نتيجة واحد مهيس

[size=21]تهييييييس ع التليفون يوم النتيجه
!
!
!
!

تررررررن تررررررررن تررررررررررن

الام : الو

هشام : الو..... ازيك يا طنط عامله ايه

الام : الحمد لله و انته عامل ايه يا ابنى

هشام: تمام الحمد لله ممكن اكلم على

الام : و الله على نايم دلوقتى بس لو فى حاجه ضرورى ممكن اقولهالو .....

و لا تحب اصحيهولك؟؟

هشام : ياريت يا طنط تصحيه معلش يعنى

الام : حاضر يا بنى

يا علىىىىىىىىىىىى يا علىىىىىىىىى كلم صحبك هشام على التليفون

على : حاضر يا امى انا كونت قايم اصلا

على : الو ........... مين معايا

هشام : كونداليزا رايس

على : يا بنت الايه و مال صوتك احلوكده ليه

هشام : يا عم انا هشام انته هاتستظرف على الصبح

على : بس احنا المغرب دلوقتى يا اتش

هشام : تصدق يلا انا جزمه اصلا ان انا اتصلت بيك علشان اقولك انك اتزفت نجحت

على : طيب ما انا عارف

هشام : عارف ايه ..... عارف انك نجحت

على : لا ...عارف انك جزمه

هشام : ايوه يا عم هزر هزر ما هو الناجح يرفع ايدو

على: اشمعنه

هشام : انته هاتخشلى قافيه

على :خلاص يا عم .... المهم التقدير ....هاه التقدير ايه

هشام : مش فاهمك الحقيقه ....ممكن توضحلى النقطه دى

على : بقولك التقدير انا جبت تقدير ايه

هشام : يا عم انته هاتعيش دا انته لولا درجات الرافه كانت بقت تالت سنه ليك فى رابعه

على : يا عم انته هاتزلنى

هشام : عم ايه انته شايفنى واقف تحت بيتكم مشلح الجلابيه و بقول مسكره يا جوافه

على : مكنتش اعرف ياد ان كليتنا بطلع ناس بالمرح و الخفه دى كلها

هشام : يلا معلش عيد الام بقه

على : بلا عيد الام بلا عيد العمال المهم انت عملت ايه

هشام : انا الحمد لله طلعت بجيد

على : و هو احنا عندنا ماده اسمها جيد...لا حول و لا قوه الا بالله ..يلا ربنا معاك يا اتش

هشام : يخرب بيت الزفت الى بتشربو ومطينلك دماغك ده انا جبت تقدير جيد ياض

على : طيب كويس ربنا يوفقك و مقبول من جيد مش هاتفرق

هشام : على رايك

على : هاه هانعمل ايه دلوقتى

هشام : الحقيقه مش عارف ....محتار بين بيض بالبسطرمه و فول بالسجق

على : يا راجل .... مش تقول انك محتار كده

انا اقولك بص انته تعمل عبيط

هشام : خلااااااااااص يا عم انا اسف

على : اسفك مش مقبول .. اسفك جيد جدا

.بس بجد هانعمل ايه بعد ما اخدنا البكالوريوس

هشام : هانبدا بقه رحلت البحث على شغل كويس علشان ناكل عيش

على :و انتو معندكوش عيش فى البيت و لا ايه

هشام [ندعوك للتسجيل في المنتدى أو التعريف بنفسك لمعاينة هذه الصورة] معندناش و مين قالك ان احنا معندناش

على : لا ابدا جالى هاتف

هشام : و جبتو على كام

على : لا هو اتمختر و جالى لوحدو

هشام : بس انا بجد مخنوق اوى من حكايه الشغل دى يا على

على : هـــــــه .....يارب

هشام : يارب ياعم .. بس انته عارف الوسايط و الكلام ده مالى البلد

على: تحيا جمهوريه مصر العربيه يا عم

ماتخفش يا عم ربنا هايفرجها انشاء الله

هشام : و الله يا على ان لولا كلامنا و تهريجنا مع بعض فى بلدنا دى كان الحال رسى بينا على حاجتين

يا اما كنا ولعنا فى نفسنا

يا اما كان اتولع فينا[/size]

عبالنا ما ننجح زيه يا رب العالمين

ههههههههههههههه
حلوة جدا

ههههههههههههههههههههههههههههههههههههههههه
جامدة يا دولا

مرسي ليكوا
وبشري سارة انا نجحت

ههههههههههههههههههههه
الف مبروك يادولا

الله يبارك فيكي

النجاح ده نعمة من عند ربنا

حافظ عليها بقى
وانشاء الله دايما ناجح

ان شاء الله واياكم يارب في تفوق

مرسي لمرورك

حلاوتك وانت مهيس كده والف مبروك

مرسي لمرورك

نتيجة واحد مهيس

نتيجة واحد مهيس

مواضيع مماثلة

مواضيع مماثلة