هتضحك ولا لا

موضوع: هتضحك ولا لا الخميس يناير 27, 2011 4:26 pm

فلاحة اول مرة تروح للكوافير بيسالها سشوار ولا صبغة قالتله لا فلينى هع هع هع هع

مذيعة بتسال صعيدى احمد ذويل اخد جايزة نوبل فى ايه قالها فى علبة قطيفة حمرا هع هع هع هع

صعيدى حران ومعندوش تكيف ولا مروحة اخذ لبوس خافض الحرارة هع هع هع هع

مرة واحد صعيدى قابل واحدة اجنبية سالها انت منين قالتله واتwhat قالها اجدى ناس الوتاوتة دول هع هع هع هع

استاذ سال طالب فى اى فصل يسقط المطر قاله فى الفصل اللى ماهوش سقفهع هع هع هع

غبى دبح امه وابوه سالوه ليه قالهم اصل المدرسة عاملة رحلة للايتامهع هع هع هع

صعيدى خبطته عربية اخد تعويض 50000 وقف ادام القطر قاله خش ياابو الملاين

واحد شايل انبوبة غاز قال لمراته ادعيلى قالتله روح ربنا يفتحها فى وشكهع هع هع هع

عجوزة سمعت ان الش حرام قالت الحمدلله انا طول عمرى بستحمى من الجردل

الشرطة بتتخانق مع مسطول هما يقولوله اركب وهو يقولهم لا انا عايز اسوقهع هع هع هع

موجه عربى بيقول للمدرس ليه العيال بينطقو الجيم دال قاله هو ده اللى مدننى

حمار وحشى وحمار عادى بيتسابقوبدا السباق فالحمار العادى مجريش سالوه مجرتش ليه قالهم والنعمة مانا جارى الا لما تجيبو لى ترنج زيههع هع هع هع

صعيدى رجع من الشغل لقى مراته مطبختش زعل ودخل نام فحبت تصالحه قالتله اعملك مساج قالها عليا الطلاق لو عملتيه لارميه بحلته فى الشارعهع هع هع هعهع هع هع هع

حلوين ولا ايه مستنية تعليقاتكو

ونبتدى
بس نقول الاول

ونبتدى العد التنازلى
[b]
5

4

3

2

1

0

ابداااااااااااااااااااا

[ندعوك للتسجيل في المنتدى أو التعريف بنفسك لمعاينة هذا الرابط]

[/b]

مصطفى مصطفى قوم اصحى يا صافو[ندعوك للتسجيل في المنتدى أو التعريف بنفسك لمعاينة هذا الرابط]
نعم عايزة ايه يا أخرة صبرى

قوم اصحى يا حبيبى[ندعوك للتسجيل في المنتدى أو التعريف بنفسك لمعاينة هذا الرابط]

ليه هى الساعه كام

4.30

يعنى انا اتخمد الساعه 4 و تصحينى 4.30 ليه يا ظالمه ما انا قايلك صحينى الساعه 8 على الماتش

طب ما انا باصحيك من دلوقتى علشان تلحق الماتش يا حبيبتى

يا رب عوض عليا عوض الصابرين يا بنت الحلال الماتش هاشوفه فى الصاله مش فى الاستاد

عارفه بس علشان تلحق تروح مشوارك و تيجى بسرعه قبل الماتش

مشوار ايه

تروح لماما

ليه

تروح تجيبها و تيجى بسرعه قبل الماتش

اجيبها منين و اوديها فين

مصطفى بطل دلع يا حبيبى و قوم بسرعه انا كويت لك هدوم خلاص

و الله ما باتدلع انا بس عايز اعرف هاجيبها منين و اوديها لفين

هاتجيبها من بيتها طبعا علشان هاتيجى تقعد عندنا شوية

تقعد ليه بقى

انت نسيت انى حامل يا حبيبى

لأ ما نسيتش بس هو انتى تعبانه و لا ايه

لأ الحمد لله انا زى الفل

امال هانتعب طنط ليه

يا مصطفى هاتيجى تقعد معانا لحد الولاده

ولادة مين ده انتى فى السادس يا حنان

اه ما انا عارفه بس انت شوفت مها بنت عمتى ولدت فى السابع

طب و انتى مالك

يا سلام يا اخويا افرض ولدت زيها فى السابع يبقى ايه العمل بقى

طب هافترض انك ممكن تولدى فى السابع رغم ان الدكتور قال ان الحمل طبيعى و انك زى الفل انتى و البى بى طنط تيجى تقعد معانا ليه

علشان لما يجيى لى الطلق تبقى جنبى و نجرى بسرعه على الدكتور

طب و هو الطلق ده بيجى فجأه مش ليه علامات

يا مصطفى ما انت شوفت مها كانت هاتموت هى و النونو بتاعها علشان ماحدش لحقها بسرعه

ما اختلفناش بس ده لأن مها عايشه لوحدها فى محافظة
تانية و جوزها مسافر لكن احنا بيننا و بين بيت مامتك نص ساعه زحف يعنى
برنه ممكن تجيلك

مصطفى ما تخنقنيش انا حامل و انت عمال تعصبنى على فكرة و انا ماسكه اعصابى عنك بالعافيه

طب اهدى يا حبيبتى بس استفسار اخير هو مش كان اتفاقنا انك هاتروحى تقعدى عند مامتك و اننا مش هانشحططها

ماما قالت مش هاينفع طبعا

ليه بس

انت عارف ان خالد اخويا فى ثانويه عامه و بصراحه ابنك ما بيبطلش شقاوة و مش هايخلى خاله يعرف يذاكر

هو خالد يعنى فالح قوى ده اللى فى سنه مخلص جيش

اخص عليك يا مصطفى انت بتتريق على خالد طب ايه رأيك بقى احنا املنا فيه كبير قوى السنه دى

بأمارة ايه يا حنان دى تالت مرة ثانويه عامه

ما هو علشان كده دى تالت مرة بيذاكر نفس المنهج يعنى بقى خبرة خلاص

ماشى يا حبيبتى ربنا معاه بس باباكى هايرضى طنط تسيبه و تسيب خالد 4 شهور بحالهم

ما تقلقش بابا موافق و بيقول كله يهون علشان خاطرى

ماشى هاروح اجيبها و امرى لله

الله يرحمك يا امه طول عمرك تقولى لى خد المجنونه بنت العاقلة و ما تاخدش العاقلة بنت المجنونه ادينى اخدتها مجنونة بنت مجانين

وصل مصطفى بيت حماته

ازيك يا عمى

اهلا يا درش ازيك يا حبيبى و ازى حنان و احمد

كلهم كويسين يا عمى امال طنط فين ؟

بتحضر شنطتها و جايه على طول

طب و خالد

فى اوضته بيذاكر

طب هادخل اسلم عليه على ما تستعجل لى طنط

و دخل سلم على خالد اللى كان قاعد كالعاده على الفيس بوك و منفض للدنيا كلها و طلع لقى حماته محضرة شنطه ممكن تهاجر بيها

هاتنورينا يا طنط

ده منور بأهله يا حبيبى

معلش بقى يا عمو بس انت عارف دلع حنان انا لو عليا مش عايز اتعب طنط و الله و عايزها تفضل معاك انت و خالد هنا

لا يا حبيبى ده كله يهون علشان حنون ابقى سلم لى عليها كتير و بوس لى احمد

حاضر يا عمى

و بيبص وراه لقى حماه بيرقص من فرحته[ندعوك للتسجيل في المنتدى أو التعريف بنفسك لمعاينة هذا الرابط]

اه يا امه على حظى[ندعوك للتسجيل في المنتدى أو التعريف بنفسك لمعاينة هذا الرابط]

بعد وصول حماته باسبوع

مصطفى

نعم يا حنان

فيه موضوع عايزة اقولك عليه

خير يا حبيبتى

ماما بتعيط بره

ليه كفى الله الشر حد زعلها

اه ابنك

احمد زعلها فى ايه

بيقولها هانسمى النونه حبيبة راحت معيطه

هى مش عاجبها اسم حبيبة يعنى

ايوه خدت على خاطرها علشان مش هانسمى البنت على اسمها

نعم انتى عايزانى اسمى بنتى سكينه

و مالها سكينه يعنى

حنان بطلى جنان احسن لك سكينة ايه اللى هانسميه للبنت هى كانت عملت لك ايه

يا حبيبى مش لازم ننده لها سكينه نبقى نقولها سكسكه زى ماما

ما نقولها سوكه احسن

اشمعنى انت سميت الولد على اسم ابوك

سميته على اسم ابويا علشان ابويا ميت لو امك ماتت اوعدك ابقى اسمى البنت على اسمها

بعد الشر عليها طبعا[ندعوك للتسجيل في المنتدى أو التعريف بنفسك لمعاينة هذا الرابط]

حنان اغزى الشيطان و قولى لامك تعقل و تبطل عياط علشان العياط بيجيب الفقر

و طبعا مصطفى قضى 4
شهور فى عذاب بسبب حماته و اصحابها اللى كانوا ليل نهار عندها ده غير
برشططة الاخ خالد عليهم كل يوم تقريبا علشان الاكل ده حتى لما كان ابو
العيال بيوحشها كان بيقولها خليكى مكانك و هاجى انا ازورك

المهم جه اليوم الموعود و حانت لحظة وصول المولوده
و اول حاجة عملها ابراهيم انه راح كتبها حبيبة قبل ما حنان تفوق و تضغط
عليه يسميها سكينه

و قعدت حماته طبعا للسبوع

و يوم السبوع و حماه ماشى كان ابراهيم مستنى انها تروح معاه

لقاها بتقول لجوزها

معلش بقى يا ابو حنان انا هاقعد مع البنت لحد ما تربعن

و ماله خليكى و اوعى تسيبيها غير لما تبقى زى الفل
اربعين خمسين اللى يعجبك على اقل من مهلك و بعدين خالد خلاص خلص امتحانات
يبقى ما تستعجليش

يا لهوووووووووووووى يا امه

قعد مصطفى يعد الايام و ينام بدرى و يصحى متأخر علشان الاربعين يوم يعدوا بسرعه

و بعد الاربعين يبقى الوضع على ما هو عليه و حماته ما بتمشيش

حنان

ايوه يا صافو
هو مش انتى ربعنتى اول امبارح يا حبيبتى

اه

امال ماما مأنسانا ليه لغاية دلوقتى

قاعده منورانا و ماليه علينا البيت يا حبيبى

ماشى ما اعترضناش بس مش تروح بيتها بقى تنوره شوية

تقصد ايه يا درش[ندعوك للتسجيل في المنتدى أو التعريف بنفسك لمعاينة هذا الرابط]
اقصد ان امك بتسحب نور كتير قوى و فاتورة الكهربا جت غاليه الشهر اللى فات

انت عايزنى اطرد امى يا مصطفى
لا طبعا بس انتى مش شايفه ان كده كتير

لا مش كتير امى و قاعده معايا بتعرفنى اخلى بالى من البنت ازاى

على اساس انها اول خلفه ليكى على فكرة فيه واد بره مش عارف اتكعبلتى فيه قبل كده و لا لأ

عموما ارتاح هى كده كده كانت بتقول عايزة تروح علشان بيتها و اصحابها وحشوها و بصراحه مش عارفه تاخد راحتها هنا

اه اصحابها اللى كانوا كل يوم هنا

بتبرطم تقول ايه يا مصطفى
ما باقولش باقول تروح بالسلامه ان شاء الله

و فعلا بعد الكلام ده باسبوع رجع من الشغل لقى حنان
و حماته بيعيطوا و الواد احمد بيتنطط من الفرحه و لو كان يقدر كان كسر
وراها زير حتى حبيبيه كانت بتهيص بايدها و رجلها

خير يا جماعه

ماما ماشية خلاص

ليه بس كده يا طنط و الله هاتوحشينا بس ما تبقيش
تتأخرى علينا بقى بس احنا مش عايزين نتعبك و علشان المشوار انا هابقى اجيب
لك حنان و الولاد يقضوا معاكى يومين كل اسبوع

لأ يا حبيبى ما تتعبهاش انا هابقى يومين هنا و يومين هنا ان شاء الله و الله لولا عمك ما كنتش سيبتكم و بعدين نتيجة خالد النهارده

لأ ازاى و الله ما هانتأخر عليكى ابدا و هانجيلك على طول اقولك هاجيب لك حنان كل يوم بس حضرتك ترتاحى بقى من المشوار و السلم

ربنا يخليك يا مصطفى

و بيفتح الباب علشان ينزل الشنطه العربيه لقى شنطه بره الباب و خالد واقف جنبها بيعيط

ايه ده فى ايه

انا سقطت يا ماما

حماته راحت راقعه بالصوت الحيانى يالهووووووووووووى

طب ايه الشنطه دى هما بيدوا الملف دلوقتى فى شنطة مش فى ظرف

لا يا ابو نسب اصل عمك عمل معايا الدنيئة و طردنى

طردك ليه ان شاء الله طب و دينى ما انا راجعه له
البيت ده تانى قال يطردك قال بيت اختك مفتوح لك و ربنا يخلى جوزها ادخل يا
واد حط شنطتك جوه و غير هدومك

يا نهار اسود و منيل

مصطفى طلب حماه و بعلو صوته وقف يكلمه فى الشقه علشان يسمع حماته و ابنها الساقط

باقولك ايه يا راجل انت انت تيجى دلوقتى تاخد مراتك و ابنك الفاشل لحسن و دينى ابعت لك الخمسه حالا

خمسه مين يا مصطفى

مراتك و ابنك و هابعت لك بنتك و عيالها الاتنين فوق البيعه كمان

بأمارة ايه ان شاء الله

بأمارة ان بنتك طالق

و راح ماسك حنان و رماها و هما وراها

بره بره يا مجنونه يا خلفة المجانين انتى و امك و اخوكى و خدى عيالك معاكى

و قعد يتنطط فى الشقه و بعلو صوته يهتف

طلقتها طلقتها ريحت الناس من شرها[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]
الصراحه ريح نفسه دي مصيبه
ههههههههههههههههههههههههههههه
تسلمي

مريم البتول كتب:: [ندعوك للتسجيل في المنتدى أو التعريف بنفسك لمعاينة هذه الصورة]
الصراحه ريح نفسه دي مصيبه
ههههههههههههههههههههههههههههه
تسلمي

هه اكيد مصيبه
هههههههههههههه
منوره ياقلبى

جامده جده جامده مووووووووووووووووووووووووووووت تسلمي يا جميل

مروره اجمل ياقمر
منوره

هتضحك ولا لا

هتضحك ولا لا

مواضيع مماثلة

مواضيع مماثلة