تذكير بمساهمة فاتح الموضوع :

بسم الله الرحمن الرحيم
السلام عليكم ورحمة الله وبركاته


بعد تشاور واستخاره الله(كذب)
قررنا نحن طائر الليل الحزين الجلوس علي كرسي الاعتراف وامري لله
غدا يوم الثلاثاء
31\3\2009
الساعة الحادية عشر صباحا
الي عايز يسأل قبل او بعد كده انا موافق

وحسبي الله ونعم الوكيل



للاهمية ممنوع الخوض في الحاجات الشخصية

محمد عبد المهدى كتب:

بص يا دولا
طبعا انا بعتذر انى مسألتش
بس يلا ركز بقى فى الى جاى


* شخص تحبه لمصلحه شخصيه ؟

* شخص غير حياتك بعد ان عرفته ؟

* شخص تسمع عنه وتتمني ان تلقاه ؟

* شخص تتمنى ان لايفارقك ابداً ؟

* شخص مضايقك في المنتدى وبدون زعل ؟

* رساله سلام حار وشوق كبير لمن تبعثها ؟

* رساله عتاب لمن تبعثها ؟

* رساله حب صادقه تبعثها الى ؟




ياورد مين علمك تجرح ,,, لمن توجه هذه العباره ؟؟

اعتذار الرجل للمرأه ذل أم احترام للذات ؟؟


هل ترى ان الحب الاول ناجح ام فاشل ؟؟

رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!


اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟

ايهم اكثر وبصراحه استلامك للرسائل خاصه ام ارسالك للرسائل خاصه ة؟




بص يا معلم دى اول دفعة كدة

شخص تحبه لمصلحه شخصيه ؟
احب لمصلحة معتقدش


شخص غير حياتك بعد ان عرفته ؟
هو مش شخص هو عدة اشخاص
الرسول والصحابة
وبالأخص سيدنا عمر بن الخطاب وخالد بن الوليد


شخص تسمع عنه وتتمني ان تلقاه ؟
العالم احمد زويل


شخص تتمنى ان لايفارقك ابداً ؟
ممكن اشبه صفة بشخص لان الاشخاص مش دايمة
الصبر وراحة البال والصحة

شخص مضايقك في المنتدى وبدون زعل ؟
هو كان في واحد بس بقاله اكتر من 5 اشهر مدخلش



* رساله سلام حار وشوق كبير لمن تبعثها ؟
لصحبي الي في الامارات ولاصحابي الي انا بحبهم



* رساله عتاب لمن تبعثها ؟
لكل واحد زعلان مني ومش بيقولي


* رساله حب صادقه تبعثها الى ؟
مامتي


ياورد مين علمك تجرح ,,, لمن توجه هذه العباره ؟؟
مقولهاش لحد لما انجرح ابقي اقولك


اعتذار الرجل للمرأه ذل أم احترام للذات ؟؟
الاعتذار بصفة عامة جميل ومش عيب ان الانسان يغلط بس العيب انه ميعتذرش
والمرأة دي مش مخلوق خلقه الله يبقي ليه ذل طالما هو غلاطان خلاص يعتذر


هل ترى ان الحب الاول ناجح ام فاشل ؟؟
مفيش حاجة اسمها الحب الاول والحب الاخير كله حب بس مش عارف ليه الناس بيوهموا نفسهم بالحب الاول وخلاص ممكن الحب العاشر يبقي احسن ومن الاول كلهم وشاريك والاول باعك وجرحك الاتنين عيزينك هتختار مين الاول ولا العاشر
انا عن نفسي العاشر ولا افكر في الاول مش عيب ان الواحد يبان مخدع بس العيب انه يعيش في الوهم بتاعه
ولا حتي الحب الاول الي خلانا نسيب بعض ظروف لو محبتش تاني ارجعله بس بعد تفكير لو حبيت تاني ولا افكر فيه من اساسه واقطع هذه الورقة ولا اني عشتها



رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!
العائلة - الصديق- المستقبل المهني- المال






اغمض عينيك دقيقه وتخيل قبلها انك صاحب الموقع ما هو اول قرار ستتخذه ؟
هغلق المنتدي وقت الصلاة



ايهم اكثر وبصراحه استلامك للرسائل خاصه ام ارسالك للرسائل خاصه ة؟
والله يا باشا مش عارف
بس ببعت وينبعتلي عادي مش فارقة يعني



شكرا لاسئلتك الممتازة دي يا مان

yoyo كتب:

ايه الدعوه الي علي طول بتدعيها؟؟؟؟
سبب اختيارك لاسم طائر الليل الحزين؟؟؟
تصنف شخصيه الولد \او البنت الي قدامك علي اساسا ايه؟؟؟
نفسك بكره يكون عامل ازاي؟؟؟
الصفه الي في عادل وحشه وومش عارف يغيرها؟؟؟
ايه اللحظه الي اتمنيت ان الزمن يقف بيك فيها وميمشيش؟؟
قولنا حاجه كنت معروف بيها وانت صغير؟؟
اصعب واجمل كلمه سمعتهم في حياتك؟؟
رتب الصفات دي من اكثرهم تواجد في شخصيتك للاقل
الصبر-خفه الدم-الغرور-العصبيه -التسامح-الهدؤ-الكآبه-المزاجيه-التواضع-الحنيه-

ايه الدعوه الي علي طول بتدعيها؟؟؟؟
بصي انا هتكلم بصراحة انا لما اكون عايز ربنا يفكلي زنقة مش بدعي لنفسي بدعلي لاي حد بس ممكن اقولك شوية من دعائي
ينصر الاسلام ويعز المسلمين
يهدي جميع المسلمين
يشفي امامتي وبابايا

ووبعد كده ادي لاخواتي وبعد كده انا


سبب اختيارك لاسم طائر الليل الحزين؟؟؟
بصوا يا جماعة انا مش حزين ولا حاجة ولا بحب الحزن خالص
بس ده اسم فيلم عجبني فقمت بإختياره
اسم الايميل الي انا عمله للكلية امير الانتقام وده برده فيلم


تصنف شخصيه الولد \او البنت الي قدامك علي اساسا ايه؟؟؟
شخصيته وتصرفاته واختبره يعني اختبارين
امال الشخصية لو قولتلك من اول نظرة مش هتصدقيني والله من اول نظرة له احدده
بس اتأكد بالاختبارات شوية كده يعني




نفسك بكره يكون عامل ازاي؟؟؟
ابيض علي كل المسلمين واحقق املي



الصفه الي في عادل وحشه وومش عارف يغيرها؟؟؟
مفيش انسان هيقول ان عنده صفة وحشة الي بيشوف الناس ورحم الله عبد اهدي اليا عيوبي

نحن نتطلع الي ما هو اجمل في مجال التسويق



ايه اللحظه الي اتمنيت ان الزمن يقف بيك فيها وميمشيش؟؟
وانا في حضن امي




قولنا حاجه كنت معروف بيها وانت صغير؟؟
بالشجاعة جدا وعمري ما خوفت زي الاطفال الصغيرة
وماذلت لا اخاف



اصعب واجمل كلمه سمعتهم في حياتك؟؟
توفي الي رحمة الله - حادثة -مقتل ومصرع - حريق


احب كلمة استشهاد - عملية انتحارية


رتب الصفات دي من اكثرهم تواجد في شخصيتك للاقل
الصبر-خفه الدم-الغرور-العصبيه -التسامح-الهدؤ-الكآبه-المزاجيه-التواضع-الحنيه-

التواضع-التسامح- العصبية- الحنية-المزاجية-الصبر- خفة الدم -الهدوء - الكأبة
-

yoyo كتب:

اكتر سؤال ضايقك وانت علي الكرسي؟؟
اكتر سؤال عجبك؟؟
بتحب موسيقي عمر خيرت؟؟
ايه هي هوايتك؟؟
اللاعب المفضل في كوره القدم؟؟
ايهما تفضل عندما تكون حزين الجلوس امام البحر ام النظر للسماء ام الجلوس بمفردك في غرفتك؟؟
انا عارفه اني تقلت عليك ياعادل
يارب ماكونش زهقتك

اكتر سؤال ضايقك وانت علي الكرسي؟؟
بصراحة وبدون زعل ولا سؤال

اكتر سؤال عجبك؟؟
هما سؤلين انتي الي حطاهم
اغنية نصف حالة عادل دلو قتي وكنت مضايق شويتين
السؤال التاني الدعاء الي انت بتدعيه




بتحب موسيقي عمر خيرت؟؟
بصراحة عمر خيرت جامد
بس انا بحب الموسيقي الاسباني الهادية والتركية
وعموما انا بحب الاغاني والموسيقي الرومانسية والاحزان


ايه هي هوايتك؟؟
ياه كتير
اولهم لعب كرة القدم واي رياضة
الاكتشاف والتصليح
ايام الثانوي الله يرحم الحاجة الي بتيجي في اديا




اللاعب المفضل في كوره القدم؟؟
يعني اكتر لاعب كرستيانو
بعديه ندفد ولمبر وبلاكو روني دول الاوروبين

الدوري المصري ملك الحركات والله يرحمه عبد الوهاب وابو تريكة




ايهما تفضل عندما تكون حزين الجلوس امام البحر ام النظر للسماء ام الجلوس بمفردك في غرفتك؟؟
الي حضرتك متعرفهوش ان انا اوقات كتير جدا بحب اقعد لوحدي بس مقدرش اسيب اصحابي

عندما اكون حزين النظر الي البحر






انا عارفه اني تقلت عليك ياعادل
يارب ماكونش زهقتك
متقوليش كده والله ازعل انتي سألتك تودي في داهية



بجد اكتر واحد سألني اسئلة حلوة بجد والله بدون مجاملة ولو عايزة اسئلة تاني انا تحت امر حضرتك وبجد كنت بقضي وقت جميل وانا بجاوب علي اسئلتك

محمد عبد المهدى كتب:

يويو قايمة بالواجب
هههههههههههههههههههههههههههههههه
يلا بقى جاوب علشان الدفعة التانية خلاص جاهزة

ليكوا يوم يا ظالمة
يارب انصرني عليهم

اشوف فيكوا انت الاتنين يوم















ياجماعة بجد انا بهزر وياريت وبجد اسئلتكم تهبل بجد شكلكوا بتعذوني اوي

Omand كتب:

:farao: :farao: ما هي طموحاتك في الحياه:farao: :farao:
ما رأيك في الحب من اول نظرة وهل تؤمن بالحب الأول :heart:

ما هي طموحاتك في الحياه
طموحاتي كبيرة جدا
بجد والله

ما رأيك في الحب من اول نظرة وهل تؤمن بالحب الأول
شكلك بتحب تامر حسني
عمرها حصلتلك دي
ايه الحب من اول نظرة ده مش بعترف بيه انت عارف ايه هو الي قدامك ده شخصية وكل حاجة فيه

mada كتب:

طيب يمان انت فلت مني المره دي
بص بقي انا كان عندي اساله كتيره بس محرجه وعلشان كده مش هقولها وهكتفي بالسؤال ده
لو خيروك بينانك تفضل في مصر ومتشتغلش وانك تسافر بره اسرائيل وتكون ملك زمانك هتختار ايه
(بلاش اسرائيل خليها اي دوله تانيه(

ليه يا مان ان بحسب ان انا معرفتش اهرب من اسئلتكوا انا جاوبت بالي حاسه وخلاص والي في جوايا

ياعم اسئل ولا يهمك بس ياريت بسرعة علشان هقفل الموضوع



لو خيروك بينانك تفضل في مصر ومتشتغلش وانك تسافر بره اسرائيل وتكون ملك زمانك هتختار ايه
(بلاش اسرائيل خليها اي دوله تانيه(
بص يا باشا انا هعمل زي بابا عرضت عليه دول اجنبية مرضيش بغير مصر وانت عارف راتبات مصر متنفعش في الحاجات العلمية

انا بقي ولا اسرائيل ولاغيرها
لو مصر مرضيتش بيا قدامي هيبقي قدامي حلين
حلمي الي انا بحلمه انا ربنا يرضي عني واسافر فلسطين واكون معاهم
الحل التاني اي دولة عربية بحيث افيد العرب بس

محمد عبد المهدى كتب:

1/ جاوب بكل صراحة بكل صراحة كام بنت موجوده عندك علي ايميل فارس الحب وكام بنت مسجلة علي الموبايل [ندعوك للتسجيل في المنتدى أو التعريف بنفسك لمعاينة هذه الصورة] ؟
2/ هل تقبل ان تقابل بنت من وراء اهلها ؟
3/ تقدر تقولي انت عايش قصة حب ولا لأ ولو عايش قصة حب ياريت تقول بتحب مين بكل صراحة ؟
4/ كلمة نفسك تقولها لشخص ومقولتهاش " اذكر الكلمة واذكر الشخص بالاسم ؟
5/ تفتكر مين اقرب انسان ليك ؟ اذكر الاسم
6/ لو حصل مشكلة وانت مضطر تختار واحد من اتنين صاحب عزيز ليك وحبيبة القلب ؟ تختار مين وليه

1/ جاوب بكل صراحة بكل صراحة كام بنت موجوده عندك علي ايميل فارس الحب وكام بنت مسجلة علي الموبايل
كام ايميل مش عارف بصراحة


علي الموبيل قريبي بس



2/ هل تقبل ان تقابل بنت من وراء اهلها ؟
طبعا لاء وادخلوا البيوت من ابوابها
علشان انا بحبها مش هوافق علشان لو حصل حاجة الواحد ميعرفش الشيطان مخبي ايه لو فكرت في الانتقام ولا حاجة





3/ تقدر تقولي انت عايش قصة حب ولا لأ ولو عايش قصة حب ياريت تقول بتحب مين بكل صراحة ؟
انا لاء ولو عايش مقدرش اقولك علي اسمها انت اتجننت ولا ايه



/ كلمة نفسك تقولها لشخص ومقولتهاش " اذكر الكلمة واذكر الشخص بالاسم ؟
لاء الحمد لله لو عايز اقول الكلمة هقولها لو فيها زعل هدخلهاله بمدخل ميزعلش ولو حب هقوله





5/ تفتكر مين اقرب انسان ليك ؟ اذكر الاسم
مامتي

واصحابي الانتيخ انا قولت اسمهم
واحمد جلال



لو حصل مشكلة وانت مضطر تختار واحد من اتنين صاحب عزيز ليك وحبيبة القلب ؟ تختار مين وليه
والله علي حسب المشكلة فممكن اسيب الاتنين

محمد عبد المهدى كتب:

حاسس بأيه دلوقتى؟

ايه أكتر حاجه بتفرحك فى العموم؟

ايه أكتر حاجه بتضايق ؟

نفسك فى ايه دلوقتى؟

اتمنيت ايه قبل كده ومش حصل ؟

ايه امنيتك فى الحياه ؟

كفايه عليك كده دلوقتى

حاسس بأيه دلوقتى؟
حاسس ان انا عايز اذاكر جدا


ايه أكتر حاجه بتفرحك فى العموم؟
مش حاجة هي حاجات
فوزالاهلي طبعا ومنتخب مصر
فوز المسلمين في اي مجال
اشوف عائلتي واصحابي بخير



ايه أكتر حاجه بتضايق ؟

حاجات لما اكون متعصب حد يجي يهديني بحب اكون لوحدي محدش يهديني





نفسك فى ايه دلوقتى؟
نفسي في حاجات كتير
اولهم كل الي انا عايزه يتحقق






اتمنيت ايه قبل كده ومش حصل ؟
مش محصلشي يمكن ربنا عارف انه ضرر ليا مكنش عايز يخليني فيه نصيب


ايه امنيتك فى الحياه ؟
السؤال ده مكرر بس لو صفحة مش هتكفي وكلها مفهاش مال بس ممكن شهرة

محمد عبد المهدى كتب:

ايه اكتر سؤال اتحرجت منه فى الاسئله الى فاتت ؟
ومين احسن واحد او واحده سئلك (وبلاش كلمه كلهم ديه حدد)؟
بتحب ايه (الحب ولا الصداقه )وبلاش تقول الاتنين حاجه واحده تختارها؟
احسن موقف فى حياتك واوحش موقف ايه ؟
ورائيك وبصراحه مطلقه جامد اوى يعنى كده ههههه
فى اسئلتى؟؟

يلا جاوب علشان تنجح
هههههههههههههه
حبيبى والله

ايه اكتر سؤال اتحرجت منه فى الاسئله الى فاتت ؟
السؤال ده



ومين احسن واحد او واحده سئلك (وبلاش كلمه كلهم ديه حدد)؟
يويو وبعدين انت



بتحب ايه (الحب ولا الصداقه )وبلاش تقول الاتنين حاجه واحده تختارها؟
مش هقول الانتين
الصداقة مبتجيش الا بعد الحب
ومفيش احسن من الاتنين


احسن موقف فى حياتك واوحش موقف ايه ؟
مكرر


ورائيك وبصراحه مطلقه جامد اوى يعنى كده ههههه
فى اسئلتى؟؟
جامدة يا عم وبدون زعل حسبي الله ونعم الوكيل


يلا جاوب علشان تنجح
هههههههههههههه
حبيبى والله
امال لو كنت مش بتحبني كنت عملت ايه فيا
نفسي اعرف انا افتكرت ايام الجيزة وقت ما احنا كنا بنلعب مع الهول ابن ابو الهول فاكر انا

هههههههههههههههههههههههههههههههههههههههههههههههههههه
تسلملى يا دولا دانت بقولك حبيبى من ايام الجيزة
يلا كفاية كدة شكلى تقلت عليك ولما تشوفنى هتضربنى
هههههههههههههههههههههههههههههههههههههههههه
حبيبى

محمد عبد المهدى كتب:

هههههههههههههههههههههههههههههههههههههههههههههههههههه
تسلملى يا دولا دانت بقولك حبيبى من ايام الجيزة
يلا كفاية كدة شكلى تقلت عليك ولما تشوفنى هتضربنى
هههههههههههههههههههههههههههههههههههههههههه
حبيبى

اه ايام الجيزة وقت ما احنا كنا بنلعب مع الهول ابن ابو الهول

عند المكعبات الي هي الاهرامات
امال لو كنت بتكرهني كنت عملت ايه

انا لو كنت بكرهك مكنتش هسأل اصلا
صح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مرسي ليكوا يا جماعة علي الواجب الجامد ده
ماشي يا دكتورة يويو
ها يادكتر محمد


والموضوع مفتوح

انا على طول فى الخدمة يا دولا
انت حبيبى
انت بس تأمر

هههههههههههههههههههههههههه
ولا حول ولا قوة الا بالله
وانا لله وانا اليه راجعون

الامر لله يا باشا
انا قولت يارب انصرني عليهم
يا برنس الليالي مع عادل مش هتقدر تغمض عنيك






بس انت خش واختار تعيس الحظ

ازيك يا دولا اكيد انت عارفنى (انت هتقعد ولا هتسافر البلد)
المهم ايه ريك فى كليتنا ؟
ايه رايك فى دكترتها؟
ايه رايك فى نظامها؟
لمهم ما قلت انت هتقعد ولا هتسافر البلد

لاء انا هقعد
طب انت هتقعد ولا هتسافر
المهم ايه ريك فى كليتنا ؟
كلية العلوم دي جميلة جدا وده حلمي من زمان
بس علوم بنها مش كويسة

ايه رايك فى دكترتها؟
مش كلهم حلوين

ايه رايك فى نظامها؟
كلمة واحدة زفت بس

انا هسال سوال واحد
هو اسمك الدلع ايه
ياريت الرد