السلام عليكم
ازيكم يا نجوم
انا مش اى حد ..الكلمة دى بنسمعها كتييييير اوى واللى يقولك انت عارف انت بتكلم مين واللى يقولك ده انا شخص مش عادى ده ..
انا شخصية فريدة من نوعها وانا وانا وانا ..........
المهم اللى بيقول كده بيقول على اساس ايه لازم يكون فعلا فيه حاجة مختلفة وفريدة من نوعها عشان يقول كده بمنتهى الثقة
انا عايزة كل واحد فينا دلوقتى يقول لنفسه انا مش اى حد وبعدين يركز ويفكر هو لو قال كده هيبقى عنده حق ولا لأ
يعنى نوضح اكتر .. انا مش اى حد ..معناها انك تملك شىء مش موجود على الأقل فى اللى حواليك واللى انت تعرفهم
هتقولوا انتى بتتكلمى فى الأرزاق ونعم ربنا علينا ودى حاجة مالناش دعوة بيهاوكله ملك الله
اه فعلا كل الكلام ده تمام وانا فعلا بتكلم على نعمة من نعم ربنا بس نعمة معنوية بداخلنا
انا عايزاك تقول انا مش اى حد لانى بملك مهارة معينة لان ربنا رازقنى بعقلية مختلفة وتفكير مختلف عن كل الناس وانا عارف ان ربنا وهب كل انسان مهارة مختلفة عن التانى لو استخدمها صح ووظفها صح هيغير الكون
انا مختلف ومهارتى وموهبتى مختلفة وعقليتى وتفكيرى مختلف لو فكرت بطريقتى واسلوبى وابدعت شىء واندمجت مع ناس تانية مختلفة تماما عنى فاكيد على الأقل هغير شىء ولو بسيط جدا بس اسمى انى غيرت وعملت حاجة جديدة مش زيى زى ناس تانية ربنا رزقهم بكل شىء بس ما فيش استخدام لزمن طويل اوى لحد ماكل الامكانيات صلاحيتها انتهت او يعنى مالهاش لازمة
انا مش اى حد ...تقولها من غير فخر وتكبر وغرورو لان اكيد اللى هتتكبر عليه عنده مهارة زيك غير ان المتكبر ضعيف والله لا يحب المتكبرين
هتقولها بصيغة الثقة مش بصيغة الغرور
صدقونى لو فكرتوا شوية هتلاقوا حاجة عندكم مختلفة تماما عن كل اللى حواليكم
حاولوا تستخدموها وحاولوا تبينوا للناس كلها انكم مش زى اى حد
وماتنسوش تقولوا الحمد الله

--------------------

يا سلام موضوع في منتهي الروعة

موضوع جامد
تسلمين

شكرا لمروركم

الموضوع جامد

ميرسي ياقمرايه

تسلم ايدك ياايمى

شكرا ليكى

نورتوا التوبيك