على ايه جَيّه تلومينى

بعد غياب رجعلتكم من تانى

بقصــــــــيده جامده

[size=21]على ايــــــه جايه تلــومينى

زوج يعاتب زوجته يلا نشوف بيقولها ايه

*
*
*
*

[size=21]على ايه جَيّه تلومينى
دا انتـى حقك تشكرينى

زعلانه انى بعدت عنك
ما انت زمان طلعتى عينى

على ايه جَيّه تلومينى

**********************
فاكره ايام الخـــطوبـه
لما كنتى ف شهر طوبه

يا اما نروح نفق العروبه
يا اما بالطوب تبطحينى

على ايه جَيّه تلومينى

********************

لـــــو خرجنــــا تغرميتى
ولو قعـــــدنا تبستفينى

ولما اقـــــــولك ارحمينى
ألاقى شبشب جاى ف عينى

على ايه جَيّه تلومينى

***************
لو جبتلك ف يوم زياره
عود قصب وكام خياره

تعمليلى الف غاره
وفى الحوارى تفضحينى

على ايه جَيّه تلومينى

*******************

وف الفرح والناس سعيده
وكنت بالبـــدله الجديده

القاك مسكــــــــالى حديده
وكان تفســــــك تضربينى

على ايه جَيّه تلومينى

********************
رجعت بدرى ف يوم خميس
نفسى احـــــــس انى عريس

لقيت ف ايدك عود سريس
وهات يا اكل وطنشطينى

على ايه جَيّه تلومينى

********************
وبعد الفرح بتلات شهور
روحت ومعايا عودين زهور

شخطى فيا ياعم غور
قتلك ليه بتكــــرهينى

على ايه جَيّه تلومينى

***********************

وبعد سبع سنين خلفت
كنت يوماتى بتغدا لفت

وياريت عاجب تقوليلى يا زفت
امشى غور لحسن ودينى .......

على ايه جَيّه تلومينى

***************
اخدت سلفه من صديقى
وقلتلك بالله عليـــــــكى

نفسى اكله من ايديكى
كنتى عايزه تعورينى

على ايه جَيّه تلومينى

***************
دا انتى عشتك بالخساره
ما بتفهميش زى الحماره

معندكيش غير البصاره
تعمـــــلى وتأكـــلينى

على ايه جَيّه تلومينى

******************
كل حى يروح لحاله
وكل واحد يهدا باله

والغرام لميت عزاله
وهريحك وترحينى

على ايه جَيّه تلومينى

*******************

نويت خلاص اقول يا فكيك
واخلص منك بطريقه شيك

كده اهو ومن غير تماحيك
ومش هسيبك تخلعينى

على ايه جَيّه تلومينى

*******************
هاخدلى واحده زى سوسو
تحفظ للراجـــــــل فلوســه

ولو فى يوم حنطور يدوسه
تقول دا بعلى وكان شارينى

وما تجيش تانى تلومينى

[/size][/size]

ملحوظه : الموضوع ده عشان اعمله اخد اكتر من 17 سنه

هههههههههههههههههههههه
تسلم يامان
ونايس باك

هههههههههههههههههههههههههههههههه
تسلم ايدك يا ملعم