شاعر مهيس

موضوع: شاعر مهيس الخميس أبريل 23, 2009 3:51 pm

تذكير بمساهمة فاتح الموضوع :

[size=21]اديني مطلع أغنية

إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
واحد أخينا من طيبته قاعد يصالح في خطيبته
جايب لها وردة يا خيبته قالت له أروح يا عنيه

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
وجارنا كان حتة فشار فهمني إن أبوه طيار
ده عربجي وأبوه حمًار وأمه اللي شادًه العربيه

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
وأخينا ده جاي مـ المنيا ويقولي جاااي من ألمانيا
ما بان عليه الكدب في ثانيه لابسلي كاب عـالجلابيه

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
وفي مرة باكل طبق الفول في شيء حصل كان مش معقول
أمي قالتلي كفايه بقول شاحتين شوية ملوخية

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
وسعيد صبارص كان صاحبي في الشدة كنت ألاقيه جنبي
ديتها سهره تراللًي ودماغي ترجع تاني عالية

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
أنا كنت يوم فاكر اللحمة فاكر كمان إنها طعمه
نحمدو ونشكرو عالنعمة ويارب خلي الطعمية

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
ومرة أخدوني تَحَرِي وقفايا كدة وَرَمْ دوغري
مهمنيش حاجة لأني جوز خالتي صول في الداخلية

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
وأول ما تدخل حتتنا تقابلك الريحه النتنه
مكتوب هنا على بابا بيتنا ممنوع دخول الحراميه

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
ورحت مرة أنا للجزار قلت أشتري فشة وممبار
بفلوسي جاب لي رجل حمار وقاللي تنفع تسقية

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية
[/size]

موضوع: رد: شاعر مهيس الأربعاء مايو 27, 2009 2:45 pm

الشكر لله

موضوع: رد: شاعر مهيس السبت يونيو 06, 2009 12:21 pm

لا حول ولا قوة اللا بالله

شاعر تمام التمام

يسلملي مرورك

شاعر مهيس

شاعر مهيس

مواضيع مماثلة

مواضيع مماثلة