Science benha | منتديات كلية علوم بنها|خدمات علوم بنها| اسلاميات| برامج | صور| صوتيات ومرئيات | mp3
 
الرئيسيةالرئيسية  البوابةالبوابة  التسجيلالتسجيل  دخولدخول  
المواضيع الأخيرة» معهد تعليم اللغة العربية لغير الناطقين بها بجامعة المدينة العالميةحوار بين الحفيده والجد Empty الثلاثاء يوليو 21, 2015 11:09 pm من طرف ‎أبو أنس الحضرمي «منتديات ساينس بنها» مركز اللغات بجامعة المدينة العالميةحوار بين الحفيده والجد Empty الثلاثاء يوليو 21, 2015 11:07 pm من طرف ‎أبو أنس الحضرمي «منتديات ساينس بنها» وكالة البحوث والتطوير بجامعة المدينة العالميةحوار بين الحفيده والجد Empty الثلاثاء يوليو 21, 2015 11:05 pm من طرف ‎أبو أنس الحضرمي «منتديات ساينس بنها» مجمع مجلة جامعة المدينة العالمية المحكمة بجامعة المدينة العالميةحوار بين الحفيده والجد Empty الثلاثاء يوليو 21, 2015 11:04 pm من طرف ‎أبو أنس الحضرمي «منتديات ساينس بنها» كلية العلوم المالية والإدارية بجامعة المدينة العالميةحوار بين الحفيده والجد Empty الثلاثاء يوليو 21, 2015 11:02 pm من طرف ‎أبو أنس الحضرمي «منتديات ساينس بنها» كلية العلوم الإسلامية بجامعة المدينة العالميةحوار بين الحفيده والجد Empty الثلاثاء يوليو 21, 2015 11:01 pm من طرف ‎أبو أنس الحضرمي «منتديات ساينس بنها» جامعة المدينة العالمية [MEDIU] ماليزياحوار بين الحفيده والجد Empty الثلاثاء يوليو 21, 2015 10:59 pm من طرف ‎أبو أنس الحضرمي «منتديات ساينس بنها» المكتبة الرقمية بجامعة المدينة العالميةحوار بين الحفيده والجد Empty الثلاثاء يوليو 21, 2015 10:57 pm من طرف ‎أبو أنس الحضرمي «منتديات ساينس بنها» عمادة الدراسات العليا بجامعة المدينة العالميةحوار بين الحفيده والجد Empty الثلاثاء يوليو 21, 2015 10:55 pm من طرف ‎أبو أنس الحضرمي «منتديات ساينس بنها» معهد تعليم اللغة العربية لغير الناطقين بها بجامعة المدينة العالميةحوار بين الحفيده والجد Empty الثلاثاء يوليو 21, 2015 10:49 pm من طرف ‎أبو أنس الحضرمي «منتديات ساينس بنها
>

شاطر
 

 حوار بين الحفيده والجد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
العاشقه الصغيره
:: شـاب افضل فعال ::
:: شـاب افضل فعال ::
العاشقه الصغيره

انثى
الْمَشِارَكِات : 205
الْعُمْر : 25
الْنِّقَاط : 573
السٌّمعَة : 0

حوار بين الحفيده والجد Empty
مُساهمةموضوع: حوار بين الحفيده والجد   حوار بين الحفيده والجد Emptyالخميس أكتوبر 21, 2010 8:08 pm


مساء \ صباح
الخير على أجمل وأحلى أعضاء فى الدنيا


جبت لحضراتكم توبيك عجبنى جدا
أتمنى إنه ينال على الإعجــــــاب


حوار بين الحفيدة والجد فى عام 2080


الحفيدة : جدو تامر إزيك .. حلو البدي اللي انت لابسه ده ، بس ده موضة قديمة قوي يا جدو

الجد : يا بنتي أنا راجل دقة قديمة وبالبس زي ما جيلنا اتعود وحسب
التقاليد القديمة بتاعتنا

الحفيدة : أيوه بس مش حاسس إنك مخنوق وانت لابسه ؟

الجد : أبداً ده هو ده اللبس المحتشم اللي مفروض الكل يلبسه ويحافظ عليه
فين أيام زمان لما كنا نلبس البدي اللي مبين البطن والظهر بس
مع البنطلون السترتش الجلد والجوانتي الجلد
كانت حاجة آخر روشنة

الحفيدة : ياه يا جدو .. ده انتوا كان ليكم تقاليد غريبة خالص

الجد : وهو انتي فاكرة إن أيامكم دي أيام ؟ يا بنتي أيامكو دي ما يعلم بيها إلا ربنا
فين أيام سنة 2002م ، هو الواحد فينا كان يستجري يشرب سيجارة البانجو
ولا يسحب له سطر بودرة قدام أبوه ؟
طب ده الدنيا كانت تتقلب ساعتها وما تتعدلش .. أمال إيه !!
كان فيه حاجة اسمها أخلاق

الحفيدة : معقول يا جدو ؟ للدرجة دي ؟؟

الجد : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول
يعني الجيبة كان لا يقل طولها عن شبر ونص وكانوا الستات يلبسوا فوقيها بلوزة باستمرار
مش زي دلوقتي

الحفيدة : يا خبر .. وإيه كمان يا جدو ؟

الجد: ح أقول لك إيه ولا إيه .. يعني خدي عندك مثلاً
زمان كنا نسمع الطرب الأصيل لمطربين حقيقيين زي مصطفى قمر ، وعمرو دياب
وكانت الأغنية مدتها أكثر من دقيقتين متواصلين من الطرب الأصيل
والسريعة الروشة اللي تعمر النافوخ بصحيح كانوا مطربين روشين طحن
وكله كوم والست كوم تاني

الحفيدة : ومين الست دي يا جدو ؟

الجد : في حد مايعرفش الست نانسي عجرم طبعا

الحفيدة : وبعدين ؟؟؟؟؟

الجد : وبعدين كنا نسمع على حاجة اسمها اسطوانات ليزر ، ودي صحيح انقرضت
بس كان ليها طعم عن دلوقتي ، يا سلام لما كنا نحطها في الووكمان ونعلقه
في حزام البنطلون ونمشي في الشارع كده ،، كانت أيام جميلة

الحفيدة : حكاويك ممتعة قوي يا جدو
ثانية واحدة بس لما أصحي سوسو صاحبي لأنه بايت معايا في الأوضة من امبارح


بعد عدة دقائق


الحفيدة : هيه يا جدو .. وبعدين ؟؟؟؟؟

الجد : أحلى أيام بقى كانت أيام الدراسة ، الفصل كان على أيامنا رايق
وعدد التلاميذ فيه لا يقل عن ستين سبعين تلميذ ، وكنا ساعتها بنعرف نفهم الدرس كويس
مش زي دلوقتي ، وكانت الشوارع أيامها فاضية
لأن مصر كلها كان تعدادها 70 مليون مش أكثر
تخيلي بقى الروقان اللي كنا فيه ؟

الحفيدة : 70 مليون بس ؟

الجد : أمال إيه .. علشان كده كانت كل حاجة رخيصة
يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بخمسة وتلاتين جنيه
وكان أتخن جوز جزمة بمتين وخمسين جنيه
وكان الواحد يقدر يشتري شقة تمليك بـ 350 الف جنيه بس
وكان الدولار بستة جنيه بس تخيلي بقى؟

الحفيدة : ما هو علشان كده كان الجواز على أيامكم كان سهل خالص

الجد : أمال .. ده احنا الواحد مننا كان بمجرد ما يوصل سن 35 سنة

يبتدي يفكر في الجواز على طول ، وما كنش عندنا الأفكار الغريبة اللي بتعملوها دلوقتي
زي إن البنت تعد مع الولد كام سنه قبل الجواز علشان يتعرفوا على بعض أكثر
زيك انتي وسوسو صاحبك
أنا شخصياً شايف إن ده وضع مش لطيف
ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً
طب ده باباها كان ممكن ساعتها يخاصمها

الحفيدة : ده انتوا كنتوا متزمتين خالص ياجدو !!

الجد : يا بنتي إحنا اتربينا على الأخلاق والفضيلة والعادات والتقاليد
يعني كان الواحد مننا زمان لما يدخل الأسانسير ويلاقي جاره في الأسانسير ممكن يفكر يصبح عليه
ومش بعيد كان يسأله عن أحواله ، وكان أهل الفن محتشمين جداً
وكانوا دايماً يطلعوا بالمايوهات البيكيني
والمذيعات كانوا يقعدوا جنب الضيف مش على ركبته زي دلوقتي

هيـ يـ يـ يـ ـه الله يرحم دي أيام

الحفيدة : رايح فين يا جدو ؟؟؟؟؟

الجد : أصلي كنت موصي الجزار على اتنين كيلو لحمة وأديته ثلاثة آلاف جنيه عربون
وعايز أروح أطمن إذا كانت اللحمة وصلت ولا لأ
تشاو .. سي يو


،،،،،،،،،،،،،،،،،،،،،،،،
أتمنى التوبيك يكون عجب حضراتكم
تحياااااااااااااااااااااااااااتى


الرجوع الى أعلى الصفحة اذهب الى الأسفل
 

حوار بين الحفيده والجد

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Science benha | منتديات كلية علوم بنها|خدمات علوم بنها| اسلاميات| برامج | صور| افلام | mp3 :: منتديات شويه فرفشه :: المنتدى الترفيهى-