرح الكاروه والطرح المنقطة والطرح اللي فيها كور موجودة بكثرة والطرح المقلمة..
ومعظم الخامات دلوقتي فيها لمعة وممكن نلاقي اللمعة الفضي والذهبي مع بعض، يعني مثلا تلاقي القماش كاروه أحمر وأسود وفيه لمعة فضي أو ذهبي ولون رصاصي وفيه لمعة فضي، والأشكال المنتشرة الآن الطرح الضخمة زي (الشال).
واللمعة اللي موجودة في الطرح ممكن نلبسها في النهار؟
معظم البنات كانوا متخوفين إنهم يلبسوا الطرح اللي بتلمع في النهار لكن دلوقتي أصبحت موضة جدا.
هل ربطة الطرحة الإسبانش تراجعت شوية؟
أيوه الربطة الإسبانش تراجعت وأصبحت منتشرة حاليا الربطة المنفوشة وخصوصا الطرح الصوف المنقوشة ونازلة على الظهر كله ووجود أكثر من طرحة مع بعض.
وإيه هي أحدث أشكال وأنواع البندانة؟
أولا أنا عايزة أنصح كل البنات بإنهم يلبسوا (البندانة القطن) في الأساس على شعرهم مباشرة لأنها مفيدة وصحية جدا وتمنع تساقط الشعر وتحافظ عليه وكمان بتساعد على وضع الدبابيس كويس ولا تساعد على تزحلق الطرحة...
وعلى فكرة البندانة دلوقتي بقت بديل عن الطرحة، يعني تقدر البنت تضع أكثر من لون للبندانة على إنهم طرح ملونة وتضع في النهاية طرحة واحدة في الواجهة، وفيه أنواع كثيرة من البندانة زي البندانة "الليكرا "- "شيفون"- "التول". وعرضها 10سم وطولها 30 سم وكمان البندانة المستطيلة والبندانة الكاملة على الرأس وممكن البنت تلبسها بطريقة مائلة والعكس.
[ندعوك للتسجيل في المنتدى أو التعريف بنفسك لمعاينة هذه الصورة]

مرسى اى ليك يا محمود

اوى

ميرسى كتير يامحمود

حلوى كتير يا محمود
تسلو ايدك

بس هنعملهم ازاى دول

ميرسى لمروركم بصراحه يامرام دى مش شغلتى بقه
هههههه

خلاص شكرا على مجهودك
ابقى احاول بقى

ههههههه اوك اكيد دى شغلتك انتى

انت اية اللى دخلك اساسا منتدى البنات

البنت الي تمشي كده انا عمري ما أحترمها لان البنت طالما رضيت بالحجاب وهو فرض فيريت تكلم فياريت تكلم الفرض للاخر ومتحطش ميكب


سؤال بسيط ماهو الفرق بين الخمار والحجاب والنقاب

بص ياعم عاادل سيب كل واحد يعمل الى هو عاوزه لانك مش انت الى هتصلح الكون ار يو نو

شكرا تانى مره على الموضوع ياباشا

للاسف يا ابو صلاح اخر حاجة الواحد يتكلم عنها هو الدين لان المعظم مش بقي في دين ولا حول ولا قوة الا بالله العلي العظيم

صلى عالنبى يا عم عادل
لا الة الا الله

ده رايك ياعم عادل وانت حر

ياعم محمود انت عارف عادل و التعصب اللى فية

بصراحه بقي انا مع عادل ف كل الى قاله
لان البنت المفروض تمشى مع الفرض والى ربنا قال عليه
ايه لزومه الميكب ما فيش احسن من الجمال الطبيعي
لان بردو انا ملاحظه ان معظم البنات بقت تحرف ف لبسها وهى لبسه حجاب
ومن الاحسن انها تخلع الحجاب خالص لان كده اساءه للحجاب
بص يا عادل انا هقولك الفرق من وجهه نظري
الحجاب دي فريضه الى ربنا امر كل مسلمه انها ترديه
ولكنه يعتبر حشمه
اما الخمار فهو المذكور ف القران وهو الحجاب الصحيح
بالنسبه بقي للنقاب فهو سنه
فهو مطلوب للجميله اوي انها ترديه حتى لايبرز جمالها ويعرضها للاذي
او التى ف وجهها عيب وتريد ان تخفيه
ولكنى ملاحظه هذة الايام ان معظم البنات ترتديه للتخفى !!!!!

انوش بتهدى النفوس على فكره
هههههه
شكرا على مرورك

الله عليكي يا انوش كلامك صح والله

بس الموضوع حلو بردوا يا محمود
نايس توبيك

كلكو عليا ولا ايه هههه
على العموم شكرا على المرور
بس بصراحه انا معاكو برده